ءىس-شارا ۇلتتىق وليمپيادا كوميتەتىنىڭ قولداۋىمەن جاس سپورتشىلاردى 2020 جىلعى لوزانناداعى قىسقى جاسوسپىرىمدەر وليمپيا ويىندارىنا دايىنداۋ اياسىندا وتەدى. جارىستار 2019 جىلدىڭ 5-20 جەلتوقسان ارالىعىنا بەلگىلەنگەن جانە وسى جىلعا ارنالعان سپورتتىق-بۇقارالىق ءىس-شارالاردىڭ بىرىڭعاي رەسپۋبليكالىق كۇنتىزبەسىنە ەنگىزىلگەن. نۇر-سۇلتان قالاسىنداعى اۋقىمدى بالالار مەن جاسوسپىرىمدەر جارىستارىنىڭ ۇيىمداستىرۋشىسى – ەلەنا حرۋستالەۆانىڭ وليمپيادالىق قورى. فەستيۆالدىڭ باس سەرىكتەسى – وليمپيادالىق قوزعالىستىڭ كوپجىلدىق سەرىكتەسى «كوكا-كولا» كومپانياسى.
– 2020 جىلدىڭ 10-19 قاڭتار ارالىعىندا وتەتىن لوزانناداعى قىسقى جاسوسپىرىمدەر وليمپيا ويىندارى 70 مەملەكەتتەن كەلگەن قاتىسۋشىلاردى جيناپ, تاريحتا ءۇشىنشى مارتە وتكىزىلەدى. ەڭ العاش 2016 جىلى نورۆەگيانىڭ ليللەحاممەر قالاسىندا وتكەن دودادا قازاقستان قۇراماسىنان 17 سپورتشى قاتىسىپ, ءبىر كۇمىس جانە ءۇش قولا مەدال جەڭىپ الدى. بەلسەندى جاتتىعۋلاردىڭ ارقاسىندا جانە وسى جاڭاشىل ءارى قازاقستاندىق جاسوسپىرىمدەر سپورتىن دامىتۋ ءۇشىن وتە قاجەت فەستيۆالدىڭ وتكىزىلۋى ارقاسىندا ءبىزدىڭ سپورتشىلارىمىز كەلەسى جىلى ودان دا جوعارى ناتيجە كورسەتەدى دەپ ۇمىتتەنەمىن, – دەپ اتاپ ءوتتى قازاقستان رەسپۋبليكاسى ۇلتتىق وليمپيادا كوميتەتىنىڭ رەسمي وكىلى جىگەر ازبەرگەنوۆ.
ءىس-شارانىڭ باستى مىندەتتەرىنىڭ ءبىرى – وسكەلەڭ ۇرپاق اراسىندا سالاماتتى ءومىر سالتىن نىعايتۋعا ىقپال ەتۋ, ونى الەمدىك وليمپيادا قوزعالىسىنىڭ قۇندىلىقتارىنا كىرىكتىرۋ جانە قازاقستاندىق جاس اتلەتتەرگە ماۋسىمنىڭ باستى جارىستارىنا دايىندالۋعا كومەكتەسۋ.
– ءبىز جاس سپورتشىلار ءۇشىن اۋقىمدى, ءارى كوركەم فەستيۆالدى ۇيىمداستىرۋدى جانە ەڭ جوعارى دەڭگەيدەگى جارىستاردى وتكىزۋدى جوسپارلاپ وتىرمىز. ولار بالالار اراسىندا وليمپيادا رۋحىن دارىپتەۋ جانە ەل نامىسىن ءتۇرلى دەڭگەيدەگى حالىقارالىق جارىستاردا قورعايتىن لايىقتى سپورتشىلاردى دايىنداۋ ماقساتىندا ۇيىمداستىرىلادى. ءبىز بۇل جارىستار جىل سايىن وتكىزىلىپ, تانىمالدىلىققا يە بولادى جانە تۇراقتى نەگىزدە سپورتتىق-بۇقارالىق ءىس-شارالاردىڭ بىرىڭعاي رەسپۋبليكالىق كۇنتىزبەسىنە ەنەدى دەپ ۇمىتتەنەمىز. فەستيۆالدى ۇيىمداستىرۋ جانە وتكىزۋ باستاماسىن وليمپيادا چەمپيوندارى مەن جۇلدەگەرلەرى ۆلاديمير سميرنوۆ, ليۋدميلا پروكاشەۆا, يۋليا گالىشەۆا, سونداي-اق وسى سپورت تۇرلەرى بويىنشا بارلىق فەدەراتسيالار قولدادى, – دەپ ءتۇسىندىردى ەلەنا حرۋستالەۆا.
ءوز فورماتى, ۇيىمداستىرۋ دەڭگەيى, سپورتتىق باعدارلاماسى جانە وتكىزۋ ءتارتىبى بويىنشا جاسوسپىرىمدەر جارىسى وتە قىزىقتى جانە تارتىمدى بولماق. بارلىق نەگىزگى ءىس-شارالار نۇر-سۇلتان قالاسىنداعى «الاۋ» مۇز كەشەنىندە وتەدى. اشىلۋ سالتاناتىنا اتاقتى قازاقستاندىق سپورتشىلار مەن وليمپياداشىلار, ۇلتتىق وليمپيادا كوميتەتى, قازاقستان رەسپۋبليكاسى مادەنيەت جانە سپورت مينيسترلىگى مەن قالا اكىمدىگى باسشىلارىنىڭ قاتىسۋى جوسپارلانعان.
ەلەنا حرۋستالەۆانىڭ وليمپيادالىق قورى سپورتسۇيەر جاستاردى قولداۋ, حالىقارالىق جارىستار الدىندا قاجەتتى جاتتىعۋلار مەن جارىس تاجىريبەسىن قامتاماسىز ەتۋ ماقساتىندا, سونداي-اق تۇرعىنداردى بەلسەندى ءومىر سالتىنا تارتۋ بويىنشا بۇقارالىق ءىس-شارالاردى وتكىزۋ ءۇشىن قۇرىلعان. قورى قۇرىلتايشىلارى قاتارىندا اتاقتى قازاقستاندىق سپورتشىلار – فريستايلدان قازىرگى الەم چەمپيونى يۋليا گالىشەۆا مەن اتاقتى الپينيست ماقسۇت جۇماەۆ تا بار.
