م. بەكەتاەۆ جەلتوقسان ايىندا قابىلداناتىن زاڭ جوبالارى جۇمىسىنىڭ جوسپارى بار ەكەنىن اتاپ ءوتتى. وسى جوسپارعا سايكەس بىرقاتار زاڭ جوباسى قازاقستان رەسپۋبليكاسى پارلامەنتى ماجىلىسىنە جىبەرىلەدى دەپ كۇتىلۋدە.
2019 جىلدىڭ قاڭتار-قىركۇيەك ايلارىندا 19 زاڭ جوباسىن قر پارلامەنتىنە ەنگىزۋ جوسپارلانعان بولاتىن. بۇگىندە 9-ى ەنگىزىلدى. ءبىر زاڭ جوباسىن ەنگىزبەۋ تۋرالى شەشىم قابىلداندى.
«سەبەبى ونى رەتتەۋ اياسى جەتكىلىكتى تۇردە اۋقىمدى ەمەس. بۇل ماسەلەنى (اسىل تۇقىمدى مال شارۋاشىلىعى ماسەلەسى) نەعۇرلىم ناقتى زەردەلەۋ كەزىندە اۋىل شارۋاشىلىعى مينيسترلىگى بۇل زاڭ جوباسىن ەنگىزۋدەن باس تارتۋعا شەشىم قابىلدادى جانە ونى بەلگىلى ءبىر مەرزىمگە كەيىنگە قالدىردى», — دەپ ءتۇسىندىردى مينيستر.
قالعان 9 زاڭ جوباسىنىڭ ۇشەۋى تامىز ايىنىڭ سوڭىنا دەيىن پارلامەنتكە جولدانادى. التاۋى قىركۇيەك ايىندا جىبەرىلەدى.
سونىمەن بىرگە, م. بەكەتاەۆ جاڭا ساياسي ماۋسىمدا جاڭا زاڭ جوبالارىن قابىلداۋ قاجەتتىلىگى تۋىندايتىنىن ايتتى.
«مەملەكەت باسشىسىنىڭ ءار جولداۋىنان كەيىن ونى ىسكە اسىرۋ جونىندەگى ءىس-شارالار جوسپارى قۇرىلاتىنىن بىلەسىزدەر. سەسسيانىڭ اشىلۋىندا مەملەكەت باسشىسىنىڭ جولداۋى جاريالانادى دەپ جوسپارلانعان. زاڭ جوبالارىنىڭ قوسىمشا ءتىزىمى دە جاسالادى دەپ بولجاۋعا بولادى. بۇل تىزىمدەگى مەرزىمدەر قاتالىراق ءارى قىسقاراق بولۋى مۇمكىن», — دەدى م. بەكەتاەۆ.
سونىمەن قاتار ادىلەت ءمينيسترى زاڭ نورمالارىن شىعارۋ قىزمەتىن جەتىلدىرۋ ماسەلەلەرى بويىنشا زاڭنامالىق تۇزەتۋلەر پاكەتىنىڭ قابىلدانۋىمەن جاڭا زاڭداردى قابىلداۋ مەرزىمدەرىن بۇزعانى ءۇشىن جاۋاپكەرشىلىك كۇشەيتىلەتىنىن اتاپ ءوتتى.
«ۇكىمەت رەگلامەنتىنە ءبىز ۇسىنىپ جاتقان وزگەرىستەر جاۋاپكەرشىلىكتى كۇشەيتۋدى كوزدەيدى. ەگەر قازىرگى ۋاقىتتا بۇل ۆيتسە-مينيسترلەر بولسا, ءبىزدىڭ ۇسىنىسىمىز بويىنشا مينيسترگە ۇلكەن جاۋاپكەرشىلىك جۇكتەلۋى كەرەك. ەگەر قازىر مەرزىمدى ءبىر رەت جازاسىز قالدىرۋعا بولاتىن بولسا, ەكىنشى كوشىرۋ ۆيتسە-مينيسترگە شارا قابىلداۋدى قامتىسا, بيىل بۇل ماسەلەنى كۇشەيتۋ جوسپارلانۋدا. بۇل زاڭ جوباسى پارلامەنتكە ۇسىنىلادى, قانداي دا ءبىر ۋاقىتتا قابىلدانادى, بىراق ءبىز مەملەكەتتىك ورگاندار بۇل تەتىكتەردى قانداي دا ءبىر دەڭگەيدە قازىر, زاڭنىڭ قابىلدانۋىن كۇتپەي-اق, قولدانعانىن قالايمىز», — دەدى مينيستر.
نەكەنى جەدەل تىركەۋ تۋرالى جۋرناليستەردىڭ سۇراعىنا جاۋاپ بەرگەن م. بەكەتاەۆ نەكەگە تۇرۋعا ءوتىنىش بەرگەننەن كەيىن ءبىر اي كۇتۋ ەڭ وڭتايلىسى ەكەنىن اتاپ ءوتتى.
«جەكە پىكىرىممەن بولىسەر بولسام, ارەكەت ەتىپ تۇرعان زاڭناما وڭتايلى رەتتەۋدى قاراستىرادى جانە ول جەتكىلىكسىز بولۋى مۇمكىن, ويتكەنى اجىراسۋ فاكتىلەرى وتە كوپ. قازىر “كەيىنىرەك كەلىڭىز” دەپ ايتۋ دا دۇرىس شىعار, جاستار ەموتسيونالدى كۇيدەن ءوتىپ, ءبىراز ۋاقىتتان كەيىن, ءبارىن دۇرىس ويلانىپ, اتا-انالارىمەن اقىلداسىپ بارىپ, قارىم-قاتىناستارىن تىركەگەنى دۇرىس شىعار», — دەپ باسا ايتتى مارات بەكەتاەۆ.
قورىتىندىلاي كەلە, ادىلەت ءمينيسترى زاڭداردىڭ ءجيى وزگەرۋى قازىرگى قوعام ءۇشىن قالىپتى ءۇردىس ەكەنىن اتاپ ءوتتى.
«زاڭداردىڭ قابىلدانىپ, ولارعا 10-20 جىل ىشىندە ەشقانداي وزگەرتۋلەر ەنگىزىلمەيتىن ۋاقىتتاردى ەسكە الۋ, بۇل - دۇرىس تۇسىنىك ەمەس. سەبەبى زاڭداردىڭ ءجيى وزگەرۋ جاعدايى قازاقستانعا عانا ءتان ەمەس. بۇل قازىر بۇكىل الەمدە عىلىمنىڭ, تەحنولوگيالاردىڭ جەدەل دامۋىنا بايلانىستى بولىپ وتىرعان جاعداي», — دەدى م. بەكەتاەۆ.
ونىڭ ايتۋىنشا, مۇلدەم جاڭا قاتىناستار تۋىنداۋدا. بۇعان دەيىن ينتەرنەت بولعان جوق, تەحنولوگيالار سونشالىقتى ءجيى وزگەرمەيتىن. مىسالى, كيبەرۆاليۋتا پايدا بولدى. بۇل — جاڭا قوعامدىق قۇبىلىستار, رەتتەۋدى قاجەت ەتەتىن قۇقىقتىق قاتىناستار جانە بۇل زاڭدارعا وزگەرىستەر ەنگىزۋدى تالاپ ەتەدى.
«ەگەر ءبىز زاڭدارداعى وزگەرىستەرگە ىلەسىپ وتىرماساق, ءبىز ينۆەستورلاردى تارتۋ بويىنشا, بيزنەستى ىشكى رەتتەۋدە باسقا يۋريسديكتسيالارمەن باسەكەگە تۇسە المايمىز, وندا ءبىزدىڭ كومپانيالارىمىز جاڭا جاعدايلارعا تەز بەيىمدەلەتىن ەلدەر سياقتى باسەكەگە قابىلەتتى بولمايدى. سوندىقتان ومىردەگى وزگەرىستەرگە ىلەسىپ, زاڭنامانى بەيىمدەۋ وتە ماڭىزدى», — دەدى مينيستر.
