كۇن تارتىبىندە – كوكەيكەستى مىندەتتەر
بەيسەنبى, 16 مامىر 2013 1:51
استانانىڭ حالىقارالىق دارەجەدەگى جوعارى بەدەلى مەن ساياسي سالماعىنا باس قالامىزدا تۇراقتى تۇردە ءوتىپ كەلە جاتقان ءداستۇرلى جاھاندىق باسقوسۋلار دالەل. سونىڭ ءبىرى – الەمنىڭ جۇزگە تارتا مەملەكەتىنىڭ وكىلدەرى باس قوساتىن, وسىمەن ەلوردامىزدا التىنشى رەت وتكىزىلگەلى وتىرعان استانا ەكونوميكالىق فورۋمى بولىپ تابىلادى. بۇل فورۋم بۇگىنگى كۇنى ءوزىنىڭ تۋى استىنا الەمگە اتى ءماشھۇر تەورەتيكتەر مەن ءىس باسىنداعى مامانداردى توپتاستىراتىن جاھاندىق قۇبىلىس بولىپ وتىر. وعان فورۋم اياسىندا وتكىزىلەتىن جاھاندىق كونفەرەنتسيالار مەن سەسسيالار كۋا.
بەيسەنبى, 16 مامىر 2013 1:51
استانانىڭ حالىقارالىق دارەجەدەگى جوعارى بەدەلى مەن ساياسي سالماعىنا باس قالامىزدا تۇراقتى تۇردە ءوتىپ كەلە جاتقان ءداستۇرلى جاھاندىق باسقوسۋلار دالەل. سونىڭ ءبىرى – الەمنىڭ جۇزگە تارتا مەملەكەتىنىڭ وكىلدەرى باس قوساتىن, وسىمەن ەلوردامىزدا التىنشى رەت وتكىزىلگەلى وتىرعان استانا ەكونوميكالىق فورۋمى بولىپ تابىلادى. بۇل فورۋم بۇگىنگى كۇنى ءوزىنىڭ تۋى استىنا الەمگە اتى ءماشھۇر تەورەتيكتەر مەن ءىس باسىنداعى مامانداردى توپتاستىراتىن جاھاندىق قۇبىلىس بولىپ وتىر. وعان فورۋم اياسىندا وتكىزىلەتىن جاھاندىق كونفەرەنتسيالار مەن سەسسيالار كۋا.
2013 جىلدىڭ 22 مامىرىندا VI استانا ەكونوميكالىق فورۋمى شەڭبەرىندە قازاقستان رەسپۋبليكاسىنىڭ مەملەكەتتىك قىزمەت ىستەرى اگەنتتىگى, بۇۇ دامۋ باعدارلاماسى جانە قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسىنىڭ ۇيىمداستىرۋىمەن «مەملەكەتتىك قىزمەتتى جاڭعىرتۋ: تۇراقتى دامۋ ماقساتىندا تيىمدىلىكتى ارتتىرۋ» اتتى جاھاندىق كونفەرەنتسيا وتكىزىلەدى.
كونفەرەنتسيا شەڭبەرىندە مەملەكەتتىك قىزمەتتى جاڭاشالاندىرۋ, مەملەكەتتىك قىزمەتتى بىلىكتى باسقارۋ جانە ايماقتىق ارىپتەستىك ارقىلى مەملەكەتتىك قىزمەتتى تۇراقتى دامىتۋ ماسەلەلەرىنە باعىتتالعان ءۇش پانەلدىك سەسسيا وتەتىن بولادى. اتالمىش سەسسيالاردى مەملەكەتتىك قىزمەت سالاسىندا دۇنيە ءجۇزىنە تانىلعان ساراپشىلار: اقش-تىڭ جالاقى بويىنشا فەدەرالدىق كەڭەسىنىڭ توراعاسى ستيۆ كوندري, حالىقارالىق اكىمشىلىك عىلىمدار ينستيتۋتىنىڭ باس ديرەكتورى رولەت لورەتان جانە بۇۇ دب-نىڭ ەۋروپا جانە تمد ەلدەرىندەگى براتيسلاۆا ايماقتىق ورتالىعىنىڭ مەملەكەتتىك باسقارۋ سالاسىنداعى دەموكراتيالىق تاجىريبە كوشباسشىسى انني دەميرجاندار جۇرگىزەدى دەپ كۇتىلۋدە.
كونفەرەنتسيادا لي كۋان يۋ اتىنداعى مەملەكەتتىك ساياسات مەكتەبى ديرەكتورى (2005-2011), تاۋەلسىز كەڭەسشى سۋكۆيندەر سينگح چوپرا, اقش-تىڭ مەملەكەتتىك قىزمەت جۇيەسى قىزمەتكەرلەرىن باسقارۋ كەڭسەسى جانىنداعى باسقارۋشىلاردىڭ بىلىكتىلىگىن ارتتىرۋ فەدەرالدىق ينستيتۋتىنىڭ (FEI) فاكۋلتەت دەكانى مەتيۋ ستاففورد جانە بۇۇ-نىڭ مەملەكەتتىك باسقارۋ سالاسىندا اقپاراتتىق جەلىلەردى باسقارۋ دەپارتامەنتىنىڭ ۇيلەستىرۋشىسى دەنيز سۋسار سياقتى دۇنيە جۇزىنە تانىمال ساراپشىلار بايانداما جاسايتىن بولادى. سونىمەن بىرگە, كونفەرەنتسيا جۇمىسىنا مەملەكەتتىك قىزمەت سالاسىنداعى ازەربايجان, اۋعانستان, گرۋزيا, قىرعىزستان جانە تاجىكستان ەلدەرىنىڭ قۇزىرەتتى مەملەكەتتىك مەكەمەلەرىنىڭ باسشىلارى, تاتارستان رەسپۋبليكاسى پرەزيدەنتى اپپاراتىنىڭ باسشىلىعى قاتىسادى دەپ كۇتىلۋدە.
جاھاندىق كونفەرەنتسيا قورىتىندىسىندا قازاقستان رەسپۋبليكاسىنىڭ مەملەكەتتىك قىزمەت ىستەرى اگەنتتىگى مەن مەملەكەتتىك قىزمەت سالاسىندا قۇزىرەتتى شەتەلدىك مەملەكەتتىك مەكەمەلەر اراسىندا «ءوزارا تۇسىنىستىك جانە ءارىپتەستىك تۋرالى» مەموراندۋمعا قول قويۋ جوسپارلانۋدا.
VI استانا ەكونوميكالىق فورۋمى اياسىندا 2013 جىلعى 24 مامىردا ەلىمىزدىڭ قورشاعان ورتانى قورعاۋ مينيسترلىگى مەن ەكونوميكا جانە بيۋدجەتتىك جوسپارلاۋ مينيسترلىگى ءبىرلەسىپ «يندۋستريالىق رەۆوليۋتسيا – «جاسىل» ەكونوميكاعا كوشۋ» اتتى پانەلدىك سەسسيا وتكىزەدى.
بۇل وتىرىسقا «جاسىل» ەكونوميكا سالاسىنداعى قازاقستاندىق جانە شەتەلدىك ساراپشىلار, سونداي-اق, حالىقارالىق, قوعامدىق بىرلەستىكتەر مەن ۇكىمەتتىك ەمەس ۇيىمدار وكىلدەرى قاتىسادى دەپ كۇتىلۋدە. سەسسيا جۇمىسىندا قورشاعان ورتانى قورعاۋ مينيسترى نۇرلان قاپپاروۆ, ەكونوميكا جانە بيۋدجەتتىك جوسپارلاۋ ۆيتسە-ءمينيسترى ءمادينا ابىلقاسىموۆا, ازيا جانە تىنىق مۇحيت ايماعى ەكونوميكالىق جانە الەۋمەتتىك كوميسسيانىڭ اتقارۋشى حاتشىسى نوەلين حەيزەر, ەۋروپالىق ينۆەستيتسيالىق بانكتىڭ ۆيتسە-پرەزيدەنتى ۆيلگەلم مولتەرەر باياندامالار جاسايدى. سەسسيانىڭ مودەراتورى رەتىندە بۇۇ-نىڭ ەۋروپالىق ەكونوميكالىق كوميسسياسىنىڭ اتقارۋشى حاتشىسى سۆەن الكالاي ارنايى شاقىرىلىپ وتىر.
سەسسيانىڭ كۇن ءتارتىبى بويىنشا, الەمدىك اۋقىمداعى «جاسىل» ەكونوميكانىڭ نەگىزگى سيپاتتامالارى, ونىڭ جولىندا تۇرعان كەدەرگىلەر, شەتەلدەردىڭ «جاسىل» ەكونوميكاعا ءوتۋ تاجىريبەسى جانە باسقا دا كوكەيكەستى ماسەلەلەر تالقىلانباق. وتىرىس قورىتىندىسىندا سەسسيا كۇن تارتىبىندە تالقىلانعان ۇسىنىس-پىكىرلەردىڭ قورىتىندىسى رەتىندە ريو+20 ءسامميتىنىڭ شەشىمدەرىن ىسكە اسىرۋعا باعىتتالعان ناقتى قادامدار بويىنشا ۇسىنىستار بەرىلەدى. الداعى مامىر ايىندا قورشاعان ورتانى قورعاۋ مينيسترلىگى G-global اقپاراتتىق-كوممۋنيكاتيۆتىك الاڭىندا وسى تاقىرىپتاعى ون-لاين كونفەرەنتسيا وتكىزەدى.
بۇگىندە زياتكەرلىك مەنشىك ءاربىر مەملەكەتتىڭ ەكونوميكالىق دامۋىنا ۇلەس قوساتىن باستى ستراتەگيالىق رەسۋرسقا اينالىپ وتىر. وسىعان بايلانىستى, 24 مامىردا VI استانا ەكونوميكالىق فورۋمى شەڭبەرىندە «زياتكەرلىك مەنشىكتى ينتەرنەت جۇيەسىندە قورعاۋ ماسەلەلەرى مەن بولاشاعى» اتتى پانەلدىك سەسسيا وتەدى.
زاماناۋي اقپاراتتىق توڭكەرىس ادامزاتتىڭ زياتكەرلىك جانە شىعارماشىلىق ءمۇمكىندىكتەرىنىڭ تەحنولوگيالىق نەگىزىنە اينالعان عالامدىق اقپاراتتىق جۇيەنىڭ قۇرىلۋىنا تۇرتكى بولدى. عالامدىق ينتەرنەت جۇيەسىنىڭ دامۋى قوعامنىڭ ساياسات, ەكونوميكا, مادەنيەت سىندى بارلىق سالاسىنا ۇلكەن اسەرىن تيگىزدى. اقپارات ساتىلىپ, پايدا جانە شىعىن اكەلەتىن ناعىز ەكونوميكالىق قۇرالعا اينالدى.
ەلەكتروندى ساۋدا مەن اقپارات الماسۋ ماقساتىندا ينتەرنەت پايدالانۋشىلاردىڭ قاتارى كوبەيە تۇسۋىنە وراي, زياتكەرلىك مەنشىك سالاسىن قورعاۋعا ەرەكشە كوڭىل ءبولۋ كەرەك. ويتكەنى, عالامتور ساندىق ورتاداعى اقپارات الماسۋدىڭ جولى عانا ەمەس, سونداي-اق, ترانسۇلتتىق قىلمىستارعا دا جول اشاتىن قارۋعا اينالۋدا. سوندىقتان اۆتورلاردىڭ قۇقىعىن قورعاۋ ءۇشىن كۇش بىرىكتىرىپ, ينتەرنەت جۇيەسىندەگى قىلمىسپەن كۇرەسۋ كەرەك. مىنە, وسى ماڭىزدى تاقىرىپتار پانەلدىك سەسسيانىڭ كۇن تارتىبىندەگى نەگىزگى ماسەلەلەرگە اينالماق.
فورۋم اياسىندا وتەتىن باستى شارالاردىڭ ءبىرى رەتىندە ونەرتابىس سالاسىنداعى رەسپۋبليكالىق «شاپاعات» جەتىستىكتەر بايقاۋىنىڭ جەڭىمپازدارىن ماراپاتتاۋ ءراسىمىن ەرەكشە اتاپ وتكەن ءجون. ول – 23 مامىر كۇنى «شابىت» سارايىندا وتەدى. بايقاۋ ادىلەت, ءبىلىم جانە عىلىم, يندۋستريا جانە جاڭا تەحنولوگيالار مينيسترلىكتەرىنىڭ بىرلەسكەن بۇيرىعىنا ساي بەكىتىلگەن ەرەجە بويىنشا وتكىزىلەدى. بايقاۋ جەڭىمپازدارى «ەڭ ۇزدىك ونەرتاپقىش», «ەڭ جاس ونەرتاپقىش», «ونەرتاپقىش ايەل», «جاس دارىن» نوميناتسيالارى بويىنشا انىقتالادى. تاعى ءبىر اتاپ وتەرلىك جايت, بيىل ءبىرىنشى رەت قازاقستاندىق ونەرتاپقىشتاردى ىنتالاندىرۋ ءۇشىن «قازاقستان رەسپۋبليكاسىنىڭ ەڭبەك سىڭىرگەن ونەرتاپقىشى» اتاعىنا بايقاۋ جاريالاندى. بۇل بايقاۋدىڭ جەڭىمپازىن ماراپاتتاۋ ءراسىمى دە 23 مامىر كۇنى وتەدى.
جىلقىباي جاعىپار ۇلى,
«ەگەمەن قازاقستان».
