ازيا كۋبوگى Almaty Triathlon Federation جانە قازاقستاندىق ترياتلون فەدەراتسياسى «سامرۇق-قازىنا» ۇلتتىق ءال-اۋقات قورى», قر مادەنيەت جانە سپورت مينيسترىلىگى, قر ۇلتتىق وليمپيادالىق كوميتەتى جانە الماتى قالاسىنىڭ اكىمدىگىنىڭ قولداۋىمەن وتكىزىلەدى.
ورايى كەلىپ تۇرعاندا, ترياتلون – ءجۇزۋ, ۆەلوجارىس جانە جۇگىرۋ سەكىلدى جەكەلەگەن سپورت تۇرلەرىنەن قۇرالعان ءمۋلتيسپورتيۆتى جارىس بولىپ تابىلاتىن تسيكلدىق وليمپيادالىق سپورت ءتۇرى ەكەنىن ايتا كەتكەن ءجون. ترياتلون كەزەڭدەرىن سپورتشىلار كەزەكپەن جانە ءۇزىلىسسىز باعىندىرادى. حالىقارالىق دەڭگەيدە ترياتلون حالىقارالىق ترياتلون وداعىنىڭ (ITU) ەرەجەلەرىمەن رەتتەلەدى.
ءوز كەزەگىندە ASTC Asian Cup – ازيالىق ترياتلون كونفەدەراتسياسى (ASTC) وتكىزەتىن كۋبوك سەرياسى.
قۇرلىقتىق كۋبوكتىڭ وڭتۇستىك استانامىزدا وتكىزىلۋى قازاقستاندىق ترياتلون فەدەراتسياسىنىڭ حالىقارالىق ترياتلون وداعىمەن بىرلەسە وتىرىپ, قازاقستان رەسپۋبليكاسىندا ترياتلوندى دامىتۋ مەن ونى كەڭىنەن ناسيحاتتاۋعا باعىتتالعان جۇمىستار ناتيجەسىندە اتقارىلادى.
سونىمەن قاتار, اتالمىش سايىس اياسىندا Age Group (اۋەسقويلار) ساناتىنداعى سپورتشىلار «TEMIRADAM» كۋبوگىنىڭ VIII كەزەڭىنىڭ رەيتينگتىك ۇپايلارىن ورتاعا سالاتىن بولادى.
ترياتلوننان ازيا كۋبوگىن ناسيحاتتاۋعا قر مادەنيەت جانە سپورت مينيسترلىگىنىڭ دەنە شىنىقتىرۋ جانە سپورت بويىنشا كوميتەتى, «الاش مەديا گرۋپپ», Vesti.kz, Tenginews.kz, Massaget.kz, WeprojectMedia كىرىستى.
3 تامىزدا Elite ساناتىنداعى سپورتشىلار اراسىنداعى سايىس «ترياتلون» ديستسيپليناسىندا «سپرينت» قاشىقتىعىندا وتەتىن بولادى.
4 تامىزدا Age Group (اۋەسقوي) «TEMIRADAM» كۋبوگى VIII كەزەڭى بولادى.
الماتى
