الماتى مەن تارازدىڭ اراسى «جاقىنداي» ءتۇستى
جۇما, 8 ناۋرىز 2013 7:36
«باتىس ەۋروپا – باتىس قىتاي» اۆتوبانى – ەلىمىزدىڭ شەتەلدەرمەن الىس-بەرىسىن كوبەيتىپ, بارىس-كەلىسىن تەزدەتۋ ءۇشىن سالىنىپ جاتقان ۇلكەن قۇرىلىس الاڭى. سوندىقتان, بۇل يگىلىكتى ءىستى جاڭا عاسىردىڭ جاڭا ءومىر ارناسى دەۋگە بولادى. ەلباسى ن.نازارباەۆ بۇل قۇرىلىستى: «ءبىز سالۋعا كىرىسەتىن «باتىس ەۋروپا – باتىس قىتاي» اۆتوجولى – تاۋارلار تاسىمالى ءۇشىن ماڭىزدى ماگيسترال» دەپ اتاپ كورسەتۋى دە وسى ويىمىزدى دالەلدەي تۇسسە كەرەك.
جۇما, 8 ناۋرىز 2013 7:36
«باتىس ەۋروپا – باتىس قىتاي» اۆتوبانى – ەلىمىزدىڭ شەتەلدەرمەن الىس-بەرىسىن كوبەيتىپ, بارىس-كەلىسىن تەزدەتۋ ءۇشىن سالىنىپ جاتقان ۇلكەن قۇرىلىس الاڭى. سوندىقتان, بۇل يگىلىكتى ءىستى جاڭا عاسىردىڭ جاڭا ءومىر ارناسى دەۋگە بولادى. ەلباسى ن.نازارباەۆ بۇل قۇرىلىستى: «ءبىز سالۋعا كىرىسەتىن «باتىس ەۋروپا – باتىس قىتاي» اۆتوجولى – تاۋارلار تاسىمالى ءۇشىن ماڭىزدى ماگيسترال» دەپ اتاپ كورسەتۋى دە وسى ويىمىزدى دالەلدەي تۇسسە كەرەك.
بۇگىندە وسى باتىس-شىعىس كۇرە جولىنىڭ جامبىل وبلىسى اۋماعىنداعى 495,3 شاقىرىمعا سوزىلاتىن بولىگىندە ۇلكەن جۇمىستار اتقارىلۋدا. ويتكەنى, اۆتوبان بويىندا ۇلكەندى-كىشىلى 22 كوپىر, 15 جول وتكىزگىش, 643 سۋ اعاتىن قۇبىرلاردىڭ قۇرىلىستارىن قاتار جۇرگىزۋ وڭاي شارۋا ەمەس جانە مەردىگەر كومپانيالاردان ۇلكەن جاۋاپكەرشىلىكتى تالاپ ەتەدى. جول جامىلعىسىنىڭ قاتتى ماندەگى سەرپىندىلىك قۋاتى 13 توننا سالماققا ەسەپتەلگەندىكتەن بۇل دا تەحنيكا مەن ادام كۇشتەرىن قوسقاندا قوماقتى قارجىنى جانە ماتەريالدىق رەسۋرستارعا ءزارۋ.
مىسالى, مامانداردىڭ ەسەپتەۋىنشە, وبلىس اۋماعىنان وتەتىن باتىس-شىعىس جولىنىڭ قۇرىلىسى ءۇشىن 17 ميلليون توننا قۇم, 3 ميلليون توننا تسەمەنت, 34 مىڭ توننا بيتۋم جانە ءىرى كولەمدە تەمىربەتون بۇيىمدارى قاجەت ەكەن. داتكە قۋاتى, بۇگىندە جامبىل وبلىسىندا تاس, قۇم جانە شاعىل كارەرلەرى مەن اسفالت-بەتون زاۋىتتارى, ۇساقتاعىش-سۇرىپتاعىش قوندىرعىلار جەتكىلىكتى. «قۇرىلىس قۇراستىرمالى زاۋىتى سەرىكتەستىگى», «يمستالكون» اق, «جامبىل مەتالل قۇراستىرۋ زاۋىتى» فيليالى جانە «تاركون» سەرىكتەستىكتەرى مەتالل قۇراستىرمالارىنا دەگەن سۇرانىستاردى دا وتەي الادى. بەتون بۇيىمدارىن ازىرلەيتىن «جامبىلحيمستروي», «كەراميك ينۆەست» جانە «عيمارات-تاراز» سەرىكتەستىكتەرى سياقتى جيىرماعا جۋىق كاسىپورىندار دا عاسىر جوباسىنا حال-قادەرىنشە اتسالىسۋعا دايىن.
بۇگىندە «باتىس ەۋروپا – باتىس قىتاي» جوباسى بويىنشا وبلىس ارقىلى كوپتەگەن شاقىرىمدارعا سوزىلاتىن استام اسفالتبەتون مەن تسەمەنتبەتون توسەلدى. ءسويتىپ, كۇرە جولدىڭ وبلىس اۋماعىنداعى بارلىعى 495,3 شاقىرىمىنىڭ 310 شاقىرىمنان استامى پايدالانۋعا بەرىلدى. ال جول ساپاسى وتە جاقسى, وندا اۆتوكولىكتەردىڭ ءبىر-بىرىنە كەدەرگى جاساماي وزۋىنا, ءبىر-بىرىنە قاۋىپتى جاعداي تۋعىزباي ەرسىلى-قارسىلى جۇيتكۋىنە بارلىق جاعداي جاسالعان. جول بويىنداعى ەسكەرتپەلەر, بەلگىلەر, تۇندە جارقىراپ كورىنەتىن ساقتاندىرعىش قۇرالدار, ايالدامالار, قايىرىلما بۇرىلىستار, كوپىرلەر, اينالما وتكەلەكتەر, سۋ اعاتىن قۇبىرلار, قىسقاسى, جولاۋشى اۆتوكولىگىنە نە قاجەتتىڭ ءبارى حالىقارالىق تالاپقا ساي.
الماتىعا باعىت العان اۆتوكەرۋەندەر بۇرىن مەركى مەن قورداي اراسىن جالعايتىن تىكە جولدى پايدالاناتىن. وسى جولدىڭ ءبىراز بولىگى قىرعىز ەلى شەكاراسىنا تيەسىلى بولعاندىقتان, جولاۋشىلار وڭتۇستىك استاناعا ءبىرازدان بەرى شۋ اۋدانى ارقىلى قاتىناي باستاعان. بۇل جاعداي جولدى ءوز كەزەگىندە ءبىرشاما ۇزارتقان. جاقىندا مەركى مەن قورداي اراسىن جالعايتىن بۇرىنعى تىكە جولدىڭ جاڭا بالاماسى توسەلىپ ءبىتتى. سونىمەن بىرگە, شۋ وزەنىنەن ۇزىندىعى 125 مەترگە جۋىق ۇلكەن كوپىردىڭ قۇرىلىسى دا اياقتالدى. بۇل اۋقىمدى تىرلىك الماتى قالاسىنا شۋ اۋدانى ارقىلى قاتىناپ جۇرگەن جولاۋشىلاردىڭ ساپارىن 57 شاقىرىمعا قىسقارتىپ, «اينالما جولدىڭ» ازابىنان قۇتقاردى. مەركى مەن قورداي اراسىنداعى وسى كۇرە جول بولاشاقتا ءتورت جولاقتى بولادى. بىراق, ازىرگە ونىڭ ءبىر باعىتى, ياعني ەكى جولاعى عانا پايدالانۋعا بەرىلىپ وتىر. ال قالعان جولاقتارى ۇستىمىزدەگى جىلى تولىق اياقتالماق.
ەندىگى ۇلكەن مىندەت, «باتىس ەۋروپا – باتىس قىتاي» ترانزيتتىك ءدالىزىنىڭ وبلىس ورتالىعى – تاراز قالاسىن اينالىپ وتەتىن 65 شاقىرىمدىق بولىگىنە ۇلكەن ەڭبەك قارقىنىمەن كىرىسۋ بولىپ تابىلادى. ال جولشىلار ونىڭ قۇرىلىس جۇمىستارى جاقىن كۇندەرى باستالادى دەپ وتىر.
كوسەمالى ساتتىباي ۇلى,
«ەگەمەن قازاقستان».
جامبىل وبلىسى.
