«اباي اقىن ءارى ۇلى ويشىل بولا وتىرىپ, حالىقتار اراسىندا بەيبىتشىلىك سالتانات قۇرعاندا عانا قوعامنىڭ نەگىزگى كۇشتەرى: عىلىم, وزىق ويلار, مادەنيەت داميدى دەپ سانادى», - دەيدى ولي ماجليس پالاتاسىنىڭ سپيكەرى.
نۋردينجون يسمويلوۆ وسى اكتسيانىڭ وزبەكستانداعى قازاقستان جىلى تويلانىپ جاتقان ۋاقىتقا تۇسپا-تۇس كەلگەنىن اتاپ ءوتتى. سپيكەردىڭ ايتۋىنشا, بۇل – قازاق پەن وزبەكتىڭ ماڭگى ءارى شىنايى دوستىعىنىڭ, مادەني ءارى رۋحاني بىرلىگىنىڭ سيمۆولى.
ول وزبەكستاندا جىل سايىن 10 تامىز كۇنى ۇلى اقىننىڭ تۋعان كۇنىنە وراي سالتاناتتى شارالار ۇيىمداستىرىلاتىنىن, تاشكەنت مەملەكەتتىك پەداگوگيكا ۋنيۆەرسيتەتىندە «اباي جانە وزبەك ادەبيەتى» ەكسپوزيتسياسى اشىلعانىن, وقۋشىلار مەن ستۋدەنتتەر اراسىندا اباي تاقىرىبىنا شىعارمالار بايقاۋى وتەتىنىن جەتكىزدى.
ابايدىڭ ولەڭىن وزبەكشە وقىعان نۋردينجون يسمويلوۆ ەستافەتانى قازاقستان رەسپۋبليكاسىنىڭ وزبەكستان رەسپۋبليكاسىنداعى توتەنشە جانە وكىلەتتى ەلشىسى دارحان ساتىبالدىعا جولدادى.
