قاربالاس شاق
سەنبى, 9 اقپان 2013 7:23
«جەزقازعان –سەكسەۋىل» تەمىر جولىنىڭ قۇرىلىسى ءجۇرىپ جاتىر
قىزىلوردا جول جوندەۋ ديرەكتسياسىنا قاراستى قازالى وندىرىستىك بازاسىنىڭ تەمىر جول سالاسى ءۇشىن ورنى ەرەكشە. ماسەلەن, رەسپۋبليكالىق ماڭىزى بار «جەزقازعان – سەكسەۋىل» تەمىر جولىنىڭ باستالۋىنا وسى مەكەمە اتسالىستى. ولار وتكەن جىلدىڭ وزىندە ەكى مىڭ شاقىرىم جەردى قامتيتىن تەمىر-بەتون شپالىن تاپسىرىس بەرۋشىلەرگە جونەلتكەن. شىندىعىندا, بۇل تەمىر جول سالاسىنا وتە قاجەتتى بۇيىم.
سەنبى, 9 اقپان 2013 7:23
«جەزقازعان –سەكسەۋىل» تەمىر جولىنىڭ قۇرىلىسى ءجۇرىپ جاتىر
قىزىلوردا جول جوندەۋ ديرەكتسياسىنا قاراستى قازالى وندىرىستىك بازاسىنىڭ تەمىر جول سالاسى ءۇشىن ورنى ەرەكشە. ماسەلەن, رەسپۋبليكالىق ماڭىزى بار «جەزقازعان – سەكسەۋىل» تەمىر جولىنىڭ باستالۋىنا وسى مەكەمە اتسالىستى. ولار وتكەن جىلدىڭ وزىندە ەكى مىڭ شاقىرىم جەردى قامتيتىن تەمىر-بەتون شپالىن تاپسىرىس بەرۋشىلەرگە جونەلتكەن. شىندىعىندا, بۇل تەمىر جول سالاسىنا وتە قاجەتتى بۇيىم.
قازالى وندىرىستىك بازاسى 1978 جىلى قۇرىلعان. ونىڭ العاشقى اتاۋى – №3 ماشينا ستانساسى. ول كەزدە بۇل مەكەمە «رەمجول» رەسپۋبليكالىق بىرلەستىگىنە قاراعان. جالپى, قازالى وندىرىستىك بازاسىنىڭ مارتەبەسى سان مارتە وزگەرگەنىمەن, ءالى كۇنگە دەيىن جۇرتشىلىق ونى ەسكى اتاۋىمەن اتايدى.
قازىر بازا ەڭبەككەرلەرى قاربالاس تىرلىككە كىرىسىپ كەتكەن. شەبەر بەرىك ارىقباەۆتىڭ قاراماعىنداعى 29 ادامنىڭ ارقايسىسىنا بەكىتىلگەن ءوز جۇمىسى بار. ءبىرى تەمىر-بەتون شپالىن دايىنداسا, ال ەكىنشى ءبىرى جول جوندەۋ ىسىمەن شۇعىلدانادى. وتكەن جىلدىڭ سوڭىندا ولار ەكى شاقىرىمنان اسا جولعا جەتەتىن تەمىر-بەتون شپالىن ازىرلەپ شىعاردى. «باستىسى, جۇمىس بارىسىندا قاتەلىك جىبەرمەۋىمىز قاجەت. ويتكەنى, تەمىر جول سالاسى – حالىقتىق ماڭىزى بار باستى نىسان. سوندىقتان, ءاربىر ادام تاعدىرى بىزدەرگە زور جاۋاپكەرشىلىك جۇكتەيدى», دەيدى ب. ارىقباەۆ.
مۇنداعى بارلىق تەحنيكالار اۋىر سالماقتى. رەلس ۇستىندە جۇرەتىن 102 توننالىق كراندى باسقارۋدىڭ ءوزى وڭاي ەمەس. اسىرەسە, اپتاپ ىستىق پەن ساقىرلاعان سارى ايازدا ەڭ دالادا جۇمىس ىستەۋگە ەكىنىڭ ءبىرىنىڭ ءداتى شىدامايدى. ەسكى جولداردى جاڭالاپ, جۇك كولىگىنىڭ دىتتەگەن جەرىنە جەتۋىنە وسىنداعى ماماندار جىل مەزگىلىنىڭ ءار ۋاقىتىندا ساقاداي-ساي ءازىر تۇرادى.
كوپتەن بەرى وسىندا ەڭبەك ەتىپ كەلە جاتقان قازىرگى بازا باستىعى بايتەلى احمەتپەن بىرگە كەزىندە قىزمەت ىستەگەندەردەن ءابدىراحىم دوسانوۆ قانا قالدى. ءابدىراحىم اعامىز ءوز قولتاڭباسىن قالدىرعان مەكەمەدە بۇگىندە كۇزەتشى بولىپ ءجۇر. بۇل جەر سوناۋ 1978 جىلى «قىزىلتۋ» كولحوزىنىڭ يەلىگىندە بولىپ ەدى. ول كەزدە سۋ مول بولعاندىقتان, جەرگىلىكتى حالىق باۋ-باقشا ەگىپ, جەر ريزىعىن ءتيىمدى پايدالانا ءبىلدى. كەيىن وسى ماڭعا قۋاتتى ءوندىرىس سالۋ جوسپارلانىپ, جەر-جەردەن ماماندار كەلە باستادى. ال جاقىن ارادا قۇرىلىسى باستالعان «جەزقازعان – سەكسەۋىل» تەمىر جولى بىزگە عانا ەمەس, وزگە ءوڭىر تۇرعىندارىنا دا تيىمدىلىگى مول بولماق, دەپ جايدارى ءۇن قاتتى ءا.دوسانوۆ.
«جەزقازعان – سەكسەۋىل» تەمىر جولى مەرزىمىندە اياقتالۋى ءۇشىن استانادان «جول جوندەۋشى» جشس كەلىپ, ءۇش ۇلكەن اۆتوكراندى جوندەۋدەن وتكىزگەن. سونداي-اق, جول بويىن جارىقتاندىرۋ ءىسى ءساتتى جۇرگىزىلۋدە. قازالى وندىرىستىك بازاسى ءدال قازىر وسى ماڭىزدى نىسانعا قاتىستى تەمىر-بەتون شپالىن ازىرلەپ, قىزۋ ەڭبەك ۇستىندە.
تەمىر جول سالاسى قاي كەزدە دە ەكونوميكامىزدى ورىستەتۋگە ايرىقشا ۇلەس قوسىپ كەلەدى. باستى بۋىن وسىنىسىمەن ەرەكشە. جولدان قالماۋدى مۇرات تۇتقان بارشامىزدىڭ تىرشىلىگىمىز وسى قۇرىلىممەن بىتە قايناسىپ جاتقانى ءشۇباسىز.
ءامىرحان الماعانبەتوۆ.
