نورۆەگيا تاسجولىندا وتكەن باسەكەنىڭ سوڭعى جارىس كۇنىندە سپورتشىلار لەدينگەن مەن نارۆيك قالالارىن جالعاعان 165,5 شاقىرىم قاشىقتىقتى ءجۇرىپ ءوتتى. مارە سىزىعىن ءبىرىنشى بولىپ نورۆەگيالىق ماركۋس حەلگاارد كەسسە, ەكىنشى ورىندى
وتانداسى امۋند گريوندال يانسەن يەلەندى. ۇزدىك ۇشتىكتى قازاقستان چەمپيونى الەكسەي لۋتسەنكو تۇيىندەدى.
وسىلايشا, لۋتسەنكو ءتورت كۇنگە سوزىلعان جارىستىڭ جالپى كەزەڭى بويىنشا توپ جاردى. ەكىنشى ورىندا Team Arkea Samsic وكىلى, فرانتسۋز ۆارران بارگي. Israel Cycling Academy ۆەلوسپورتشىسى كريستس نەيلاندس ۇزدىك ۇشتىكتى قورىتىندىلادى. «استانانىڭ» تاعى ءبىر وكىلى ۋگو ۋل 5-ءشى ورىنعا تابان تىرەدى. سونداي-اق «استانا» ۆەلوكومانداسى جالپىكوماندالىق ەسەپتە ءبىرىنشى بولدى.
