قازىر شارۋالار دايىنداپ جاتقان شوپتەردىڭ نەگىزگى تۇرلەرى جايىلىمدىق ەركەكشوپ پەن ارپاباس بولىپ وتىر. كەلەسى جىلعى ەگىس ناۋقانىنا قامدانعان اۋىلشارۋاشىلىعى ونىمدەرىن وندىرۋشىلەر ءشوبى ششابىلعان جەرلەردى وڭدەپ تە جاتىر.
شىلدە ايىنىڭ سوڭىنا قاراي وبلىس بويىنشا 220 مىڭ تونناعا جۋىق ءشوپ شابىلعان. شارۋاشىلىقتار جوسپارلانعان 175 مىڭ گەكتار تاناپتا پار وڭدەدى. سونىمەن بىرگە, القاپتاردا توپىراقتى ەكىنشى قايتارا وڭدەۋ جۇمىستارى دا قارقىندى جۇرگىزىلۋدە.
ەگىستىك القاپتارىن ارام شوپتەردەن تازارتۋ ءۇشىن 550 مىڭ گەكتارعا جۋىق القاپتا حيميالىق وتاۋ جۇرگىزىلۋدە. تەك ۋسپەن, شارباقتى اۋداندارىندا عانا بۇل جۇمىستاعى قارقىن تومەن.
ال, تامىز ايىندا كۇن ىستىق بولسا, ءشوپتىڭ قۋراپ كەتۋى دە مۇمكىن. سوندىقتان, ءاربىر شارۋاشىلىق قىسقا دەگەن مال ازىعىن دايىنداۋعا كۇش سالۋدا. جالپى,وبلىس بويىنشا ءشوپ شابۋ جۇمىستارىنا 1600-دەن استام تەحنيكا جۇمىلدىرىلعان, اۋماعى 400 مىڭ گەكتارعا جۋىق القاپتا ءشوپ شابىلعان. ءار گەكتارىنان 5-6 تسەنتنەر كولەمىندە ءشوپ شابىلۋدا. باسقارما الداعى ۋاقىتتا جينالعان مال ازىعىن قىستاۋلارعا جەتكىزۋ جۇمىسى دا باستالادى دەپ وتىر.
پاۆلودار
سۋرەتتى تۇسىرگەن ۆالەري بۋگاەۆ
