«كەزدەسۋ بارىسىندا الداعى ۋاقىتقا جوسپارلانعان ءىس-شارالار مەن جوعارى دەڭگەيدەگى ساپارلارعا قاتىستى ماسەلەلەر تالقىلاندى. ونىڭ ىشىندە ءابۋ-دابيدە قىركۇيەك ايىندا وتەتىن ۇكىمەتارالىق كوميسسيانىڭ كەزەكتى وتىرىسىن وتكىزۋدىڭ, سونداي-اق, ارىپتەستىكتى ودان ءارى ارتتىرۋ جولدارىن ىزدەستىرۋدىڭ ماڭىزدىلىعى اتاپ ءوتىلدى.
ەلشى قازاقستاندىق تاراپتىڭ ينۆەستيتسيالار سالاسىندا ءوزارا قول جەتكىزىلگەن ۋاعدالاستىقتاردى ىسكە اسىرۋعا قولداۋ كورسەتۋگە دايىن ەكەندىگىن قايتا راستادى. وسى رەتتە, اتىراۋ وبلىسىنداعى پوليەتيلەن ءوندىرۋ كەشەنى جوباسىنىڭ قازىرگى جاعدايى تالقىلاندى. سونداي-اق نۇر-سۇلتان قالاسىنداعى ء«ابۋ-دابي پلازا» كەشەنىنىڭ ەلوردا كۇنىن تويلاۋ قارساڭىندا رەسمي اشىلىپ, قولدانىسقا بەرىلۋى ەكى ەل ءۇشىن اۋقىمدى تاريحي وقيعالاردىڭ ءبىرى بولاتىنى ايتىلدى» دەلىنگەن قر سىرتقى ىستەر مينيسترلىگىنىڭ اقپاراتىندا.
سونىمەن قاتار, تاراپتار مادەني-گۋمانيتارلىق جانە ءبىلىم سالاسىنداعى ىنتىماقتاستىقتىڭ قارقىندى دامۋىن اتاپ وتكەن.
وسىعان وراي, قازاقستاندىق ەلشى بيىل نۇر-سۇلتان قالاسىنداعى №84 مەكتەپ-ليتسەيىندە شەيح فاتيما بينت مۋباراك اتىنداعى اراب ءتىلىن وقىتۋ ورتالىعىنىڭ اشىلعانىنا جانە قازاقستاننىڭ ۇزدىك وقۋشىلارىنا امىرلىكتەر جوعارى وقۋ ورىندارىنا گرانت بولگەنى ءۇشىن العىسىن ءبىلدىردى.
ايتا كەتەيىك, تاياۋدا ء«ابۋ-دابي پلازا» كەشەنىنىڭ قۇرىلىسىن جۇرگىزىپ جاتقان كومپانيانىڭ باس ديرەكتورى ەلياس م. ديب Tengrinews.kz تىلشىسىنە نىساننىڭ قۇرىلىسى كەزەڭ-كەزەڭمەن ءجۇرىپ جاتقانىن ايتقان بولاتىن.
"2019 جىلدىڭ ورتاسىندا ساۋدا ورىندارى مەن قوناقۇيلەردى پايدالانۋعا بەرۋ جوسپارلانىپ وتىر. ياعني, ءبىز باستاپقىدا قوناقۇيدى, كەيىننەن ساۋدا ورىندارىن, سوسىن عانا قالعان بلوكتاردى پايدالانۋعا بەرەمىز. جالپى قۇرىلىس جۇمىستارىنىڭ بارلىعى 2019 جىلدىڭ سوڭىندا اياقتالادى دەپ جوسپارلايمىز" دەدى "الدار ەۆرو ازيا" جشس باس ديرەكتورى ەلياس م. ديب.
ونىڭ ايتۋىنشا, ەڭ بيىك عيمارات كەشەنىنىڭ قۇرىلىسى شامامەن 2020 جىلى اياقتالادى.
"R دەپ اتالاتىن بلوك كەشەننىڭ ەڭ بيىك عيماراتى بولادى, ونى سالۋعا كوپ ۋاقىت كەتەدى. ونى ناقتى قاي ۋاقىتتا پايدالانۋعا بەرەتىنىمىزدى ايتا المايمىن. ...بيىكتىگى بويىنشا 78 قابات بولادى" دەدى كومپانياداعىلار.
ەسكە سالا كەتسەك,ء "ابۋ-دابي پلازا" قۇرىلىسى 2010 جىلدىڭ قاراشاسىندا باستالعان بولاتىن. وسىعان دەيىن نىساندى سالۋعا 1,6 ميلليارد دوللار جۇمسالاتىنى ايتىلعان ەدى.
