قوستانايدا پوليتسەيلەر تەررورلىق ارەكەتتەر ءۇشىن ۇرىمتال, قورعالۋعا ءتيىس دەگەن نىسانداردى تەكسەرۋدى جالعاستىرىپ وتىر. ارەكەت ەتىپ وتىرعان زاڭعا سايكەس مۇنداي نىساندار جىلىنا كەم دەگەندە ءبىر رەت تەكسەرىلۋى ءتيىس. قوستاناي وڭىرىندە قاۋىپسىز بولماۋعا ءتيىس, ۇرىمتال 754 نىسان بار. وعان قاۋىپتى وندىرىستىك كاسىپورىندار, ستراتەگيالىق, اسا ماڭىزدى مەملەكەتتىك جانە ادامدار كوپ جينالاتىن نىساندار كىرەدى.
جىل باسىنان بەرى پوليتسەيلەر وسىنداي 519 نىساندى تەكسەردى. ناتيجەسىندە سونىڭ 107 نىسانى ۇكىمەتتىڭ 2015 جىلعى № 191 قاۋلىسى تالاپتارىنا تولىق جاۋاپ بەرمەيدى. نەگىزگى تالاپتار ۆيدەو باقىلاۋلار مەن كۇزەتتەن, پروفيلاكتيكالىق جاتتىعۋلاردى وتكىزۋدەن تۇرادى. انتيتەررورلىق ساقتاندىرۋ تالاپتارىن, قاۋىپسىزدىك ەرەجەلەرىن ءتيىستى دەڭگەيدە ساقتاماعان, ورىنداماعان نىسانداردىڭ 11 باسشىسىنا اكىمشىلىك حاتتاما جازىلىپ, بارلىعى 4,5 ميلليون تەڭگە ايىپپۇل سالىندى.
«اتامەكەن» ۇلتتىق كاسىپكەرلەر پالاتاسىمەن جانە جەرگىلىكتى اتقارۋشى ورگاندارىمەن بىرلەسىپ, بيزنەسقۇرىلىمدار باسشىلارىنا تۇسىنىكتەمە جۇمىستارىن جۇرگىزدىك. ولارعا تيەسىلى نىسانداردا تەررورعا قارسى قوعانىس جۇمىستارىنىڭ بەلگىلەنگەن دەڭگەيىن اتقارىپ وتىرۋ كەرەكتىگى ءتۇسىندىرىلدى», دەيدى وبلىستىق پوليتسيا دەپارتامەنتىنىڭ ەكسترەميزمگە قارسى ارەكەت ەتۋ باسقارماسى باستىعىنىڭ ورىنباسارى ەرلان سەمبين.
