ءو.سۇلتانعازين اتىنداعى قوستاناي مەملەكەتتىك پەداگوگيكالىق ۋنيۆەرسيتەتىندەگى «رۋحاني جاڭعىرۋ» جوبالاۋ كەڭسەسىندە وسى ايتىلعان جوبالار اياسىندا وتكەن بايقاۋلاردا ۇزدىك شىققانداردى ماراپاتتاۋ ءراسىمى ءوتتى. اتالعان «سانا سەرپىنى» جانە «جازبا ايتىس» ونلاين-بايقاۋىنا وركەنيەتتىڭ ۇزدىك كورىنىسى – «ۆكونتاكتە» الەۋمەتتىك جەلىسى, ۋاتساپ پايدالانىلدى. «سانا سەرپىنى» ءۇش كەزەڭنەن تۇردى. الدىمەن الەۋمەتتىك جەلىلەرگە «ات ابزەلدەرىن تاپ» دەگەن تاپسىرمامەن جىبەرىلگەن سۋرەت بويىنشا بىلگەنىن ات ابزەلدەرى تۋرالى قىسقا دا نۇسقا جازۋ كەرەك بولدى. ودان كەيىن «توبىل-تورعاي ءوڭىرىنىڭ تاريحي ورىندارى» كەزەڭىنە دە جۇرتشىلىق دە قىزۋ اتىستى. ءۇشىنشى «كوركەيە بەر, قوستاناي» كەزەڭىندە جەلى پايدالانۋشىلارى قوستاناي قالاسى تۋرالى شاعىن ەسسە جازدى. قاتىسۋشىلاردىڭ جازعانىن 25 مىڭ ادام قاراپ, 150 پىكىر قالدىرعان. ال ايتىسقا تەك قوستانايلىقتار عانا ەمەس, اقمولا, قاراعاندى, قىزىلوردا وبلىستارىنان دا اقىندار ايتىستى. ولاردىڭ بارلىعى ۋاتساپتان الىنىپ, وبلىستىق گازەتتە جاريالانىپ تۇردى.
قازىلار القاسىنىڭ شەشىمىمەن «سانا سەرپىنى» بايقاۋىندا ءبىرىنشى ورىندى جەڭىپ العان مەيىربەك ىسماعۇلوۆ نوۋتبۋككە يە بولدى. ەكىنشى ورىندى العان رىسكۇل تاسقىنباەۆا سمارتفوندى ەنشىلەدى. ال ءۇشىنشى ورىنعا قول جەتكىزگەن بوتاگوز حاميتكە پلانشەت تاپسىرىلدى.
«جازبا ايتىستا» ءبىرىنشى ورىن بەلگىلى اقىن ابىلاي ماۋدانعا بەرىلدى جانە 250 مىڭنىڭ سەرتيفيكاتى قوسا تاپسىرىلدى. ەكىنشى ورىن ارقالىقتىق اقىن باتىرلان ساعىنتاەۆ الىپ, 150 مىڭ تەڭگەنىڭ سەرتيفيكاتىنا يە بولدى. ءۇشىنشى ورىنعا تىگىلگەن 100 مىڭ تەڭگەنى ايتىسكەر اقىن توبا وتەپباەۆ پەن اقىن, جۋرناليست اسىلان قانعوجين ءبولىپ الدى.
قوستاناي
