العاشقى كەڭەس بەرۋ توبى «اقبۇلاق» بازارىنىڭ اۋماعىندا قالا تۇرعىندارى مەن كەلۋشىلەردى قابىلدادى. اكتسيانىڭ ماقساتى – الماتىعا قوسىلعان ەلدى مەكەندەردىڭ الەۋمەتتىك-ەكونوميكالىق دامۋ جاعدايىن «شەتسىز قالا» كونتسەپتسياسى اياسىندا ورتالىقپەن تەڭەستىرۋ ماقساتىندا تۇرعىندارمەن ءوزارا بايلانىستى ارتتىرۋ, تۇرعىنداردىڭ مەملەكەتتىك جانە پارتيالىق قىزمەت تۋرالى اقپارات الۋى مەن قۇقىقتىق ساۋاتتىلىعىن ارتتىرۋ.
Nur Otan پارتياسى الماتى قالالىق فيليالى توراعاسىنىڭ ءبىرىنشى ورىنباسارى, قالالىق ءماسليحات دەپۋتاتى ستانيسلاۆ كانكۋروۆتىڭ ايتۋى بويىنشا بۇل اكتسيانى وتكىزۋ بارىسىندا ازاماتتاردى تولعاندىراتىن وزەكتى ماسەلەلەر انىقتالىپ, الەۋمەتتىك كيكىلجىڭ تۋدىراتىن وشاقتاردىڭ پايدا بولۋ سەبەپتەرىنىڭ الدىن الۋ قاراستىرىلادى. اكتسيا كەزىندە ءموبيلدى توپقا وتىنىشپەن كەلگەن بارلىق ازاماتتارعا قۇقىقتىق كەڭەستەر بەرىلەدى جانە ولاردىڭ كوتەرگەن ماسەلەلەرى ورتالىق نەمەسە جەرگىلىكتى مەملەكەتتىك ورگانداردىڭ قاراۋىنا ناقتى شەشىم قابىلداۋ ءۇشىن جولدانادى.
الماتى قالاسى الەۋمەتتىك ءال-اۋقات باسقارماسىنىڭ اقپاراتى بويىنشا 2018 جىلى الەۋمەتتىك وسال توپقا ەنەتىن 95,8 مىڭ ادام مەملەكەت تاراپىنان قولداۋعا يە بولدى. «ەڭبەك» ناتيجەلى جۇمىسپەن قامتۋ باعدارلاماسى شەڭبەرىندە 22,6 مىڭ جۇمىسسىز جان جۇمىسپەن قامتىلدى. 6,7 مىڭ ادام وزگە ماماندىققا قايتا وقىتۋ كۋرسىنان ءوتتى. العاش رەت جۇمىسسىز جۇرگەن 100 ادامعا ءوز كاسىبىن باستاۋ ءۇشىن 240 مىڭ تەڭگە كولەمىندە قايتارىمسىز گرانت بەرىلدى. قالا اكىمدىگى مەن ءماسليحاتىنىڭ قولداۋىمەن از قامتىلعان 26 مىڭ ازامات 1 ملرد تەڭگە الەۋمەتتىك كومەك پەن جاردەماقى الدى.
جاستار جىلى اياسىندا قىسقا مەرزىمدى كاسىپتىك وقۋدان وتكەن جۇمىسسىزدارعا 505 مىڭ تەڭگەدەن 817 قايتارىمسىز گرانت بەرىلۋدە. بۇگىنگە دەيىن 47 جاس مامان 252 مىڭ تەڭگەدەن گرانت الدى. 200 ايلىق ەسەپتىك كورسەتكىش كولەمىندەگى 2000 گرانت بولۋگە قوسىمشا 1 ملرد 10 ملن تەڭگە قاراجات جۇمسالدى.
2019 جىلدىڭ سوڭىنا دەيىن «ەڭبەك» ناتيجەلى جۇمىسپەن قامتۋ باعدارلاماسى شەڭبەرىندە 28 مىڭ جۇمىسسىزدى بەلسەندى شارالارمەن قامتۋ جوسپارلانعان. جىل سوڭىنا دەيىن №4 ارنايى الەۋمەتتىك قىزمەت كورسەتۋ ورتالىعىن, تاستاق-1 شاعىن اۋدانىندا, بوستاندىق جانە ناۋرىزباي اۋداندارىندا بەلسەندى ۇزاق ءومىر ءسۇرۋ ورتالىقتارى اشىلماق. سونداي-اق وسى توقساندا الاتاۋ اۋدانىندا «باقىتتى وتباسى» ورتالىعىن اشۋ كوزدەلىپ وتىر.
اكتسيا بارىسىندا مەملەكەتتىك, قۇقىقتىق ورگانداردىڭ جەتەكشىلەرى ازاماتتاردىڭ ءارتۇرلى سۇراقتارىنا جاۋاپ قايتارىپ, قۇقىقتىق كەڭەستەر بەردى.
اكتسيا تۇراقتى جالعاساتىن بولادى.
الماتى
