اياۋلى مەنىڭ اۋىلىم
سارسەنبى, 6 ناۋرىز 2013 6:27
كۇن ساناپ كوركەيىپ, اجارلانا وزگەرگەن, ءوزىنىڭ سۇلۋ تابيعاتىمەن ەرىكسىز ادامدى باۋىرىنا باۋراپ الاتىن شىمكەنت – سامارا تاسجولىنداعى اينالاسى تەرەككە تولى, ءتۇتىنى تىكە شىققان ماحامبەت اۋىلىنا سىرتىنان قىزىقتاپ كۇنىنە مىڭداعان جولاۋشى وتەدى. 16 ۇلت وكىلى مەن 2500 حالقى, ءتورت ەلدى مەكەنى بار اۋىلدىڭ تىنىس-تىرشىلىگى وزىنشە قايناپ جاتىر. ماحامبەت اتىنداعى جالپى ءبىلىم بەرەتىن ارالاس ورتا مەكتەپتە 300 وقۋشى ءبىلىم السا, ولارعا 59 ۇستاز ءدارىس بەرەدى. مەكتەپ وتكەن جىلى رەسپۋبليكا قاراجاتى ەسەبىنەن 112 ملن. تەڭگەگە كۇردەلى جوندەۋدەن ءوتتى. جوعارى ساناتتاعى قازاق ءتىلى مەن ادەبيەتى ءپانىنىڭ مۇعالىمى ماتۋزا ابدۋلوۆا «نامىس» ۇيىرمەسىن جۇرگىزەدى.
سارسەنبى, 6 ناۋرىز 2013 6:27
كۇن ساناپ كوركەيىپ, اجارلانا وزگەرگەن, ءوزىنىڭ سۇلۋ تابيعاتىمەن ەرىكسىز ادامدى باۋىرىنا باۋراپ الاتىن شىمكەنت – سامارا تاسجولىنداعى اينالاسى تەرەككە تولى, ءتۇتىنى تىكە شىققان ماحامبەت اۋىلىنا سىرتىنان قىزىقتاپ كۇنىنە مىڭداعان جولاۋشى وتەدى. 16 ۇلت وكىلى مەن 2500 حالقى, ءتورت ەلدى مەكەنى بار اۋىلدىڭ تىنىس-تىرشىلىگى وزىنشە قايناپ جاتىر. ماحامبەت اتىنداعى جالپى ءبىلىم بەرەتىن ارالاس ورتا مەكتەپتە 300 وقۋشى ءبىلىم السا, ولارعا 59 ۇستاز ءدارىس بەرەدى. مەكتەپ وتكەن جىلى رەسپۋبليكا قاراجاتى ەسەبىنەن 112 ملن. تەڭگەگە كۇردەلى جوندەۋدەن ءوتتى. جوعارى ساناتتاعى قازاق ءتىلى مەن ادەبيەتى ءپانىنىڭ مۇعالىمى ماتۋزا ابدۋلوۆا «نامىس» ۇيىرمەسىن جۇرگىزەدى.
مەكتەپ ديرەكتورى تىلەگەن ابدراحمانوۆ مەكتەپ جانىنان وقۋشىلار كۇشىمەن مۇراجاي اشقاندارىن, بۇل مۇراجاي اۋىل بالالارىنىڭ بوس ۋاقىتىن قىزىقتى وتكىزىپ, اۋىلدىڭ وتكەنىن جيناقتاپ, رۋحاني ازىق الاتىن ورىنعا اينالعانىن ماقتانىشپەن اڭگىمەلەيدى. مەكتەپ جانىنداعى 3 پەن 5 جاس ارالىعىنداعى بالالارعا ارنالعان شاعىن ورتالىقتا 42 ءبۇلدىرشىن بار ەكەن. ولارعا 4 تاربيەشى ءان ۇيرەتىپ, جازۋ جازعىزادى.
اۋىلدا ورتالىق قوعامدىق مونشا, اۋىل كلۋبى, شاشتاراز, نان پىسىرەتىن ناۋبايحانا, شۇجىق تسەحى, بىرنەشە دۇكەن تۇرعىندارعا قىزمەت كورسەتەدى. اۋىلداعى اعايىندى ەركىن مەن تولەپ ناسىروۆتار «التىن-بولاشاق» اتتى شارۋا قوجالىعىن قۇرىپ, 30 گەكتار جەرگە باۋ-باقشا سالىپ, 10 گەكتار جەرگە 2500 ءتۇپ الما اعاشىن وتىرعىزدى. 2009 جىلى وبلىس بيۋدجەتى قاراجاتى ەسەبىنەن 2000 شارشى مەترلىك جەرگە جىلىجاي سالدى. جىلىجايدا كۇزدە قىزاناق, كوكتەمدە قيار وتىرعىزادى, ارقايسىسىنان 20-30 توننا ءونىم الىپ ساتۋدا. قوسىمشا ءوز قاراجاتتارى ەسەبىنەن تاعى دا 1600 شارشى مەترلىك جىلىجاي سالۋدا. ۇلىستىڭ ۇلى كۇنى ءاز ناۋرىزدا اۋىل تۇرعىندارىنىڭ داستارقانىنان ەركىن مەن تولەپتىڭ جاڭا پىسكەن قيارلارى تابىلادى. ماحامبەت اۋىلىنىڭ اكىمى ءسابيت ساتقانوۆ اۋىل تۇرعىندارىنا جەكە كاسىپكەرلىكتى دامىتۋعا «سىباعا» باعدارلاماسى بويىنشا قوجالىق اشۋعا كوپتەگەن جەڭىلدىكتەر قارالعانىن, اۋىل كوگىلدىر وتىنمەن تولىق قامتىلعانىن ايتادى.
ال «شونايبەكوۆ» شارۋا قوجالىعى سىباعا باعدارلاماسى بويىنشا 47 ملن. تەڭگە نەسيە الىپ, 270 باس ءىرى قارا مالىن ساتىپ الدى. قازىرگى تاڭدا بۇل شارۋاشىلىقتا 1600 ءىرى قارا, 800 باس قوي بار.
اۋدان اكىمى مارات وڭعاربەكوۆ دالا داۋىلپازى, باتىر اقىن ماحامبەت اتىمەن اتالاتىن اۋىلدىڭ اۋدانىمىزدىڭ بارلىق ەلدى مەكەندەرىنە ۇلگى ەكەندىگىن ايتتى. باسقا ەلدى مەكەندەردى دە وسىنداي دارەجەگە كوتەرسەك, نۇر ۇستىنە نۇر بولار ەدى. لايىم سولاي بولسىن.
رافحات حالەلوۆ.
باتىس قازاقستان وبلىسى,
زەلەنوۆ اۋدانى,
ماحامبەت اۋىلى.
