قازاقستان اقجارقىن تۇرلىبايدىڭ جاعدايىنان حاباردار بولىپ وتىر. قازىر اپەللياتسيا بويىنشا ونىڭ ءىسىنىڭ قايتا قاراۋ مەرزىمى انىقتالۋدا. بۇل جونىندە سىرتقى ىستەر مينيسترلىگىنىڭ رەسمي وكىلى ايبەك سمادياروۆ ايتىپ بەردى.
– اقجارقىن تۇرلىبايدىڭ ماسەلەسى – وتە ماڭىزدى ءىس. مۇنى قازىر ادۆوكات جان-جاقتى قاراستىرىپ جاتىر. ونىڭ ءىسى بويىنشا اپەللياتسيا بەرىلىپ, قىتاي تاراپىنان ەكىنشى وتىرىستىڭ وتكىزۋ ۋاقىتىن كۇتىپ وتىرمىز. بۇل جاعداي – ءبىزدىڭ ەلشىلىكتىڭ ۇدايى نازارىندا. ديپلوماتتار اقجارقىنعا تۇراقتى تۇردە بارىپ تۇرادى. اڭگىمەلەسىپ, اتا-اناسىنىڭ حاتىن جەتكىزىپ, كىتاپتار ساتىپ اپەرەدى. ول ءوزىن جاقسى سەزىنەدى جانە ەشقانداي ۇستاۋ جاعدايىنا شاعىمدانبايدى, – دەدى ا.سمادياروۆ.
قازاقستان ازاماتى اقجارقىن تۇرلىباي 2014 جىلى گۋانچجوۋ اۋەجايىندا ۇستالىپ, وعان ەسىرتكى كونترابانداسىمەن اينالىستى دەگەن ايىپ تاعىلدى. ەكى جىلدان كەيىن قىتاي سوتى ونى ءومىر بويى باس بوستاندىعىنان ايىردى. اراعا ءبىراز ۋاقىت سالىپ بۇل ۇكىم شەگەرىلىپ, ءىس قايتا قاراۋعا باعىتتالدى. نيگەريالىق ناركومافيانىڭ قۇربانى بولعانىن ايتاتىن اقجارقىننىڭ ءوزى جازانى جەڭىلدەتۋدى نەمەسە قازاقستانعا ەكستراديتسيالاۋدى كۇتىپ وتىر.
