سەرتيفيكات ورناتۋدىڭ قاجەتى جوق

وسى ورايدا, مەملەكەت باسشىسى قا­سىم-جومارت توقاەۆ تۋيت­تەردەگى پاراق­شا­­سىندا ءوزىنىڭ تاپسىرماسى بوي­ىن­شا ۇقك كيبەر­قال­قان باع­دارلاماسى اياسىندا سەر­­­تيفيكات قاۋىپسىزدىگىن تەستى­­لەۋدەن وت­كىزگەنىن جانە قا­­زاق­­ستاننىڭ اق­­پارات كە­ڭىس­­تىگى قاۋىپسىزدىگى
جا­نە سەرتيفي­­كات­تى سىرتتان قاۋىپ تون­گەن جاعدايدا عا­نا قولدانۋ مۇم­­كىندىگى دالەل­دەنگەنىن جاز­­دى. پرەزيدەنت سونىمەن قا­تار بۇل سىناق­تىڭ ينتەرنەت قول­دا­نۋ­شى­لارعا قولاي­سىز­دىق تۋعىز­باعا­نىن كورسەتە وتىرىپ, ۇلت­تىق قا­ۋىپ­سىزدىك كوميتەتىنە العىس ءبىلدىردى.

مەملەكەت باسشىسى: «كيبەر­قال­قان باعدارلاماسى بويىنشا قاۋىپسىزدىك سەرتيفيكاتىن تەس­تىلەۋدىڭ جەدەل اياقتالۋى سىرتتان قاۋىپ تونگەندە تەحنيكالىق جاب­دىقتالۋ دەڭگەيىنىڭ جوعارى ەكەنىن كورسەتتى. مۇنداي جا­ع­دايلار بۇ­رىن بولعان. ەڭ باس­تىسى, قازاقستاننىڭ ينتەرنەت قولدانۋشىلارىنا قو­لاي­سىزدىق بولمايدى. قاۋىپتەنۋگە ەش نەگىز جوق», دەپ اتاپ ءوتتى.

ال ۇلتتىق قاۋىپسىزدىك كو­مي­تەتىنىڭ ءباسپاسوز قىزمەتى بۇل سى­ناقتىڭ كيبەر جانە اقپاراتتىق كەڭىستىكتە كيبەرقاۋىپتىڭ الدىن الۋ جۇيەسىن تەكسەرىپ كورۋگە مۇم­كىندىك بەرگەنىن مالىمدەدى.

رەس­مي دەرەكتەرگە قاراعاندا, اق­پا­راتتىق قاۋىپسىزدىكتىڭ ۇلتتىق ۇيلەستىرۋ ورتالىعى تەك وتكەن اي­دا عانا مەملەكەتتىك ورگاندار مەن جەكە كومپانيالارعا قا­تىس­تى 8 ملن مارتە ۆيرۋستىق بەل­سەندىلىكتى جانە 130 مىڭ كيبەرشابۋىلدى انىقتاعان. ودان بولەك, بىرقاتار مەملەكەتتىك ورگاندارعا كيبەرتىڭشىلىق جاساۋ فاكتىلەرى اشىلعان. سونى­مەن قاتار سەرتي­فيكات ەنگىزۋ­دىڭ تۇيتكىلدى ماسە­لەلەرى زەردە­لەنىپ, بايلانىس وپە­را­تورلارى­نىڭ جۇمىسىنا ىقپال ەتە­تىن تۇس­تارى تەكسەرىلگەن. بۇل جوس­پارلى جۇمىس «قازاقستان رەس­پۋبلي­كاسىنىڭ ۇلتتىق قاۋىپ­سىزدىگى تۋرالى» زاڭعا سايكەس جانە كيبەرقاۋىپسىزدىك پەن اقپاراتتىق قاۋىپسىزدىكتى قامتاماسىز ەتۋ ماق­ساتىندا جۇزەگە اسىرىلعان.

سايىپ كەلگەندە, سەرتيفيكات بولاشاقتا ۇلتتىق قاۋىپسىزدىككە كيبەر جانە اقپاراتتىق شابۋىل قاتەرى تونگەن جاعدايدا ەل ازاماتتارىنا الدىن الا ەسكەرتىلە وتىرىپ, قولدانىلاتىن بولادى. سونىمەن تەستىلەۋ جۇمىستارى 7 تامىزدان باستاپ توقتاتىلدى.

بۇعان دەيىن, اسىرەسە نۇر-سۇل­­تان قالاسىنىڭ تۇرعىندارى ارا­سىندا وسى قاۋىپسىزدىك سەرتي­فيكا­تىن ورناتۋعا بايلانىس­تى تۇسىنىس­پەۋ­شىلىكتەر تۋىنداعان بو­لاتىن. قوعامدا ونى ورناتۋ قا­جەتتىلىگى, جۇرگىزىلۋى مۇمكىن «اڭ­دۋلار» تۋرالى پىكىرتالاستار ءورشىپ كەتتى.

سوندىقتان بۇل ماسەلەگە باس پرو­كۋراتۋرا ارالاسىپ, جەكە ومىر­گە قولسۇعىلماۋشىلىققا, جەكە باسى مەن وتباسى قۇپيا­سىنا, حات الماسۋعا, تەلەفون ار­قى­­لى سوي­لەسۋگە, حابارلارعا كونس­تي­­تۋ­تسيا­لىق قۇقىقتاردىڭ ساق­تا­لا­تى­نىنا مەملەكەت كەپىل­دىك بەرەتىنىنە نازار اۋداردى. سون­داي-اق اتالعان تالاپ­تار­دى بۇزۋ قىلمىستىق جاۋاپ­كەر­شى­­لىككە اكەلەتىنىن مالىم­دەدى. اتاپ ايتقاندا, ەلەكتروندى اقپاراتتىق رەسۋرس­تار­عا, اقپا­رات­تىق جۇيەگە زاڭسىز كى­رۋ نەمەسە تەلەكوممۋنيكا­تسيا­لار جەلىسى بويىنشا بەرىلە­تىن اقپا­راتتى زاڭسىز ۇستاپ قالۋ ءۇشىن قىل­مىستىق جاۋاپكەر­شىلىك بار جانە بەس جىلعا دەيىن باس بوس­تاندى­عىنان ايىرۋ كوزدەل­گەن (قىل­مىستىق كودەكستىڭ 147-بابى­نىڭ 3-بولىگى). قك 148-بابىندا حات جازىسۋ, تەلەفونمەن سوي­لەسۋ, پوشتا, تەلەگراف حابار­لارى نەمەسە وزگە دە حابارلار قۇپياسىن زاڭسىز بۇزعانى ءۇشىن جاۋاپكەرشىلىك  بەلگىلەنگەن.

ەندى قاۋىپسىزدىك سەرتيفيكا­تىن سىناقتان ءساتتى وتكىزگەن ۇقك وسى ۋاقىتقا دەيىن اتال­عان سەرتيفي­كاتتى دەربەس قۇ­رىلعىلارىنا – ۇيا­لى تەلەفون, كومپيۋتەر جا­نە ت.ب. قوندىرىپ ۇلگەرگەن قازاق­ستان­دىق­تارعا ونى ءوشىرۋدىڭ دە جول­دار­ىن كور­سەتەتىن نۇسقاۋ­لىق­تار تاراتتى.