تۇركيالىق ينۆەستورلار قىزىعۋشىلىق تانىتتى

قالالىق اۋىل شارۋاشىلىعى جانە ۆەتەريناريا باسقارماسىنىڭ باسشىسى اسقار قانىبەكوۆ, «Shymkent» اكك» اق توراعا­سىنىڭ ورىنباسارى رۇستەم ەرمەنبەكوۆ تۇركيالىق «UYANIK YATAGANLI» كومپانيا­سى وكىل­دە­رى­مەن كەزدەستى.

ەكىجاقتى كەزدەسۋدە كومپانيا وكىل­دەرى اۋىل شارۋاشىلىعى تەحنيكا­لا­رى ءوندىرىسىن ىسكە قوسۋ جوسپارى تۋ­رالى اڭگىمەلەدى.  باسقارما باسشىسى ا.قانىبەكوۆ شىمكەنت قالاسىنىڭ ينۆەستيتسيالىق مۇمكىن­دىك­تەرىمەن, ينۆەستورلاردى قولداۋ باع­دارلامالارىمەن تانىستىردى. سونى­مەن بىرگە اتالعان جوبانى اگرو-يندۋستريالىق ايماقتا ىسكە اسىرۋ مۇم­كىندىگىن اتاپ ءوتتى.

ءوز كەزەگىندە كومپانيا وكىلدەرى اۋىل شارۋاشىلىعى تەحنيكالارىنا سۇرانىس بويىنشا تالداۋ جۇرگىزىلىپ جات­قاندىعى تۋرالى حابارلادى.

ايتا كەتەرلىگى, اتالعان كومپا­نيا 1969 جىلى تۇركيا مەملە­كەتىن­دە اۋىل شارۋاشىلىعى تەحنيكالارى ءون­دىرىسىن باستاعان. ەڭ اۋەلى شاعىن وندىرىستىك الاڭدا اۋىلشارۋاشىلىق تەح­نيكالارىن قۇراستىرۋدى, قىسقا مەر­زىمدە تۇراقتى جانە ساپالى ءوندى­رىس­تى جولعا قويعان. بۇگىنگى تاڭدا اگرو­ونەركاسىپتىك كەشەنگە نەگىزدەلگەن اۋىل­شارۋاشىلىق ماشينالارىن شى­عا­رۋ مەن جوعارى ساپالى قىزمەت كورسەتۋدى جالعاستىرۋدا.