ەكى كوماندا اراسىنداعى ءبىرىنشى ماتچ تەڭ اياقتالدى. كەزدەسۋدى قازاقستاندىق ەشبىر تەلەارنا كورسەتكەن جوق. ۋەفا سايتىنداعى ستاتيستيكاعا سۇيەنسەك, «توبىل» قارسىلاس كوماندا قاقپاسىنا 10 سوققى جاساعان. ونىڭ بىرەۋى عانا قاقپاعا ءدال باعىتتالعان. ال «جەنەسس» فۋتبولشىلارى سەگىز سوققى جاساپ, ونىڭ تورتەۋى انىق شىققان. سونىمەن قاتار ۆلاديمير گاززاەۆ شاكىرتتەرى كەشەگى ويىندا ءتورت سارى قاعاز الىپ, سەگىز بۇرىشتاما دوبىن ورىنداعان.
ايتا كەتەيىك, ەكى كوماندا اراسىنداعى قارىمتا كەزدەسۋ 18 شىلدە كۇنى ەلورداداعى «استانا ارەنا» ستاديونىندا وتەدى. قوستانايدىڭ اۋەجايى ۋاقىتشا جوندەۋگە جابىلعاندىقتان ازىرشە ويىنداردى نۇر-سۇلتاندا وتكىزەدى.
