سالىق ەسەپتىلىگىن ەلەكتروندى تۇردە تابىس ەتكەن جاعدايدا سالىق تولەۋشىگە سالىق ەسەپتىلىگىن تابىس ەتۋ مەرزىمىن ۇزارتۋعا مۇمكىندىك بەرىلەدى.
ەۋرازيالىق ەكونوميكالىق وداققا مۇشە مەملەكەتتەردىڭ اۋماعىنان قازاقستان رەسپۋبليكاسىنىڭ اۋماعىنا تاۋارلاردى يمپورتتاۋ كەزىندە جاناما سالىقتار بويىنشا سالىقتىق ەسەپتىلىكتى ۇسىنۋ مەرزىمىن ۇزارتۋعا بولمايدى.
سالىق ەسەپتىلىگىن تابىس ەتۋ مەرزىمىن ۇزارتۋ ءۇشىن سالىق تولەۋشى تىركەۋ ەسەبىنە قويىلعان جەرى بويىنشا مەملەكەتتىك كىرىستەر ورگانىنا حابارلاما جىبەرەدى.
مۇنداي حابارلامانى "ازاماتتارعا ارنالعان ۇكىمەت" مەملەكەتتىك كورپوراتسياسى ارقىلى دا جىبەرۋگە بولادى.
حابارلامانى قاعاز جەتكىزگىشتە نەمەسە ەلەكتروندىق نىساندا سالىق ەسەپتىلىگىن تابىس ەتۋ مەرزىمى اياقتالعانعا دەيىن جىبەرۋگە بولادى.
سالىق ەسەپتىلىگىن تابىس ەتۋ مەرزىمىن مىناداي مەرزىمدەرگە:
- كتس نەمەسە جتس دەكلاراتسيالارى بويىنشا وتىز كۇنتىزبەلىك كۇنگە دەيىن;
- سالىقتاردىڭ, بيۋدجەتكە تولەنەتىن تولەمدەردىڭ, الەۋمەتتىك تولەمدەردىڭ وزگە دە تۇرلەرى بويىنشا دەكلاراتسيانى جانە (نەمەسە) ەسەپ-قيساپتى كۇنتىزبەلىك ون بەس كۇنگە دەيىن;
- تاۋەكەلدەردى باسقارۋ جۇيەسى بويىنشا تاۋەكەلدەر دەڭگەيى تومەن سالىق تولەۋشىلەر ءۇشىن سالىقتاردىڭ, بيۋدجەتكە تولەنەتىن تولەمدەردىڭ, الەۋمەتتىك تولەمدەردىڭ وزگە دە تۇرلەرى بويىنشا دەكلاراتسيانى وتىز كۇنتىزبەلىك كۇنگە دەيىن ۇزارتۋعا بولادى.
سالىق ەسەپتىلىگىن تابىس ەتۋ مەرزىمىن ۇزارتۋ كورپوراتيۆتىك تابىس سالىعى بويىنشا اۆانستىق تولەمدەر سوماسىنىڭ ەسەبىنە قولدانىلمايدى.
ۇزارتۋ سالىقتاردى, بيۋدجەتكە تولەنەتىن تولەمدەردى جانە الەۋمەتتىك تولەمدەردى تولەۋ مەرزىمىن وزگەرتپەيتىنىن ەسكەرۋ قاجەت.
ارنايى سالىق رەجيمدەرىن قولداناتىن دارا كاسىپكەردى قوسپاعاندا, تاۋەكەلدەردى باسقارۋ جۇيەسى بويىنشا تاۋەكەلدەردىڭ جوعارى دەڭگەيى بار سالىق تولەۋشىگە سالىق ەسەپتىلىگىن تابىس ەتۋ مەرزىمى ۇزارتىلمايدى.
سالىق ورگاندارى سالىق تولەۋشىلەر ۇسىنعان سالىق ەسەپتىلىگىنىڭ دەرەكتەرىنە, ۋاكىلەتتى مەملەكەتتىك ورگانداردان, جەرگىلىكتى اتقارۋشى ورگانداردان, ۋاكىلەتتى تۇلعالاردان العان مالىمەتتەرگە, سونداي-اق سالىق تولەۋشىنىڭ قىزمەتى تۋرالى باسقا دا قۇجاتتار مەن مالىمەتتەرگە تالداۋدى جۇزەگە اسىراتىنىن ەسكە سالامىز.
وسىنداي تالداۋدىڭ ناتيجەلەرى نەگىزىندە 2019 جىلعى 1 قاڭتارىنان باستاپ بارلىق سالىق تولەۋشىلەردى ساناتتاۋ ولاردىڭ قىزمەتىن تاۋەكەل دارەجەسىنىڭ تومەن, ورتاشا نەمەسە جوعارى ساناتىنا جاتقىزۋ جانە سالىقتىق اكىمشىلەندىرۋدى سارالاۋ شارالارىن قولدانۋ ارقىلى جۇزەگە اسىرىلادى.
تاۋەكەلدەردى باسقارۋ جۇيەسىنىڭ ناتيجەلەرى بويىنشا سالىق تولەۋشىنىڭ قانداي تاۋەكەل دارەجەسىنە جاتقىزىلعاندىعى تۋرالى اقپارات جىلىنا ەكى رەت انىقتالاتىن بولادى جانە سالىق تولەۋشىلەرگە «سالىق تولەۋشىنىڭ كابينەتى» ۆەب-قوسىمشاسىنا جىبەرىلەدى.
2019 جىلدىڭ 1 شىلدەسىنەن باستاپ ساناتتارعا ءبولۋ ناتيجەلەرى مەملەكەتتىك كىرىستەر كوميتەتىنىڭ رەسمي سايتىندا (ەلەكتروندىق سەرۆيستەر / بيزنەسكە كومەك / ساناتتارعا ءبولۋ ناتيجەلەرى بويىنشا سالىق تولەۋشىنىڭ تاۋەكەل دارەجەسى) (http://kgd.gov.kz/ru/services/degree_of_risk) جاريالاناتىن بولادى.
بسن/جسن بويىنشا سۇراۋ سالۋ ارقىلى ءوز قىزمەتى بويىنشا دا, ءوز كونتراگەنتىنىڭ قىزمەتى بويىنشا دا تاۋەكەل دارەجەسىن بىلۋگە بولادى.
ساناتتاۋدى مىندەتتى وزەكتەندىرۋ مەرزىمدىلىگى – جارتى جىلدا ءبىر رەت.
قولدانىستاعى زاڭناما شەڭبەرىندە ساناتتارعا ءبولۋ ناتيجەلەرى سالىقتىق اكىمشىلەندىرۋدىڭ مىناداي سالالارىندا قولدانىلادى:
- جك جەكەلەگەن ساناتتارىنىڭ قىزمەتىن وڭايلاتىلعان تارتىپپەن توقتاتۋ,
- ققس بويىنشا تىركەۋ ەسەبىنە قويۋ,
- سالىق ەسەپتىلىگىن تابىس ەتۋدى ۇزارتۋ, توقتاتا تۇرۋ,
- بەرەشەكتى ماجبۇرلەپ ءوندىرىپ الۋ.
