قالا اكىمى تاۋ وزەندەرى مەن كولدەردەگى جاعدايلارعا ەرەكشە نازار اۋداردى. سونداي-اق اقساي جانە ايۋساي شاتقالدارىندا سەلدەن قورعاۋ بوگەتتەرىنىڭ قۇرىلىس جوسپارىمەن جانە قولدانىستاعى بوگەتتەردى جوندەۋ جوبالارىمەن تانىستى.
مەگاپوليس باسشىسى ب.ساعىنتاەۆ ىشكى ىستەر ءمينيسترىنىڭ ورىنباسارى يۋ.يلين, الماتى قالالىق تجد باستىعى س.اۋباكىروۆ جانە «قازسەلدەنقورعاۋ» مەملەكەتتىك مەكەمەسى باسشىسىنىڭ ورىنباسارى م.قاسەنوۆپەن بىرگە مۇزداق كولدەردى ارالاپ شىقتى. جۇمىس ساپارى كەزىندە سەلدەن قورعاۋ شارالارى مەن مۇزداق كولدەردى بوساتۋ بويىنشا بىرقاتار جۇمىستار تەكسەرىلدى.
الماتى قالالىق تجد ماماندارى كىشى جانە ۇلكەن الماتى, قارعالى مەن اقساي وزەندەرى باسسەيندەرىندەگى سەل قاۋپىنىڭ اۆتوماتتاندىرىلعان مونيتورينگتىك باعدارلاماسىنىڭ جۇزەگە اسىرىلۋى جايىندا بايانداپ بەردى. بيىل سەل وشاقتارىن, وزەن ارنالارى مەن مورەنالىق كولدەردى, بوگەتتەر مەن سۋ قويمالارىن باعدارلامالىق جۇيەمەن قامتاماسىز ەتەتىن 10 ستانسا بوي كوتەرەدى. كەلەسى جىلى 21 ستانسا سالىنادى.
