ايماقتار • 26 تامىز، 2019

سەناتور د.مۋسين جارما اۋدانىنا باردى

53 رەت كورسەتىلدى

پارلامەنت سەناتىنىڭ دەپۋتاتى دۇيسەنعازى مۋسين جۇمىس ساپارىمەن شىعىس قازاقستان وبلىسىنىڭ جارما اۋدانىندا بولدى. بۇل تۋرالى پارلامەنت سەناتىنىڭ ءباسپاسوز قىزمەتى حابارلادى.

د.مۋسين Nur Otan پارتياسىنىڭ بولىمشەسىندە اۋداندىق ءماسليحات دەپۋتاتتارىمەن كەزدەسىپ، پارلامەنت قابىلداعان زاڭ جوبالارىن، سونداي-اق ەلىمىزدە اگروونەركاسىپتىك كەشەندى دامىتۋدىڭ 2017-2021 جىلدارعا ارنالعان مەملەكەتتىك باعدارلاماسىن تالقىلادى. كەزدەسۋدە  ۇستازدار مارتەبەسى، جاس مامانداردى اۋىلدارعا تارتۋ ءىسى سياقتى بىرقاتار الەۋمەتتىك ماسەلەلەر قوزعالدى.

ساپار اياسىندا سەناتور جاڭعىزتوبە كەنتىندەگى بىرقاتار الەۋمەتتىك نىسانداردى ارالاپ، جاڭعىزتوبە ورتا مەكتەبىنىڭ جاعدايىمەن، دارىگەرلىك امبۋلاتوريانىڭ ماتەريالدىق-تەحنيكالىق بازاسىمەن، سالىنىپ جاتقان كۇن ەلەكتر ستانتسياسى قۇرىلىسىمەن تانىستى.

سەناتور سونداي-اق شۋاق اۋىلىنداعى جىلۋ قازاندىعىنىڭ قۇرىلىسىمەن تانىسىپ، مەردىگەرلەرمەن پروبلەمالىق ماسەلەلەردى تالقىلادى. نىسان قۇرىلىسى ۇزاق جىلداردان كەيىن قايتا جانداندى. بيىل اۋىل تۇرعىندارى جىلۋمەن قامتاماسىز ەتىلەتىن بولادى.

سوڭعى جاڭالىقتار

تاعى 1650 قازاقستاندىق ىندەت جۇقتىردى

كوروناۆيرۋس • بۇگىن، 09:00

ۇقساس جاڭالىقتار