لاۆا اعىنى كراتەردەن ءبىر جارىم كيلومەترگە تومەنگە دەيىن سوزىلىپ جاتىر. سوندىقتان جەرگىلىكتى بيلىك ۆۋلكان ورنالاسقان سيتسيليانىڭ شىعىسىنداعى كاتانياداعى فونتاناروسس جانە كوميزو اۋەجايلارىن جابۋعا بۇيرىق بەردى.
ماسەلەن 19 شىلدە كۇنى ريمنەن شىققان Ryanair رەيسى پالەرموعا قاراي باعىتىن وزگەرتتى. سونداي-اق باسقا دا رەيستەر ۇشۋ ۋاقىتىن وزگەرتۋگە ءماجبۇر بولدى. اۋەجاي اكىمشىلىگى ۇشۋ جەرگىلىكتى ۋاقىت بويىنشا تاڭعى 11-دە قالىپتى جاعدايعا قايتىپ كەلگەنىن مالىمدەدى.
ەتنا جانارتاۋىنىڭ ويانۋى ءجيى قايتالانىپ تۇرادى. سوڭعى رەت بۇل جەردە جاڭارتاۋدىڭ قارقىندى اتقىلاۋى 2009 جىلدىڭ باسىندا بولدى.
ايتا كەتەيىك, بيىكتىگى 3 مىڭ مەتردەن اساتىن ەتنا تاۋىنداعى بۇل وتتى اعىن – ەۋروپاداعى ەڭ بيىك جانارتاۋ. 2013 جىلى ول يۋنەسكو-نىڭ دۇنيەجۇزىلىك مۇرا تىزىمىنە ەنگەن.
حالىقارالىق عارىش ستانتسياسىنىڭ بورتىنداعى عارىشكەرلەر جانارتاۋ اتقىلاۋىن ۆيدەوعا تۇسىرگەن.
