قر ۇكىمەتىنىڭ وتىرىسىندا جاڭا وقۋ جىلىنىڭ باستالۋىنا دايىندىق تۋرالى قر ءبىلىم جانە عىلىم ءمينيسترى ا. ايماعامبەتوۆ باياندادى.
قر بعم جەرگىلىكتى اتقارۋشى ورگاندارمەن بىرلەسىپ وقۋلىقتارمەن قامتاماسىز ەتۋ, ءبىلىم بەرۋ نىساندارىن پايدالانۋعا بەرۋ, بالالاردى تاسىمالداۋدى ۇيىمداستىرۋ بويىنشا جۇمىستار جۇرگىزىپ جاتىر.
مەكتەپكە دەيىنگى ۇيىمدار جەلىسى 279 بىرلىككە ۇلعايدى جانە كونتينگەنتى 906,5 مىڭ بالا بولاتىن 10 593 مەكەمەنى قۇرايدى. جەكەمەنشىك بالاباقشالار ۇلەسى ارتتى - 37,9%, بۇل وتكەن جىلمەن سالىستىرعاندا 1,6%-عا كوپ.
جاڭا وقۋ جىلىندا مەكتەپتەر 3 ملن اسا بالانى قابىلداۋدى جوسپارلاپ وتىر. 1 سىنىپقا 405 مىڭنان اسا بالا بارادى, بۇل وتكەن جىلعى كورسەتكىشتەن 20 مىڭعا ارتىق. جاڭا باعدارلاما بويىنشا 4, 9, 10 سىنىپتار وقيتىن بولادى, كەلەسى جىلى 11 سىنىپ وقيدى. وسىلايشا, تولىق كوشۋ اياقتالادى.
ا. ايماعامبەتوۆ اتاپ وتكەندەي, وقۋلىقتار ساپاسىن قامتاماسىز ەتۋ بويىنشا جۇمىستار جالعاسىپ جاتىر. بيىل «جەڭىل پورتفەل» جوباسى جۇزەگە اسىرىلادى. ا.ج. 1 قىركۇيەكتەن باستاپ وقۋشىلار مەن اتا-انالار ەلەكتروندى وقۋلىقتاردى قر ءبىلىم جانە عىلىم مينيسترلىگىنىڭ سايتىنان جۇكتەپ الا الادى. باسپالاردان وقۋلىقتاردىڭ تيەلۋىنە كۇن سايىن باقىلاۋ جۇرگىزىلەدى.
«1 قىركۇيەككە قاراي بارلىق وقۋلىقتار ءاربىر مەكتەپكە 100% جەتكىزىلۋى ءتيىس. اكىمدىكتەر بۇل ماسەلەنى كۇندەلىكتى باقىلاۋعا الۋلارى كەرەك», - دەدى ا. ايماعامبەتوۆ.
ەلىمىزدە 6678 مەكتەپتە اعىمداعى جوندەۋ جۇمىستارى جۇرگىزىلدى, 129 مەكتەپتە كۇردەلى جوندەۋ جۇمىستارى اياقتالدى, 194 مەكتەپتە جوندەۋ جۇمىستارى جالعاسۋدا.
قازىر رەسپۋبليكالىق بيۋدجەت ەسەبىنەن 115 مەكتەپ سالىنىپ جاتىر, ونىڭ ىشىندە 57-ءسى بيىل پايدالانۋعا بەرىلەدى, جەرگىلىكتى بيۋدجەت ەسەبىنەن 79 مەكتەپ سالىنۋدا.
«جەكەمەنشىك مەكتەپتەردە جان باسىنا شاققانداعى قارجىلاندىرۋدى ەنگىزۋ بويىنشا جۇمىستار باستالدى. جان باسىنا شاققانداعى قارجىلاندىرۋدى ەنگىزگەنگە دەيىن 121 جەكەمەنشىك مەكتەپ بولسا, قازىر ولاردىڭ سانى 146-عا جەتتى. 2019 جىلدىڭ قاڭتار ايىنان رەسپۋبليكالىق بيۋدجەتتە ەلىمىزدەگى بارلىق جۇمىس ىستەپ تۇرعان جەكەمەنشىك مەكتەپتەردە مەملەكەتتىك تاپسىرىس ورنالاستىرۋ قاراستىرىلعان», — دەدى ءبىلىم جانە عىلىم ءمينيسترى.
مەملەكەتتىك تاپسىرىس 22 310 وقۋشى ورىندىق 80 جەكەمەنشىك مەكتەپكە ورنالاستىرىلدى.
ا.ج. 1 تامىزداعى جاعداي بويىنشا 8 636 ورىندىق 25 جەكەمەنشىك مەكتەپ اشىلدى, جىل سوڭىنا دەيىن 5845 ورىندىق تاعى 23 مەكتەپ اشىلادى. 25 637 بالانى مەكتەپكە جەتكىزۋ ءۇشىن 918 بىرلىك اۆتوكولىك پايدالانىلادى. 2019 جىلى 49 جاڭا اۆتوبۋس ساتىپ الىندى.
ەلىمىزدە كونتينگەنتى 488,7 مىڭ ادام بولاتىن 821 كوللەدج بار. وقۋ جىلىنىڭ باسىنا قاراي جاتاقحانالاردا 1085 ورىن پايدالانۋعا بەرىلەدى.
