ستۋدەنتتەر «شىعىس» ايماقتىق قولباسشىلىعىنىڭ پوليگونىندا جاتتىقتى.
ال, ۋنيۆەرسيتەتتىڭ اسكەري كافەدراسى زاپاستاعى وفيتسەرلەردى دايارلاۋ باعدارلاماسى بويىنشا اسكەري دايارلاۋ, جۇمىلدىرۋ رەزەرۆىن قامتاماسىز ەتۋ ماقساتىندا ماماندىقتار دايىندايدى.
زاپاستاعى وفيتسەرلەر باعدارلاماسى اسكەري دايارلاۋدى وتەۋسىز جانە وتەۋلى نەگىزىندە جۇزەگە اسىرىلادى.
اسكەري كافەدرادا وقىتۋ تەوريالىق, پراكتيكالىق وقىتۋدان جانە وقۋ-جاتتىعۋ جيىنىنان تۇرادى.
كافەدراعا قابىلدانعان ستۋدەنتتەر وقۋ ۆزۆودتارى بويىنشا بولىنەدى. وقۋ ۆزۆودتارىنىڭ جەكە قۇرامى مەن ولاردىڭ كومانديرلەرى ستۋدەنتتەر قاتارىنان اسكەري كافەدرا باستىعىنىڭ بۇيرىعىمەن تاعايىندالادى.
- دالالىق جيىن ەكى اپتا بويى ءوتىپ, ءبىز ستۋدەنت جاستار اسكەري ءومىردىڭ تارتىبىنە ۇيرەندىك. جاتتىعۋلاردا اسكەري كافەدرادا العان بىلىمدەرىمىزدى كورسەتە بىلدىك,-دەيدى بولاشاق وفيتسەرلەر.
- دالالىق پوليگونعا 191 بولاشاق وفيتسەر جىبەرىلدى. جيىندار- ستۋدەنتتەردىڭ اسكەري دايىندىعىنىڭ سوڭعى كەزەڭى. ولار تاجىريبە جۇزىندە اسكەري بىلىمدەرىن شىڭدادى,-دەيدى وقۋ ورنىنىڭ اسكەري كافەدراسىنىڭ مەڭگەرۋشىسى, پولكوۆنيك بولات توكين.
اسكەري دايارلىقتان وتكەن جانە ەمتيحانداردى تاپسىرعان ستۋدەنتتەرگە «زاپاستاعى لەيتەنانت» اسكەري اتاعى جانە اسكەري بيلەت بەرىلەدى.
پاۆلودار
سۋرەتتى تۇسىرگەن: رۋفينا تورپيششەۆا
