بۇگىندە ۇلتتىق ەكونوميكا مينيسترلىگى مەملەكەت پەن بيزنەس اراسىنداعى مۇددەلەر تەڭگەرىمىن قالىپتاستىرۋ جانە قولداۋ ءۇشىن ءمجا ءادىسناماسىن جەتىلدىرۋ بويىنشا ۇزدىكسىز جۇمىس جۇرگىزىپ جاتىر. بۇل تۋرالى قر ۇكىمەتىنىڭ الاڭىندا وتكەن ءباسپاسوز كونفەرەنتسياسى بارىسىندا قر ۇلتتىق ەكونوميكا ۆيتسە-ءمينيسترى ءمادي تاكيەۆ حابارلادى.
ونىڭ ايتۋىنشا, مەملەكەتتىك-جەكشەلىك ارىپتەستىك ينۆەستيتسيالاردى بارىنشا ارتتىرۋى ءتيىس.
«قولدانىستاعى ليميتتەردى بارىنشا كوپ ينۆەستيتسيا تارتۋعا بولاتىنداي ەتىپ پايدالانۋ كەرەك. بۇل, ەگەر بيۋدجەتتەن ەڭ از وتەلەتىن جوبالارعا باسىمدىق بەرىلسە مۇمكىن بولادى», — دەدى م. تاكيەۆ.
وسى ماقساتتا ۇلتتىق ەكونوميكا مينيسترلىگى وسى جىلدىڭ باسىنان باستاپ جوبالاردىڭ ءۇش ساناتىن انىقتادى:
- I سانات — جەكەشە سەرىكتەستىڭ ينۆەستيتسيالارى مەن وپەراتسيالىق شىعىندارىن بيۋدجەتتەن تولىق وتەۋ. بۇل 154 ءمجا جوباسى.
- II سانات — بيۋدجەت ەسەبىنەن جانە نارىقتان كورسەتىلەتىن قىزمەتتەر ەسەبىنەن ينۆەستيتسيالاردى جارتىلاي وتەۋ. بۇل — 265 جوبا.
- III سانات — بيۋدجەتتەن وتەلمەيدى. وتەۋ قىزمەتتەر ەسەبىنەن جۇرگىزىلەدى (تاريف, مەمتاپسىرىس, تەگىن مەديتسينالىق كومەكتىڭ كەپىلدى كولەمى كورسەتۋ, اقىلى قىزمەتتەر جانە باسقالار). بۇل — 137 جوبا.
اتالعان شارا, ۆيتسە-ءمينيستردىڭ ايتۋىنشا, بيۋدجەتكە تۇسەتىن جۇكتەمەنى الىپ تاستاۋعا جانە كوبىرەك ينۆەستيتسيا تارتۋعا مۇمكىندىك بەرەدى.
بۇدان وزگە, م. تاكيەۆ ءمجا جوبالارى مەن ولار بويىنشا قابىلدانعان مىندەتتەمەلەر اي سايىن مونيتورينگتەن وتەدى. ونى «ءمجا ورتالىعى» اق سايتىنان جۇكتەي الاسىز.
مەملەكەت باسشىسىنىڭ تاپسىرماسى اياسىندا مەملەكەتتىك-جەكەشەلىك ارىپتەستىك جوبالارىنىڭ مونيتورينگى مەن باقىلاۋى كۇشەيتىلەدى جانە كەلەسى جىلدان باستاپ مەملەكەتتىك-جەكەشەلىك ارىپتەستىك جوبالارىنىڭ ىسكە اسىرىلۋىن باعالاۋ جاڭا فورماتتا جۇرگىزىلەتىن بولادى.
«مەملەكەتتىك-جەكەشەلىك ارىپتەستىك جوبالارىن ىسكە اسىرۋدى باعالاۋ شەڭبەرىندە ءبىز زاڭناماعا قانداي وزگەرىستەر قاجەت ەكەنىن كورىپ وتىرمىز, جەرگىلىكتى اتقارۋشى ورگاندارمەن شۇعىل جۇمىس ىستەيمىز, كەيدە جوبانىڭ ىقتيمال تەرىس ناتيجەسىن, مىسالى, شارتتاردىڭ بۇزىلۋىن, مىندەتتەمەلەردىڭ تولەنبەۋىنىڭ الدىن الۋعا باعىتتايمىز», — دەدى م. تاكيەۆ.
سونداي-اق, ۆيتسە-مينيستر وسى جىلدىڭ مامىر ايىندا مەملەكەتتىك-جەكەشەلىك ارىپتەستىك ورتالىعى بازاسىندا ينۆەستورلارعا «ءبىر تەرەزە» قاعيداتى بويىنشا قىزمەت كورسەتىلەتىنىن ايتتى. مۇنداي اقپاراتتىق قولداۋ مىنالاردى قامتيدى:
- ينۆەستوردى وقىتۋ جانە كونسۋلتاتيۆتىك-اقپاراتتىق قامتاماسىز ەتۋ;
- ينۆەستور قىزىعۋشىلىق تانىتاتىن سالادا رەسپۋبليكالىق نەمەسە جەرگىلىكتى دەڭگەيدەگى مەملەكەتتىك-جەكەشەلىك ارىپتەستىك جوبالارىن تاڭداۋ;
- جوسپارداعى, جانە كونكۋرسقا جاريالانعان مەملەكەتتىك-جەكەشەلىك ارىپتەستىك جوبالارى تۋرالى پوتەنتسيالدى ينۆەستورلاردى اقپاراتتاندىرۋ;
- مەملەكەتتىك-جەكەشەلىك ارىپتەستىك جوبالارىن ىسكە اسىرۋ ساتىسىندا جەكە ارىپتەستەرمەن جۇمىس جۇرگىزۋ.
«ءاربىر جۇگىنگەن ينۆەستورلارمەن جۇمىس ىستەيتىن مەنەدجەرلەر بار, ولار جۇمىستى جۇرگىزىپ, ازىرلەۋ ساتىسىنداعى جوبالاردى كورسەتەدى. ولار ينۆەستورعا ءبىر جەردەن قىزمەت الۋعا كومەكتەسەدى. بۇل تەتىك پىسىقتالعان», — دەدى ۆيتسە-مينيستر.
بۇگىندە 300 استام ينۆەستورلاردىڭ وكىلدەرىنەن بازا قالىپتاستىرىلدى. ءمجا ورتالىعىنىڭ «ءبىر تەرەزەسىنە» كەلگەن كومپانيالاردىڭ باسىم بولىگى جاڭا مەملەكەتتىك-جەكەشەلىك ارىپتەستىك جوبالارىن ىزدەۋ ۇستىندە.
