جەدەلدىك قاجەت
جۇما, 18 قاڭتار 2013 7:53
لاتىن الىپبيىنە كوشۋ ماسەلەسى قازىر ۋاقىت كۇتتىرمەس مىندەتكە اينالدى دەۋگە بولادى. جاhاندانۋ بەلەڭ العان قازىرگى كەزەڭدە الەمنەن وقشاۋلانىپ قالماۋ جانە دۇنيەجۇزى جۇرتشىلىعىمەن تىعىز بىرلىكتە بولۋ ءۇشىن لاتىن الىپبيىنە كوشۋ اۋاداي قاجەت. سوندىقتان, بىزگە قانداي ءالىپبي كەرەك دەگەن ساۋالعا كوپ باس قاتىرۋدىڭ دە قاجەتى جوق, بۇل ساۋالعا بەرىلەر جاۋاپتىڭ باسى اشىق. ەڭ دۇرىسى, حالىقارالىق كومپيۋتەر تىلىنە ساي كەلەتىن ءالىپبي جۇيەسىن العانىمىز ءجون. مۇنداي ءالىپبي جۇيەسىندە ارنايى بەلگىلەر قويۋدىڭ كەرەگى دە بولمايدى.
جۇما, 18 قاڭتار 2013 7:53
لاتىن الىپبيىنە كوشۋ ماسەلەسى قازىر ۋاقىت كۇتتىرمەس مىندەتكە اينالدى دەۋگە بولادى. جاhاندانۋ بەلەڭ العان قازىرگى كەزەڭدە الەمنەن وقشاۋلانىپ قالماۋ جانە دۇنيەجۇزى جۇرتشىلىعىمەن تىعىز بىرلىكتە بولۋ ءۇشىن لاتىن الىپبيىنە كوشۋ اۋاداي قاجەت. سوندىقتان, بىزگە قانداي ءالىپبي كەرەك دەگەن ساۋالعا كوپ باس قاتىرۋدىڭ دە قاجەتى جوق, بۇل ساۋالعا بەرىلەر جاۋاپتىڭ باسى اشىق. ەڭ دۇرىسى, حالىقارالىق كومپيۋتەر تىلىنە ساي كەلەتىن ءالىپبي جۇيەسىن العانىمىز ءجون. مۇنداي ءالىپبي جۇيەسىندە ارنايى بەلگىلەر قويۋدىڭ كەرەگى دە بولمايدى.
تۇركيا مەن ەۋروپادا ءومىر سۇرەتىن قازاقتار ءۇشىن لاتىن ءالىپبيى تاڭسىق دۇنيە ەمەس. كوزىمىزدى وسى لاتىنشامەن اشىپ كەلەمىز. ءبىز الەمدەگى قازاقتار ءبىر ءالىپبيدى قولدانسا دەپ ءتىلەيمىز. ەگەر قوسىمشا بەلگىلەرمەن بەرىلىپ جاتسا ونى دا تەز ۇيرەنىپ الا الامىز. كومپيۋتەرلىك ءالىپبي-ءدى قولدانۋ بارلىق ەلدەگى قازاقتار ءۇشىن بارىنشا ىڭعايلى ءارى ءتيىمدى بولماق.
لاتىن الىپبيىنە كوشۋ ءۇشىن مەملەكەتتىك كوميسسيا قۇرىلادى دەپ ەستىدىك. ەلباسى ستراتەگياسىندا, سونداي-اق, جاقىندا وتكەن زيالى قاۋىممەن كەزدەسۋىندە دە وسى ماسەلە ايتىلدى.
مەن ەۋروپا قازاقتارى اتىنان اتالمىش كوميسسياعا قاتىسۋعا دايىنمىن. بۇل كوميسسيادا قىتاي, وزبەكستان, موڭعوليا قازاقتارىنىڭ دا وكىلدەرى بولعانى ءجون. «كەلىسىپ پىشكەن تون كەلتە بولماس» دەيدى اتام قازاق. ەندەشە, ماڭىزدى ىسكە كوپ بولىپ, اتسالىسىپ, ونى جەدەل جولعا قويعانىمىز ءجون, اعايىن!
ابدۋلقايۋم كەسيجي,
دۇنيەجۇزى قازاقتارى قاۋىمداستىعىنىڭ
تورالقا مۇشەسى, ەۋروپا قازاق مادەني
ورتالىقتارى فەدەراتسياسىنىڭ توراعاسى,
عىلىم دوكتورى.
