قۇجاتقا قول قويۋ بارىسىندا جول سەكتورىنداعى ءىرى مەردىگەرلىك كومپانيالاردىڭ باسشىلارى ءوز پىكىرلەرىن ءبىلدىردى. قازاقستاننىڭ اۆتوجولشىلار قاۋىمداستىعىنىڭ پرەزيدەنتى اسەت اساۋباەۆ قۇرىلىس ساپاسىن ارتتىرۋدىڭ نەگىزگى تەتىگى رەتىندە «كاسىبي كودەكستى» ەنگىزۋ ماسەلەسى بويىنشا ءسوز سويلەدى. بۇل كودەكس قۇجاتقا قول قويعان كومپانيانىڭ جۇمىس ساپاسىمەن كەلىسەتىنىن بىلدىرەدى.
ەڭ وتكىر ماسەلەلەردىڭ ءبىرى – ەكولوگيالىق زياندى دەپ سانالاتىن ەسكى اسفالت قالدىقتارى. «جول اكتيۆتەرىنىڭ ۇلتتىق جول-كولىك ورتالىعى» رمك باس ديرەكتورىنىڭ مىندەتىن اتقارۋشى زامير ساعىنوۆ قۇرىلىس قوقىستارىن قالدىراتىن كومپانيالار ءۇشىن ايىپپۇلداردى ۇلعايتۋدى ۇسىندى.
سونىمەن قاتار قۇرىلىسشىلار كۇنىنە وراي 2019 جىلى 9 تامىزدا قازاقستاننىڭ اۆتوجولشىلار قاۋىمداستىعى قازاقستاننىڭ اۆتوجول سالاسىنداعى ەڭبەك ارداگەرلەرىنىڭ, «اتامەكەن» ۇكپ, اۆتوموبيل جولدارى كوميتەتى, جول اكتيۆتەرىنىڭ ساپاسى ۇلتتىق ورتالىعى, «قازاۆتوجول» ۇك» اق باسشىلارىنىڭ قاتىسۋىمەن قاۋىمداستىق مۇشەلەرىنىڭ كەزەكتەن تىس كونفەرەنتسياسىن وتكىزدى.
كونفەرەنتسيادا 2019 جىلدىڭ 1-جارتىجىلدىعىنداعى قاۋىمداستىقتىڭ قىزمەتى تۋرالى ەسەپ, 2020-2025 جىلدارعا ارنالعان «نۇرلى جول» مەملەكەتتىك باعدارلاماسىنىڭ تۇجىرىمداماسى, قر اۆتوموبيل جولدارى ينجەنەر-قۇرىلىسشىلارىنىڭ كاسىبي كودەكسى قابىلداندى, سونداي-اق قاۋىمداستىقتىڭ كەڭەسى مەن تەكسەرۋ كوميسسياسىنىڭ مۇشەلەرى سايلاندى.
سالتاناتتى جاعدايدا اۆتوجول سالاسىنىڭ ەڭبەك ارداگەرلەرى بوتاگوز بايعوجينا, تاتيانا سيگاچەۆا, مامىربەك جىرىمباەۆ, تاگير رافيكوۆ, دامير اليموۆ ەستەلىك سىيلىقتارمەن جانە كادەسىيلارمەن ماراپاتتالدى.
كونفەرەنتسياعا قاتىسقان «اتامەكەن» قر ۇكپ باسقارما توراعاسىنىڭ ورىنباسارى ءلاززات رامازانوۆا قازاقستاننىڭ اۆتوجولشىلار قاۋىمداستىعىنىڭ بيزنەس پەن يدم اراسىندا ديالوگ ورناتۋ, نورما شىعارماشىلىق باستامالاردى شىعارۋ كەزىندەگى ماڭىزدى ءرولىن اتاپ ءوتتى, اۆتوجول سالاسىنا ەسكالاتسيانى قايتارۋ ماسەلەسى بويىنشا جۇمىس باعىتىن اتاپ ءوتتى.
