«قازاقستان ينجينيرينگ»: تابىستى ون جىل
سەيسەنبى, 12 ناۋرىز 2013 6:41
بيىل «قازاقستان ينجينيرينگ» ۇك» اكتسيونەرلىك قوعامىنىڭ قۇرىلعانىنا 10 جىل تولىپ وتىر. وسى ۋاقىت ىشىندە كومپانيا بىرقاتار بەلەستى باعىندىردى. العا قويعان ماڭىزدى مىندەتتەردى ورىنداپ, وڭ كورسەتكىشتەرگە قول جەتكىزدى. سوعان وراي كەشە استانادا باسقارما توراعاسى بولات سماعۇلوۆتىڭ قاتىسۋىمەن جۋرناليستەرگە ارنالعان ارنايى ءباسپاسوز ءماجىلىسى بولىپ ءوتتى.
سەيسەنبى, 12 ناۋرىز 2013 6:41
بيىل «قازاقستان ينجينيرينگ» ۇك» اكتسيونەرلىك قوعامىنىڭ قۇرىلعانىنا 10 جىل تولىپ وتىر. وسى ۋاقىت ىشىندە كومپانيا بىرقاتار بەلەستى باعىندىردى. العا قويعان ماڭىزدى مىندەتتەردى ورىنداپ, وڭ كورسەتكىشتەرگە قول جەتكىزدى. سوعان وراي كەشە استانادا باسقارما توراعاسى بولات سماعۇلوۆتىڭ قاتىسۋىمەن جۋرناليستەرگە ارنالعان ارنايى ءباسپاسوز ءماجىلىسى بولىپ ءوتتى.
«ناۋرىزدىڭ 13-ءى كۇنى كومپانيانىڭ قۇرىلعانىنا 10 جىل تولادى. وسى اتاۋلى كۇنگە وراي ءبىز اعىمداعى جۇمىستار جايىندا بايانداعىمىز كەلدى. وتكەن 10 جىلدىڭ ىشىندە ءوندىرىس كولەمى 3,4 ملرد. تەڭگەدەن 64 ملرد. تەڭگەگە جەتتى, ياعني 19 ەسەگە ارتتى», دەدى ب.سماعۇلوۆ. باسقارما توراعاسىنىڭ ايتۋىنشا, بيىلعى جىلى ءوندىرىس كولەمىن 90,4 ملرد. تەڭگەگە جەتكىزۋ كوزدەلىپ وتىر.
نەگىزىندە «قازاقستان ينجينيرينگ» ۇك» اق 27 وندىرىستىك كاسىپورىنداردان تۇراتىن حولدينگتىك قۇرىلىم بولىپ تابىلادى. سونداي-اق, ول قورعانىس مينيسترلىگىنىڭ ءىرى اسكەري زاۋىتتارىنداعى ءبىرتۇتاس قارجىلىق, وندىرىستىك جانە تەحنولوگيالىق ساياساتتى قامتاماسىز ەتەدى. كومپانيا كاسىپورىندارى مۇناي-گاز, تەمىر جول, اگروونەركاسىپ, جىلۋ-ەنەرگەتيكا كەشەندەرىنە قاتىستى تاپسىرىس بەرۋشىلەر ءۇشىن ءونىم شىعارۋ جانە قىزمەت كورسەتۋگە, سونداي-اق, قارۋ-جاراق پەن اسكەري تەحنيكانى ءوندىرۋ جانە ونى جوندەۋگە مامانداندىرىلعان.
«قازاقستان ينجينيرنگ» ۇك» اق ءوزىنىڭ ون جىلدىق دامۋ ديناميكاسىندا نەگىزگى وندىرىستىك جانە قارجى كورسەتكىشتەرىنىڭ وڭ ناتيجەسىن كورسەتىپ كەلەدى. وعان وتكەن جىلدى 4 ملرد. تەڭگە شاماسىنداعى جيناقتالعان پايدامەن اياقتاۋى دا دالەل. ال الىنعان تابىسىن كومپانيا ءوندىرىستى دامىتۋ ءۇشىن ينۆەستيتسياعا قايتا سالۋدا. ماسەلەن, ون جىلدىڭ ىشىندەگى سالىنعان ينۆەستيتسيا كولەمى 2012 جىلى 236 ملن. تەڭگەدەن 7,7 ملرد. تەڭگەگە ارتتى نەمەسە 32 ەسە ۇلعايدى. ال كومپانيانىڭ اكتيۆى سوڭعى ون جىلدا 7,3 ەسەگە ارتىپ, 43,5 ملرد. تەڭگەگە جەتىپتى.
«اعىمداعى جىلى اكتيۆىمىزدى 66 ملرد. تەڭگەگە جەتكىزۋ جوسپارلانعان. كومپانيانىڭ ءوز كاپيتالى 12,3 ەسەگە, 1,6 ملرد. تەڭگەدەن 21 ملرد. تەڭگەگە كوبەيدى. جارعىلىق كاپيتالى 429 ملن. تەڭگەدەن 12,1 ملرد. تەڭگەگە نەمەسە 28 ەسەگە جوعارىلادى», دەيدى ب.سماعۇلوۆ. باسقارما باسشىسىنىڭ سوزىنە قاراعاندا, قىزمەتكەرلەر جالاقىسى 6 ەسەگە ءوسىپتى. قازىر كومپانيا قىزمەتكەرلەرىنىڭ ورتاشا تابىسى 111,5 مىڭ تەڭگە. بيىل ەڭبەكاقى 118 مىڭ تەڭگەگە جەتەدى دەپ كوزدەلۋدە.
«ەڭبەك ونىمدىلىگى جان باسىنا شاققاندا 648 مىڭ تەڭگەدەن 12 308 مىڭ تەڭگەگە ارتتى. وسى جىلى بۇل كورسەتكىش 16 648 مىڭ تەڭگەگە جەتەدى. سوڭعى ءۇش جىلدا 650 جاڭا جۇمىس ورنى اشىلدى, 2012 جىلى ءبىزدىڭ كومپانيا بيۋدجەتكە 5 ملرد. تەڭگە شاماسىندا سالىق تولەدى. سونىمەن قاتار, وندىرىسكە 7 ملرد. تەڭگە شاماسىندا ينۆەستيتسيا سالىندى», دەپ اتاپ ءوتتى ب.سماعۇلوۆ. وسىلايشا, كاسىپورىنداردىڭ ەكونوميكالىق كورسەتكىشتەرى, ءوندىرىستىك جانە تەحنيكالىق الەۋەتى تۇراقتى تۇردە ارتىپ, 6 مىڭنان استام ادامدى جۇمىسپەن قامتۋدا.
ب.سماعۇلوۆ جەتىستىكتەرگە قول جەتكىزۋگە مۇمكىندىك بەرگەن ءبىرقاتار شارالارعا توقتالىپ, الداعى جوسپارلارىمەن دە ءبولىستى.
«ءبىزدىڭ ماقساتىمىز – جۋىردا ەكسپورت نارىعىنا شىعىپ, ترانسۇلتتىق كومپانيا اتانۋ. بۇگىندە كومپانيانىڭ وعان دەگەن بارلىق مۇمكىندىكتەرى بار. ءبىز «ۆ2» دەڭگەيىندە «Moody’s» اگەنتتىگىنەن نەسيە رەيتينگىسىن الدىق. سوندىقتان ءبىز قازىردىڭ وزىندە ءوزىمىز ۇيىمداستىرعان جوبالاردى نەسيەلىك قاراجات ارقىلى قارجىلاندىرا الامىز», دەدى ب.سماعۇلوۆ. ول, سونداي-اق, كومپانيا بۇگىندە ەۋروكوپتەر 145 ساناتىنداعى اسكەري تىكۇشاق ءوندىرىسىن يگەرگەنىن ايتىپ ءوتتى. ماسەلەن, بيىلعى جىلى ناۋرىزدىڭ باسىندا ەۋروكوپتەرمەن جاڭا كەلىسىم جاسالىپتى. ەندى ەس645 جانە ەس635 اسكەري ۇشاقتارىن شىعارماق.
ءباسپاسوز ءماجىلىسى بارىسىندا «قازاقستان ينجينيرينگ» ۇك» اق ءوزىنىڭ 10 جىلدىق مەرەيتويىنا وراي «ون قايىرىمدىلىق ءىس» اكتسياسىن وتكىزەتىنى دە ءمالىم بولدى.
ءباسپاسوز قىزمەتى تاراتقان مالىمەتكە سۇيەنسەك, كومپانيا اكتسيا اياسىندا ءتۇرلى الەۋمەتتىك جوبالاردى ىسكە اسىرادى, بىرنەشە مادەني-بۇقارالىق جانە سپورتتىق شارالاردى ۇيىمداستىراتىن بولادى. بۇل ورايدا, ۇلتتىق كومپانيا جەتىم بالالارعا جانە اتا-اناسىنىڭ قاراۋىنسىز قالعان بالالارعا ارنالعان بالالار ۇيلەرى مەن ينتەرناتتاردى قامقورلىققا الۋدى جوسپارلاۋدا.
دينارا بىتىكوۆا,
«ەگەمەن قازاقستان».
