ءتۋريزمدى دامىتۋعا تىڭ سەرپىن
سارسەنبى, 16 قاڭتار 2013 7:11
الەمدەگى بەلدى دە بەدەلدى ۇيىمداردىڭ ءبىرى حالىقارالىق كورمەلەر بيۋروسىنىڭ شەشىمىمەن ەلوردامىزدا بۇكىلالەمدىك ەكسپو-2017 كورمەسى وتەتىن بولدى. كورمەنىڭ دە كورمەسى بار. ەكسپو حالىقارالىق كورمەسى كۇندەلىكتى كوپ شارانىڭ ءبىرى ەمەس. ونى وتكىزۋگە ىنتالى ەلدەر قاراسى دا كوپ. بىراق ءبارىنىڭ بىردەي وعان قولى جەتە بەرمەيدى. وتكەن جىلدىڭ قاراشا ايىندا الەم استاناسى پاريج قالاسىندا قازاق ەلى الەمنىڭ الپاۋىت ەلدەرىمەن الامانعا ءتۇسىپ, سول بايگەدە استانا جەڭىمپاز اتاندى. بۇل حالىقارالىق ايتۋلى شارانىڭ ەلىمىز ءۇشىن بەرەرى كوپ. سونىڭ ىشىندە ەكسپو كورمەسى ەلىمىزدە كەنجەلەپ قالعان تۋريزم سالاسىن دامىتۋعا تىڭ سەرپىن بەرەرى ءسوزسىز.
سارسەنبى, 16 قاڭتار 2013 7:11
الەمدەگى بەلدى دە بەدەلدى ۇيىمداردىڭ ءبىرى حالىقارالىق كورمەلەر بيۋروسىنىڭ شەشىمىمەن ەلوردامىزدا بۇكىلالەمدىك ەكسپو-2017 كورمەسى وتەتىن بولدى. كورمەنىڭ دە كورمەسى بار. ەكسپو حالىقارالىق كورمەسى كۇندەلىكتى كوپ شارانىڭ ءبىرى ەمەس. ونى وتكىزۋگە ىنتالى ەلدەر قاراسى دا كوپ. بىراق ءبارىنىڭ بىردەي وعان قولى جەتە بەرمەيدى. وتكەن جىلدىڭ قاراشا ايىندا الەم استاناسى پاريج قالاسىندا قازاق ەلى الەمنىڭ الپاۋىت ەلدەرىمەن الامانعا ءتۇسىپ, سول بايگەدە استانا جەڭىمپاز اتاندى. بۇل حالىقارالىق ايتۋلى شارانىڭ ەلىمىز ءۇشىن بەرەرى كوپ. سونىڭ ىشىندە ەكسپو كورمەسى ەلىمىزدە كەنجەلەپ قالعان تۋريزم سالاسىن دامىتۋعا تىڭ سەرپىن بەرەرى ءسوزسىز.
استانا قالاسىنىڭ تۋريزم, دەنە تاربيەسى جانە سپورت باسقارماسىنىڭ دەرەگى بويىنشا, 2012 جىلى قازاقستاننىڭ باس قالاسىندا 522,9 مىڭ تۋريست بولعان ەكەن. ونىڭ ىشىندە 117,5 مىڭ ادام الىس شەتەلدەردەن, قالعان 405,4 ادام ەلىمىزدىڭ باسقا ءوڭىرلەرىنەن كەلگەن قوناقتار بولىپتى. سالىستىرۋ ءۇشىن ايتا كەتەتىن بولساق, 2011 جىلى بۇل كورسەتكىش تيىسىنشە 105,9 جانە 373,1 مىڭ ادام بولعان. ءسويتىپ, جىل ىشىندە باس قالامىزعا كەلەتىن تۋريستەر سانى 9,2 پايىزعا ارتىپتى.
قوناقتاردى ءوز دارەجەسىندە قارسى الۋ ءۇشىن باس قالامىزدا جوعارى ينفراقۇرىلىمدىق نىسانداردىڭ بولۋى ماڭىزدى. قازىر استانادا 172 قوناق ءۇي جۇمىس ىستەيدى. بۇل قوناق ۇيلەردە ءبىر مەزگىلدە 7162 ادام تىنىعا الادى. سوڭعى جىلدارى جان-جاقتان كەلەتىن قوناقتاردىڭ قاراسى كوبەيۋىنە بايلانىستى ەلوردامىزداعى قوناق ۇيلەرگە دەگەن سۇرانىس دەڭگەيى دە ارتىپ كەلەدى. ماسەلەن, 2009 جىلى قوناق ءۇي نومىرلەرىنىڭ ادامدارمەن قامتىلۋى 28,5 پايىز بولسا, 2011 جىلى بۇل كورسەتكىش 42 پايىز, ال 2012 جىلى 49 پايىزدى قۇراعان.
قازىرگى تاڭدا استانا قالاسىندا 169 تۋريستىك فيرما قىزمەت كورسەتەدى. باس قالامىزدىڭ حالىقارالىق اۋقىمدا بەدەلىنىڭ ودان ءارى ارتۋى ءۇشىن بۇل تۋريستىك فيرمالارعا جۇكتەلەر مىندەت ءجۇگى اۋىر. الايدا, تۋريستىك بيزنەس سالاسىندا بۇل وتاندىق فيرمالاردىڭ بەدەلى ءالى دە جوعارى ءدارەجەدە ەمەس. الداعى ۋاقىتتا بۇل ماسەلەدە جان-جاقتى جوبالار بەلگىلەنىپ, استاناعا الەم نازارى اۋاتىن 2017 جىلى تورتكۇل ءدۇنيەدەن كەلگەن قوناقتارعا جوعارى سەرۆيستىك قىزمەت كورسەتۋ ءۇشىن قولدان كەلگەننىڭ ءبارىن جاساۋ ماقساتىندا قاجەتتى ءىس-شارانىڭ بارلىعى اتقارىلۋعا ءتيىس.
نياز جىلقىباەۆ.
