ارنايى ۇيىمداستىرىلعان رەيدكە ۇشجۇزدەن استام ءتارتىپ ساقشىلارى جۇمىلدىرىلىپ, تۇرمىسى تومەن كوپتەگەن وتباسىلاردى ارالاعان. جاي-كۇيىمەن تانىسقان. وتباسى مۇشەلەرىنە زاڭ تالاپتارى ءتۇسىندىرىلىپ, بىرقاتار ناقتى كەڭەستەر بەرىلگەن.
«پوليتسيا قىزمەتكەرلەرى وتباسىلىق تۇرمىستىق-قۇقىق بۇزۋشىلىقتاردىڭ الدىن الۋ ماقستىمەن بۋكلەتتەر ازىرلەدى. سونداي-اق نازىكجاندىلارعا سەنىم تەلەفوندارى بەرىلدى. اكتسيا باستالعالى وڭىردە 124 تۇرمىستىق زورلىق-زومبىلىق وقيعاسى اشكەرەلەنسە, ونىڭ 17-ءسى “سەنىم تەلەفونى” ارقىلى حابارلاندى», دەيدى پەتروپاۆل قالالىق ىشكى ىستەر ءبولىمىنىڭ اعا ينسپەكتورى جۇلدىز باعىت.
قازىر ارنايى ەسەپتە 290 ادام تۇر. ولاردىڭ 78-ءى ماسكۇنەم بولسا, 27-ءسى تۇرمىسى تومەن وتباسىلاردان شىققان.
سولتۇستىك قازاقستان وبلىسى
