«شين-لاين» كومپانياسىنىڭ بالمۇزداق ساناتىنىڭ ديرەكتورى دميتري دوكين: «ەۋروپانىڭ سولتۇستىك ايماعىندا (فينليانديا, شۆەتسيا, دانيا, نورۆەگيا) بالمۇزداق تۇتىنۋدىڭ جىلدىق كورسەتكىشى ادام باسىنا 15 ءليتردى قۇراپ تۇر, ال وڭتۇستىكتە (يتاليا, گرەتسيا, فرانتسيا جانە يسپانيا) ورتاشا تۇتىنۋ - 8 ليتر. وسى دەرەكتەر نەگىزىندە تاعام مادەنيەتىن باقىلاۋعا بولاتىن سياقتى: سولتۇستىكتە ادامدار (قىسى-جازى) وتباسىمەن بالمۇزداقدى ۇيدە جەيدى, ال وڭتۇستىكتە مۇزداق ءتاتتى جاز مەزگىلىندە جاقسى ساتىلادى. البەتتە, جەرگىلىكتى حالىقتىڭ ءداستۇرى مەن ساتىپ الۋ الەۋەتى سۇرانىسقا اسەر ەتەدى. مىسالى, رەسەيدە بالمۇزداق تۇتىنۋ ادام باسىنا 2,8 كەلىنى قۇراسا, قازاقستاندا ودان دا تومەن - 2,4 كەلى. بۇل ەلىمىزدىڭ كليماتىنا دا بايلانىستى, وڭتۇستىك پەن سولتۇستىك تۇرعىندارىنىڭ بالمۇزداققا تابەتى ءارتۇرلى.
«بالمۇزداق نارىعىنداعى قازاقستان مەن رەسەي اراسىنداعى باسەكەلەستىك ۇزاق ۋاقىتتان بەرى جالعاسىپ كەلەدى, بىردە كورشىلەر جەڭىسكە جەتسە, اراسىندا قازاقستاندىق وندىرىسشىلەر ەسەسىن قايتارۋدا. بۇل كۇرەستە باسىمدىق بەرەتىن ەكى نارسە بار: ءبىرىنشىسى — تەڭگەنىڭ رۋبلگە قاتىستى باعامى, ياعني ءونىمنىڭ اقىرعى باعاسىنا ۆاليۋتانىڭ قۇبىلۋى اسەر ەتەدى. ەكىنشىسى — لوكاليزاتسيا. سىرتتان كەلەتىن تاۋاردى وزىمىزدىكىمەن الماستىرۋ. ايتەۋىر, قازىر رۋبل 6 تەڭگە بولىپ تۇرعاندا ءبىزدىڭ ءونىم تارتىمدىلىعىن ارتتىرىپ الدى. ءتىپتى باسەكەلەستىڭ بالمۇزداعىن سورەدەن ىعىستىرۋدا. كوپ سالادا «يمپورتالماستىرۋمەن» ماقتانا المايمىز. بىراق جاعداي وزگەرىپ كەلەدى. «ميشكا نا پوليۋسە» بالمۇزداعىن كوبىسى رەسەيلىك ءونىم دەپ سانايدى. ولاي ەمەس. ءبىز برەندتىڭ شليفوۆكاسىنا قاتتى ءمان بەرىپ, ساپاسىن ارتتىردىق, قازىر ول قازاقستاندا وندىرىلەتىن ۇزدىك پلومبير. بيىل بالمۇزداق قاتارى جاڭا دامدەرمەن تۇرلەندى. سەندۆيچكە ۇقساس ەتىپ جاسالعان پلومبير كوپتىڭ كوڭىلىنەن شىقتى. جالپى نارىقتاعى جاعدايدى سارپاتايتىن بولساق, قازاقستان پەن رەسەي نارىعىنداعى قازاقستاندىق وندىرۋشىلەردىڭ پارۋسىنا جەل ەسىپ تۇر», - دەدى دوكين.
قازاقستاندىق تۇتىنۋشىلاردىڭ تالعامىنا كەڭەستىك تاريحىمىز قاتتى اسەر ەتكەن كورىنەدى. گوست بويىنشا جاسالعان ۆافەلدى ستاقاندار كسرو-نىڭ كەز كەلگەن بۇرىشىندا ساتىلاتىن. ونىڭ ءدامى بارىمىزگە بالا كەزدەن تانىس. جەرگىلىكتى وندىرۋشىلەر بالمۇزداقتىڭ وسى ءتۇرىن شىڭىراۋ شىڭىنا شىعاردى: كىلەگەيلى, پىستە قوسىلعان, قۇلپىناي دامىمەن, تاعىسىن تاعى. «شين-لاين» كومپانياسى ماماندارىنىڭ ايتۋىنشا, قازاقستاندىقتار بالمۇزداقتى سيرەك جەيدى. تاتتىقۇمارلاردىڭ الەمدىك رەيتينگىسىندە ەلىمىز تومەن ورنالاسقان.
«بومبا» دەگەن اتاۋى بار بالمۇزداق لەزدە ايگىلى بولدى. ونىڭ تۇرلەرى كوپ, سوندىقتان ەكى جىل بويى ءونىمنىڭ ءپوزيتيۆتى ديناميكاسىن بايقاپ وتىرمىز - ادامداردىڭ كوبىسى كۇردەلى بالمۇزداققا قىزىعادى ەكەن. مىسالى, Bahroma دەگەن بالمۇزداق پرەميۋم سەگمەنتتە. Bahroma وزىندە ءتۇرلى دامدەردىڭ گارمونياسىن ساقتايدى. ءوندىرىس كەزىندە ەڭ سوڭعى, ەڭ زاماناۋي تەحنولوگيا قولدانىلعان. شىعىس كالوريتىن سەزدىرەتىن مەيىز, پىستە, جاڭعاق ءدانى, قارا ورىك جانە تاعى باسقا داقىلدار قوسىلعان ءتاتتى بالمۇزداق تاڭداي قاقتىرادى. سالقىن دەسەرتتەر الۋان ءتۇرلى ارحيتەكتۋراسىمەن جانە قاتپارلىعىمەن ەرەكشەلەنەدى.
ارينە, كۇن ىستىقتا جەمىس مۇزداعى دا جاقسى وتەدى. بالالارعا ارنالعان جەلىدە «دجۋسيكي» دەگەن بالمۇزداق اسا تانىمال. بۇلدىرشىندەر قىپىرىق كەزىندە ءشولدى باسۋ ءۇشىن اتا-انالارىنان ءدال وسى بالمۇزداقتى سۇرايتىن كورىنەدى.
بالمۇزداق ساتىلىمىنا گەوگرافيالىق ورنالاسۋدىڭ اسەرى تاڭعالدىرادى: قازاقستاننىڭ وڭتۇستىگىندە مايلىلىعى تومەن بالمۇزداق جاقسى وتەدى ەكەن: جەمىس مۇزداعى, ەسكيمو-تاياقشاسى, بالقايماق. سولتۇستىكتە پلومبير, شوكولاد بالمۇزداعى, دجەم مەن سوۋس قوسىلعان بالمۇزداقتار سۇرانىستا.
جالپى وندىرۋشىلەردەن قازاقستاندا بالمۇزداقتىڭ كوپتەگەن ءتۇرى ۇسىنىلعان. اركىمنىڭ ءوز تاڭداۋى بار, تالعامدار ءار ءتۇرلى. تاۋار تاڭداعاندا ەڭ ماڭىزدىسى وندىرۋشىدەن بەرىلەتىن ساپا كەپىلى ەكەنىن ۇمىتپايىق.
الماتى
