ايماقتار • 13 تامىز، 2019

قاراعاندى وبلىسىندا 1-سىنىپ وقۋشىلارى وقۋلىقتارمەن قامتاماسىز ەتىلەدى

26 رەتكورسەتىلدى

بيىل قاراعاندى وبلىسىندا 25 مىڭ ءبۇلدىرشىن مەكتەپ تابالدىرىعىن تۇڭعىش رەت اتتايدى. ءبىرىنشى سىنىپ پارتاسىنا وتىراتىنداردىڭ 812-ءى بەس جاستاعى بالالار.

 

تاياۋدا وبلىستىق اكىمدىكتە وتكەن اپپارات جيىنىندا ءبىلىم باسقارماسىنىڭ باسشىسى ەسەنعازى يمانعاليەۆ جاڭا وقۋ جىلىندا وڭىردەگى ءبىرىنشى سىنىپ بالالارىنىڭ وقۋلىقتارمەن تەگىن قامتاماسىز ەتىلەتىنىن مالىمدەدى.

سونداي-اق، 1-ءشى جانە 4-سىنىپ وقۋشىلارىنا بارلىق پاندەر بويىنشا جۇمىس داپتەرلەرى، 2-ءشى جانە 3-سىنىپ وقۋشىلارىنا اعىلشىن ءتىلى مەن ءوزىن-ءوزى تانۋ بويىنشا جۇمىس داپتەرلەرى تاراتىلادى.

سونىمەن قاتار، قاناتقاقتى جوبا اياسىنداعى مەكتەپتەردىڭ وقۋشىلارى ينفورماتيكا، حيميا، فيزيكا جانە بيولوگيا پاندەرىنەن ەكى تىلدە جازىلعان وقۋلىقتارمەن قامتىلادى. تۇزەتۋ مەكتەپتەرىنىڭ وقۋشىلارىنا 2-ءشى، 5-ءشى جانە 7-سىنىپتارعا ارنالعان وقۋلىقتار تەگىن بەرىلەدى.

ەسەنعازى يمانعاليەۆتىڭ ايتۋىنشا، بيىل وبلىستا 186 ءبىلىم بەرۋ مەكەمەسىنە جوندەۋ جۇرگىزىلگەن، ونىڭ ىشىندە 143 مەكتەپ، 18 بالاباقشا، التى ينتەرنات جانە ءۇش كوللەدج بار.

ورتالىق جىلۋ جۇيەسى جوق مەكتەپتەر 15 قىركۇيەككە دەيىن كومىرمەن تولىق قامتاماسىز ەتىلۋى ءتيىس. قازىرگى تاڭدا قىسقى كومىر قورى 62،5 مىڭ توننانى قۇرايدى، ول جالپى قاجەتتىلىكتىڭ 56%-ى.

1 قىركۇيەك كۇنى وڭىردە ەكى جاڭا مەكتەپ اشىلادى: ونىڭ ءبىرى قاراعاندى قالاسىنداعى پانەل-ورتالىق شاعىن اۋدانىندا بوي كوتەرگەن 1200 ورىندىق مەكتەپ بولسا، ەكىنشىسى تەمىرتاۋدا 600 وقۋشىعا لايىقتالىپ سالىنعان جاڭا ءبىلىم بەرۋ وشاعى.

ايتا كەتۋ كەرەك، قاراعاندى وبلىسىندا بارلىعى 509 مەكتەپ پەن 540 مەكتەپكە دەيىنگى مەكەمە جۇمىس ىستەيدى.

قاراعاندى وبلىسى

سوڭعى جاڭالىقتار

اۋىز سۋ ساپاسى قالىپقا كەلتىرىلدى

قازاقستان • بۇگىن، 18:04

انا ءتىلى – ارىڭ بۇل...

رۋحانيات • بۇگىن، 13:10

كۇرەس: العاشقى كۇنى ءۇش قولا

كۇرەس • بۇگىن، 09:00

قىلمىستىق ءىس قوزعالدى

ايماقتار • كەشە

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار