بىرلەسكەن وقۋ-جاتتىعۋعا ۇلتتىق ۇلاننىڭ «بۇركىت» ارنايى ماقساتتاعى ءبولىنىسى مەن الماتى قالاسى پوليتسيا دەپارتامەنتىنىڭ ارنايى ماقساتتاعى ءبولىنىسىنىڭ نۇسقاۋشىلارى جەتەكشىلىك ەتتى.
قازاقستان, قىرعىزستان, تاجىكستان جانە وزبەكستان ىشكى ىستەر مينيسترلەرىنىڭ ەكىنشى وتىرىسى اياسىندا اتالعان قۇرامداعى دەلەگاتسيا 10 تامىز كۇنى ورتا ازيا ەلدەرى ارنايى ماقساتتاعى بولىنىستەرى جاۋىنگەرلەرىمەن ءوتىپ جاتقان وقۋ ادىستەمەلىك جيىننىڭ جابىلۋىنا قاتىستى. قۇقىق قورعاۋ ۆەدومستۆولارىنىڭ باسشىلارى ارنايى ماقساتتاعى ءبولىنىس اسكەري قىزمەتشىلەرىنىڭ كريزيستىك جاعدايلارداعى ءىس-قيمىلدارىن, كاسىبي شەبەرلىكتەرى مەن جاۋىنگەرلىك دايىندىقتارىن جوعارى باعالادى. ۇلتتىق ۇلان باس قولباسشىسى, گەنەرال-لەيتەنانت رۋسلان جاقسىلىقوۆ قوناقتاردى جاۋىنگەرلىك جانە ادىستەمەلىك ورتالىق بازاسىمەن تانىستىردى.
ايتا كەتەلىك, جيىن بارىسىندا شابۋىل توبىنىڭ ءتۇرلى تاسىلدەرى مەن ءىس-قيمىلدارى پىسىقتالدى. سونداي-اق جيىن قاتىسۋشىلارىمەن ارنايى-تاكتيكالىق دايىندىق ساباقتارى وتكىزىلدى, تۇرعىندى ايماقتى بەكىنىسكە الۋ توبىنىڭ جەدەل وپەراتسيالار كەزىندەگى قيمىل جانە اتىس تاكتيكاسى, جەڭىل اۆتوكولىكتى قۇرىقتاۋ توبىنىڭ ءادىس تاكتيكاسى ۇيرەتىلدى.
