ەكسپو» مازىرىنە ازىرلىك
سەنبى, 16 اقپان 2013 7:51
«كوكشە» اكادەمياسى تاراپىنان «جەكە باتىر» قوناق ءۇي كەشەنى نەگىزىندە قازاقستاندا ءبىرىنشى بولىپ قۇرىلعان تۋريزم جانە قوناقجايلىلىق جوعارى مەكتەبىندە ايماقتىق ۇلتتىق تاعامدار فەستيۆالى وتكىزىلدى. ونى قازاقستان كۋلينارلار اسسوتسياتسياسىنىڭ پرەزيدەنتى, حالىقارالىق دارەجەدەگى تورەشى, رەسەيدىڭ «ءىلتيپات بەلگىسى» جوعارى ناگراداسىنىڭ يەگەرى ەلەنا ماششينسكايا مەن «كوكشە» اكادەمياسىنىڭ رەكتورى جانات قاسىم اشتى.
سەنبى, 16 اقپان 2013 7:51
«كوكشە» اكادەمياسى تاراپىنان «جەكە باتىر» قوناق ءۇي كەشەنى نەگىزىندە قازاقستاندا ءبىرىنشى بولىپ قۇرىلعان تۋريزم جانە قوناقجايلىلىق جوعارى مەكتەبىندە ايماقتىق ۇلتتىق تاعامدار فەستيۆالى وتكىزىلدى. ونى قازاقستان كۋلينارلار اسسوتسياتسياسىنىڭ پرەزيدەنتى, حالىقارالىق دارەجەدەگى تورەشى, رەسەيدىڭ «ءىلتيپات بەلگىسى» جوعارى ناگراداسىنىڭ يەگەرى ەلەنا ماششينسكايا مەن «كوكشە» اكادەمياسىنىڭ رەكتورى جانات قاسىم اشتى.
– ءبىز بۇل فورۋمدى «ەكسپو-2017» كورمەسىنە دايىندىق اياسىندا وتكىزگەلى وتىرمىز, – دەدى ۇيىمداستىرۋ كوميتەتىنىڭ ءتوراعاسى, وبلىستىق تۋريزم, دەنەشىنىقتىرۋ جانە سپورت باسقارماسى توراعاسىنىڭ ورىنباسارى شناربەك باتىرحانوۆ. – بارشا قازاقستاندىقتاردى استانامىزدىڭ الەمدىك دەڭگەيدەگى جەڭىسى جىگەرلەندىرىپ وتىر. وسىناۋ وراسان زور ساياسي وقيعا استانالىق وبلىس وكىلدەرىنە دە ءۇلكەن جاۋاپكەرشىلىك جۇكتەيدى. اقمولا قازاقستاننىڭ تۋريستىك الەۋەتىن, حالقىمىزدىڭ قوناقجايلىق داستۇرلەرىن جارقىراتا كورسەتۋگە اتسالىساتىن بولادى. ءبۇگىنگى فەستيۆالدىڭ ماڭىزى دا وسىندا.
فەستيۆال سىندارىنا تاڭداۋلى 12 كوماندانىڭ 60 وكىلى قاتىستى. بۇلاردىڭ قاتارىندا ايماقتاعى وزىق تاماقتاندىرۋ مەكەمەلەرىنىڭ جانە وبلىستىڭ وقۋ ورىندارى ءوز شەبەرلىكتەرىن تانىتتى. قازىلار القاسى تاعامداردىڭ ءدامى مەن ساپالىق ەرەكشەلىكتەرىمەن قاتار, اس ءمازىرىنىڭ قۇرامىنا, بەزەندىرىلۋىنە, ونى ۇسىنۋ مانەرىنە ايرىقشا نازار اۋداردى. بايقاۋ شارتىنا سايكەس, ءدام ازىرلەۋدە تەك قانا تابيعي قوسپالار پايدالانىلىپ, وعان قاجەتتى ونىمدەر, ءتىپتى, ىدىس-اياققا دەيىن مۇقيات تەكسەرىستەن وتكىزىلدى.
العاشقى بولىپ بۋراباي اۋدانىنداعى «ەكسپرەسس» كافەسىنىڭ 10 ءتۇرلى تاعامى ۇسىنىلدى. قازىلار القاسى ازەربايجان پالاۋى مەن گۋتاب بالىشىنە جوعارى باعا بەردى. ال, ششۋچە تۋريزم يندۋسترياسى مەن سەرۆيسى كوللەدجىنىڭ وقىتۋشىسى سۆەتلانا يانچەنكو باستاعان «قوناق ءۇي شارۋاشىلىعىن ۇيىمداستىرۋ» ءبولىمىنىڭ وقۋشىلارى تاعامعا تولى ءۇش ۇستەل قويعان ەكەن. ونىڭ ءبىرىنشىسى, كۇيەۋ-قالىڭدىق جورالعىسىنا ارنالعان «ماحاببات» ءدامى اتالسا, ەكىنشىسى, «رەنەسسانس» ءستيلىن, ءۇشىنشىسى, جاپون كۋحنياسىن پاش ەتەدى.
– ال, ءبىزدىڭ «توي-داستارحان» جشس كوكشەتاۋداعى №1 قۇرىلىس-تەحنيكالىق كوللەدجىنىڭ الەۋمەتتىك ارىپتەسى رەتىندە بولاشاق اسپازدار مەن كونديتەرلەرگە تاجىريبەلىك كومەك كورسەتىپ, شەبەرلىك-سىنىپتار ساباعىن وتكىزەدى, – دەيدى ەلەنا ماششينسكايا. – ولاردىڭ ءبىرشاماسى ءبىزدىڭ كاسىپورىندا ەڭبەك ەتىپ ءجۇر. بۇگىن ءبىز «ەل بولاشاعى جاستار قولىندا» جانە «جىل ساۋعاسى» اتالاتىن تاقىرىپتىق ۇسىنىمدار ازىرلەدىك.
بايقاۋ قورىتىندىسىندا «ەكسپرەسس» كافەسىنىڭ جۇمىستارىنا ءبىرىنشى ورىن بەرىلدى. ال, كوكشەتاۋداعى «اراي» كافەسىنىڭ اسپازى ەمين داداشەۆ, كونديتەرلەر داريا دوبريلكو, اناستاسيا لەيمان, داياشىلار نۇرگۇل امانجولوۆا مەن ءزاۋىربەك تاڭاتاروۆ ماماندىعى بويىنشا ۇزدىك اتاندى. «استانا», «ەۋرازيا» مەيرامحانالارى مەن «اراي» ءدامحاناسى ارنايى سەرتيفيكاتتى جەڭىپ الدى.
باقبەرگەن امالبەك,
«ەگەمەن قازاقستان».
اقمولا وبلىسى.
