قۋانىش اسىلحان ۇلى ەرعاليەۆ گارۆاردتىق ت.ح. چان اتىنداعى قوعامدىق دەنساۋلىق ساقتاۋ مەكتەبىنىڭ تاريحىندا قازاقستاننىڭ اتىنان اتالمىش مەكتەپتە ءبىلىم الىپ جانە قوعامدىق دەنساۋلىق ساقتاۋ دوكتورى دارەجەسىن قورعاعان جالعىز ستۋدەنت. ايتا كەتكەن ءجون, بۇل مەكتەپ اقش-تاعى ەڭ ءىرى مەكتەپتەردىڭ ءبىرى جانە ۇزاق ۋاقىت بويى u.s. News & World Report رەيتينگىسىندە كوشباسشى ورىنعا يە.
سونىمەن قاتار قۋانىش ەرعاليەۆ «بولاشاق» پرەزيدەنتتىك ستيپەندياسىنىڭ يەگەرى. 2006 جىلى ول الماتىداعى س. اسفەندياروۆ اتىنداعى قازاق ۇلتتىق مەديتسينا ۋنيۆەرسيتەتىن ءتامامداپ, ال 2009 جىلى اقش-تاعى تۋلەين ۋنيۆەرسيتەتىندە قوعامدىق دەنساۋلىق ساقتاۋ ماگيسترى دارەجەسىن الدى. ول Harvard Chan Qualitative Research Methods ستۋدەنتتىك كلۋبىنىڭ تەڭ قۇرىلتايشىسى جانە قازىرگى پرەزيدەنتى. بوستونداعى قازاق دياسپوراسىنىڭ مادەني ورتاسىن قالىپتاستىرۋعا جانە بىرىكتىرۋگە باعىتتالعان «ميراس» قازاق مادەني ورتالىعىنىڭ تەڭ قۇرىلتايشىسى مەن قازىرگى پرەزيدەنتى. دەنساۋلىق ساقتاۋ سالاسىنداعى بىرقاتار عىلىمي ەڭبەكتەردىڭ اۆتورى.
ءار جىلدارى قازاقستان رەسپۋبليكاسى دەنساۋلىق ساقتاۋ مينيسترلىگىندە جانە نازارباەۆ ۋنيۆەرسيتەتىندە باسشىلىق لاۋازىمداردا قىزمەت اتقارعان.
