قوعام • 23 تامىز، 2019

ءبىلىم بەرۋ جۇيەسىنىڭ دامۋى تۋرالى ايتىلدى

66 رەتكورسەتىلدى

قر ۇكىمەتىندە وتكەن ءباسپاسوز كونفەرەنتسياسىندا ءبىلىم جانە عىلىم ءمينيسترى اسحات ايماعامبەتوۆ قر تۇڭعىش پرەزيدەنتى – ەلباسى ن. نازارباەۆتىڭ بيىل 21 تامىزدا Nur Otan پارتياسىنىڭ ساياسي كەڭەسىنىڭ وتىرىسىندا العا قويعان مىندەتتەرىن شەشۋ جونىندەگى جوسپارلار تۋرالى ايتىپ بەردى.  بۇل تۋرالى primeminister.kz حابارلادى. 

بىرىنشىدەن، قوعامدا كوپتەپ تالقىلانىپ جاتقان ماڭىزدى مىندەت — بۇل اسىرەسە، جوو-لارداعى سىبايلاس جەمقورلىقتىڭ الدىن الۋ جانە ونىمەن كۇرەس.

«قازىر قر بعم بىرنەشە باعىت بويىنشا جۇيەلى جۇمىستار اتقارىپ جاتىر. بيىل ماگيستراتۋراعا ءتۇسۋ بويىنشا جاڭا فورمات ەنگىزىلدى. ول جاقسى ناتيجەلەر بەردى. ءبىز سىبايلاس جەمقورلىقپەن كۇرەس اگەنتتىگىمەن، قوعاممەن بىرگە اشىق ءادىل ەمتيحاندار وتكىزدىك»، — دەدى مينيستر.

سونىمەن قاتار، جوو-لاردىڭ ساپالى ءبىلىم بەرۋىن قامتاماسىز ەتۋ ماقساتىندا ءۇش ۋنيۆەرسيتەت تەكسەرىلدى. بۇگىندە وسى وقۋ ورىندارىنىڭ ليتسەنزيالارىن توقتاتۋ تۋرالى ماسەلە شەشىلىپ جاتىر. 

تاعى ءبىر مىندەت — سەسسيالاردى، ەمتيحانداردى تاپسىرۋ كەزىندە سىبايلاس جەمقورلىقپەن كۇرەسۋ. وسى ماقساتتاردا جوبالىق كەڭسە — ادال ءبىلىم جۇمىس ىستەيدى، وندا باق، قوعام وكىلدەرىمەن، بەلسەندىلەرمەن بىرلەسكەن جۇمىس اتقارىلادى. 

ا. ايماعامبەتوۆ سونىمەن قاتار ستۋدەنت جاستاردى جاتاقحانالاردا ورىندارمەن قامتاماسىز ەتۋ بويىنشا اتقارىلىپ جاتقان جۇمىستار تۋرالى ايتىپ بەردى. 75 مىڭ ورىنعا ستۋدەنتتەر جاتاقحاناسىن سالۋ مىندەتى قويىلعان ەدى. 

قر بعم مالىمەتتەرى بويىنشا، بيىل جوسپارلانعان 5 مىڭ ورىننىڭ ورنىنا 8 586 ورىن ەنگىزىلەدى. ياعني، جوسپار 172% ورىندالادى.

«قازىر ءبىز 4،5 مىڭ ورىندى تاپسىردىق. جىل سوڭىنا دەيىن 8،5 مىڭ جاڭا ورىندى پايدالانۋعا بەرۋدى جوسپارلاپ وتىرمىز. بۇل باعىتتاعى جۇمىستار قارقىندى ءجۇرىپ جاتىر. بىراق ءبىزدىڭ الدىمىزدا وسى جۇمىستاردىڭ تەتىگىن جەتىلدىرۋ مىندەتى تۇر»، — دەدى مينيستر.

جۇمىس ىستەمەيتىن جاستاردى وقىتۋمەن قامتۋ ءۇشىن 2017 جىلدان باستاپ «بارشاعا ارنالعان تەگىن تەحنيكالىق جانە كاسىپتىك ءبىلىم بەرۋ» جوباسى ىسكە اسىرىلۋدا.

«قازىر ءبىز وسى جوبانىڭ ناتيجەلەرىن كورىپ وتىرمىز. بىرىنشىدەن، تەك وسى جوبا بويىنشا قامتۋ 30%-عا ارتتى ( 2017 جىلدان بەرى 200 مىڭعا جۋىق ادام وقىتىلدى، ونىڭ ىشىندە حالىقتىڭ 70%-ى الەۋمەتتىك الجۋاز توپتارىنان). ەكىنشىدەن، ەگەر وسى جوبانى ىسكە اسىرعانعا دەيىن ءبىلىم الۋشىلار كوللەدجدەردەن تەك ءبىر عانا ماماندىق الىپ شىعاتىن بولسا، قازىر سونداي ۋاقىت ىشىندە 3 ماماندىققا دەيىن الىپ شىعا الادى»، — دەدى ا. ايماعامبەتوۆ.

سونىمەن قاتار مينيستر اۋىل جاستارىن بەلسەندى جۇمىسپەن قامتۋ شارالارىمەن قامتۋ ماقساتىندا ءموبيلدى توپتار جۇمىس ىستەيتىنىن ايتتى. ءموبيلدى وقىتۋ ورتالىقتارى شالعاي ەلدى مەكەندەردە جۇمىس ىستەيتىن بولادى. سونىمەن قاتار، بيىل 1 قىركۇيەكتەن باستاپ جۇمىسشى ماماندىقتارعا وقيتىنداردىڭ شاكىرتاقىسى 30%-عا ارتتىرىلادى. 

ۇلتتىق جوعارى وقۋ ورىندارىنىڭ رەكتورلارىن تاعايىنداۋ جۇيەسىنىڭ وزگەرۋى تۋرالى سۇراققا جاۋاپ بەرە وتىرىپ، اسحات ايماعامبەتوۆ كۇتىلەتىن ناتيجەلەردى ءتۇسىندىردى.

«سىزدەر بىلەتىندەي، بۇرىن ولاردى مەملەكەت باسشىسى تاعايىندايتىن. ەندى ولار كونكۋرس ارقىلى تاعايىندالاتىن بولادى. بۇل نە بەرەدى؟ بىرىنشىدەن، اشىقتىق. ەكىنشىدەن، باسەكەلەستىك. ۇشىنشىدەن، قوعام الدىنداعى ۇلكەن جاۋاپكەرشىلىك جانە قوعامنىڭ وسى پروتسەسكە قاتىسۋى. جاس كادرلارعا كەلسەك، ولاردىڭ قاتىسۋى قولدالادى. جالپى، جاسىنا، مۇمكىندىكتەرىنە ت.ب. قاراماستان ازاماتتار وسى كونكۋرسقا قاتىسا الادى»، — دەپ ءتۇسىندىردى مينيستر جانە كوميسسيا شەشىمدەر قابىلداۋدا مەريتوكراتيا قاعيداتىن باسشىلىققا الاتىنىن اتاپ ايتتى. 

سوڭعى جاڭالىقتار

التىن قورىمىز كوبەيىپ كەلە جاتىر

قازاقستان • بۇگىن، 17:30

اقمولادا تاعى ءبىر ناۋقاس انىقتالدى

كوروناۆيرۋس • بۇگىن، 16:07

قارعىن سۋ بالكاشيندى باسىپ قالدى

ايماقتار • بۇگىن، 16:05

تاسقىننىڭ بۇگىنگى احۋالى

ايماقتار • بۇگىن، 15:42

سالەحاردتان كەلگەن تسيكلون

ايماقتار • بۇگىن، 15:30

ەلوردادا جالپى جاعداي تۇراقتى

كوروناۆيرۋس • بۇگىن، 14:50

فۋتبول ماۋسىمى جالعاسا ما؟

سپورت • بۇگىن، 14:48

ۇقساس جاڭالىقتار