قالا كۇنى جانە مەتاللۋرگتەر كۇنى ءۇشىن «تۋعان كۇنىڭمەن, سۇيىكتى قالام!» اتتى باعدارلاما دايىندالدى.
مەرەكەلىك شارالار زاۋىتتان باستالدى. زاۋىتتىڭ ورتالىق زالىندا جينالعان مەتاللۋرگتەرگە باسشىلىق تاراپىنان قۇتتىقتاۋلار ايتىلدى.
- ءبىزدىڭ زاۋىت ۇجىمىنا ماقتانۋعا بولادى, - دەپ اتاپ ءوتتى زاۋىت ديرەكتورى سەرگەي پروكوپەۆ. – ويتكەنى,ءبىز وندىرىستەگى ءوز ورنىمىزدى ساقتاپ قالدىق. جانە دە ءوندىرىس كولەمىن, ونىمدىلىكتى ارتتىرۋدامىز. زاۋىتقا جاڭا تەحنولوگيالار كەلۋدە, ءبىزدىڭ جۇمىستاعى ماقساتىمىز - ءوندىرىس سالاسىنىڭ قورشاعان ورتاعا زيانىن تيگىزبەۋگە ۇلەس قوسۋدامىز. بۇل ءبىزدىڭ زاۋىت ۇجىمىنىڭ ەڭبەگى,-دەدى.
مەرەكە كۇنى كوپتەگەن مەتاللۋرگتەر «ەڭبەك داڭقى», جانە «ەرەن ەڭبەگى ءۇشىن», « ERG دە ەرەن ەڭبەگى ءۇشىن» بەلگىلەرىمەن ماراپاتتالدى.
ءداستۇر بويىنشا بۇل كۇنى زاۋىت الدىنداعى «قۇرمەت تاقتاسى» قايتا جاڭالاندى. تاقتاعا جاڭادان 33 ءوندىرىس وزاتتارىنىڭ فوتولارى ءىلىندى. بۇل زاۋىتتىقتاردىڭ ەڭبەكاقىلارىنا جىل بويى 20 پايىز قوسىمشا قوسىلادى.
- بۇل ءبىز ءۇشىن جاقسى سەرپىن بەرەدى,- دەيدى ەنەرگوجوندەۋ تسەحىنىڭ جاس مامانى الىبەك اسان.- ءبىزدىڭ بۇل ادامدارعا ۇقساعىمىز كەلەدى, زاۋىت ءبىزدىڭ ءومىرىمىز دەگىمىز كەلەدى.
- ءبىز قالامىزبەن, زاۋىتىمىزبەن ماقتانا الامىز. ويتكەنى, 6,5 مىڭ تۇرعىن زاۋىت جۇمىسشىلارى. زاۋىتتاعى قۇيۋ ماشينالارىن, كران ماشينالارىن, فەرروقورىتپا تازالاعىشتاردى جوندەۋ جۇمىستارىن جۇرگىزۋشىلەردى شىن جۇرەكتەن قۇتتىقتايمىن,-دەيدى باس ديرەكتور.
بۇل كۇنى 450-دەن استام مەتاللۋرگتەر كاسىبي مەرەكەلەرىندە سىيلىقتار مەن اقشالاي سىيلىقتارعا يە بولدى.
ولار ەڭ جوعارى ونەركاسىپتىك جانە كورپوراتيۆتىك ناگرادالارعا ۇسىنىلىپ, قۇرمەتتى اتاقتارمەن ماراپاتتالدى. مەرەكە كۇنىنىڭ باعدارلاماسى وتە قىزىقتى ءوتتى. زاۋىتتىقتار وتباسىلارىمەن كەلىپ, ءتۇرلى قىزىقتى بايقاۋلارعا قاتىستى.
ورتالىق الاڭدا نۇرلان ابدۋللين, ايدانا مەدەنوۆا جانە رەسەيلىك ەسترادا ءانشىسى حاننالار ونەر كورسەتتى. مەرەكە ءداستۇرلى وتشاشۋمەن اياقتالدى.
پاۆلودار وبلىسى
سۋرەتتى تۇسىرگەن: يرينا سىچينا
