«شوڭ قاقپاداعى» شۋ
سەيسەنبى, 19 ناۋرىز 2013 1:24
ول نەدەن شىقتى؟
قىرعىز ەلىنىڭ ساۋداگەرلەرى تاراز قالاسىنىڭ بازارلارىنا وتكەرۋ ءۇشىن كۇن سايىن «ايشا ءبيبى» كەدەنى ارقىلى ءتۇرلى كوكونىس پەن جەمىس-جيدەكتەردى توننالاپ تۇرىپ وتكىزەدى. بۇل وتە دۇرىس. كورشى بولعان سوڭ ەل مەن ەل ءبىر-بىرىمەن بارىس-كەلىس, الىس-بەرىس ماسەلەسىندە جاقسى قارىم-قاتىناستا بولعانى ءجون.
سەيسەنبى, 19 ناۋرىز 2013 1:24
ول نەدەن شىقتى؟
قىرعىز ەلىنىڭ ساۋداگەرلەرى تاراز قالاسىنىڭ بازارلارىنا وتكەرۋ ءۇشىن كۇن سايىن «ايشا ءبيبى» كەدەنى ارقىلى ءتۇرلى كوكونىس پەن جەمىس-جيدەكتەردى توننالاپ تۇرىپ وتكىزەدى. بۇل وتە دۇرىس. كورشى بولعان سوڭ ەل مەن ەل ءبىر-بىرىمەن بارىس-كەلىس, الىس-بەرىس ماسەلەسىندە جاقسى قارىم-قاتىناستا بولعانى ءجون. بىراق وسى ساۋداگەرلەردىڭ اراسىندا كەدەن سالىقتارىنان جالتارىپ, ءتۇرلى ايلا-شارعىلارعا باراتىندارى دا جەتەرلىك. ماسەلەن, ولار جۇك ماشيناسىنداعى تاۋارلارىن كەدەنگە جەتپەي جەڭىل كولىكتەرگە اۋدارىپ تيەپ, «ءبىز بۇلاردى ساتۋعا الىپ بارا جاتقان جوقپىز» دەگەنگە كوشكەن. كەدەنشىلەر دە وڭاي شاعىلاتىن جاڭعاق ەمەس, ولارعا زاڭ بويىنشا جەكە ماقساتقا پايدالانىلاتىن تاۋارلاردى ايىنا ءبىر-اق رەت وتكىزۋگە بولاتىنىن تۇسىندىرەدى. بىراق ءجون سوزگە قۇلاق اسپاعان اعايىندار وزدەرىنىڭ «شوڭ قاقپا» بەكەتى ماڭىنداعى «كەرۋەن» دەپ اتالاتىن بازارىنا جۇكتەرىن ءتۇسىرىپ, «ەگەر قازاقتارعا كوكونىس پەن جەمىس-جيدەك كەرەك بولسا, وندا ولاردى ەندى وسى جەرگە كەلىپ ساتىپ السىن», دەپ قيعىلىق سالادى. بىراق شەكارانىڭ ەكى جاعىنداعىلاردى دا ايعاي-شۋعا «قارىق» قىلعان ەكى تاۋلىك ىشىندە كوكونىستەرى بۇزىلىپ, ءشىري باستاعان ايىر قالپاقتى اعايىندار تاۋارلارىن «ايشا ءبيبى» كەدەنىنەن زاڭدى تۇردە الىپ وتۋگە امال جوق كەلىستى.
كەدەن زاڭى «بىرەۋدىڭ ءوزى جاقسى, بىرەۋدىڭ كوزى جاقسى» دەگەن كوڭىلجىقپاستىققا قارامايدى. قاتاڭ بولسا دا ورتاق تالاپ ءوز ناتيجەسىن بەردى. مىسالى, بۇرىن «ايشا ءبيبى» كەدەنى ارقىلى 7-8 كۇن ىشىندە 350-400 توننا جۇك ارتقان 50 كولىك تىركەلىپ, بيۋدجەتكە شامامەن 3 ميلليون تەڭگە ءتۇسىپ كەلسە, كەدەننەن تۇراقتى تۇردە تاۋار الىپ وتەتىن ساۋداگەرلەرگە قاداعالاۋدى كۇشەيتكەننەن كەيىن بۇل كورسەتكىش 3-4 ەسەگە ءوستى.
كوسەمالى ساتتىباي ۇلى,
«ەگەمەن قازاقستان».
جامبىل وبلىسى.
