ءبىر ءوزى ءبىر قالاشىق
جۇما, 8 اقپان 2013 7:23
«و, جاڭاارقا جايناعان ەكەن», دەپ بۇل جاقتا ەكى-ءۇش شاقتى جىل بۇرىن ءبىر بولعان كولىكتەس ارىپتەس داۋىسى تاڭىرقاپ شىعىپ, جان-جاعىنا سۇيسىنە قارايلاپ قالعاندا اۋدان ورتالىعى اتاسۋدىڭ كورىكتى قۇشاعى اشىلا بەرگەن ەدى. ءجيى جول ءتۇسىپ, ءجيى كورىپ جۇرگەن بىزگە تاڭسىق بولماعانمەن شىنىندا تامسانارلىقتاي ءسان-اجارى كوزدى ءۇيىرىپ, كوڭىلدى باۋرارلىق بولا ءتۇسۋى سۇيىنىشكە ءسۇيىنىش قوستى. كولەمى, تۇرعىنى شاعىن بولسا دا, باسقا جاقتارىنان قالادان قالعىسىز, ساعىم ويناعان جاپان دالادا كەنەت كوكجيەكتەن كومكەرىلىپ شىعا كەلەر كەنت كەلبەتىن قاراعاندى باعىتىنان كىرەبەرىس جول بويىندا بوي كوتەرىپ, قانات جايعان ادەمى ۇيلەر ودان سايىن اسەمدەندىرىپتى. بۇعان دەيىن شاڭى بۇرقىراپ جاتاتىن شەتكەرى ايماق ءوز الدىنا ءبىر بولەك قالاشىققا اينالا قالىپتى.
جۇما, 8 اقپان 2013 7:23
«و, جاڭاارقا جايناعان ەكەن», دەپ بۇل جاقتا ەكى-ءۇش شاقتى جىل بۇرىن ءبىر بولعان كولىكتەس ارىپتەس داۋىسى تاڭىرقاپ شىعىپ, جان-جاعىنا سۇيسىنە قارايلاپ قالعاندا اۋدان ورتالىعى اتاسۋدىڭ كورىكتى قۇشاعى اشىلا بەرگەن ەدى. ءجيى جول ءتۇسىپ, ءجيى كورىپ جۇرگەن بىزگە تاڭسىق بولماعانمەن شىنىندا تامسانارلىقتاي ءسان-اجارى كوزدى ءۇيىرىپ, كوڭىلدى باۋرارلىق بولا ءتۇسۋى سۇيىنىشكە ءسۇيىنىش قوستى. كولەمى, تۇرعىنى شاعىن بولسا دا, باسقا جاقتارىنان قالادان قالعىسىز, ساعىم ويناعان جاپان دالادا كەنەت كوكجيەكتەن كومكەرىلىپ شىعا كەلەر كەنت كەلبەتىن قاراعاندى باعىتىنان كىرەبەرىس جول بويىندا بوي كوتەرىپ, قانات جايعان ادەمى ۇيلەر ودان سايىن اسەمدەندىرىپتى. بۇعان دەيىن شاڭى بۇرقىراپ جاتاتىن شەتكەرى ايماق ءوز الدىنا ءبىر بولەك قالاشىققا اينالا قالىپتى.
وسى تۇس العاشقى تۇرعىن جايلار قاتار تۇزەگەننەن بەرى قۋانىشتى جاڭالىقتار لەبى ءجيى ەسۋىمەن بەلگىلى. جاس وتباسىلار, جالعىزىلىكتى انالار, دامۋى شەكتەلگەن الىس اۋىلداردان قونىس اۋدارۋشىلار جىلىنا كوپ ۋاقىت ارالاتپاي كەزەك-كەزەگىمەن باسپانالى بولىپ جاتادى. جىلى, سۋىق سۋ, جىلۋ تارتىلعان, ءىشى-سىرتى سىڭعىرلاعان, تۇرمىسقا جايلى 2-3 بولمەلى پاتەرلەر ىلە قىزىق-دۋمانعا تولادى. اسىرەسە, بىلتىر شاتتىققا بولەنگەندەر كوپ بولدى. «قولجەتىمدى باسپانا-2020» باعدارلاماسى شاپاعاتى 160 وتباسىنا ءتيدى.
سولاردىڭ ءبىرى اياگوز تاجىباەۆا بۇگىندە كۇنى كەشە قول جەتپەس ارمانداي كورىنگەن جەكە پاتەردە تۇرادى. بيدايىق اۋىلىمەن ىرگەلەس 69-شى رازەزدە ماماندىعىنا سايكەس جۇمىس جوقتىعىنا, ءۇبىرلى شاڭىراقتىڭ ارقا سۇيەرىنە بايلانىستى وسى ەكى تىلەگىن اۋداندىق اكىمدىككە ءوتىنىش ەتكەندە ورىندالۋىن كوپ كۇتپەپتى. الدىمەن عالىم جارىلعاپوۆ اتىنداعى كاسىپتىك-تەحنيكالىق مەكتەپكە مەدبيكە بولىپ ورنالاسقان سوڭ ۇزاماي جاڭا پاتەر كىلتى دە قولىنا تيگەن. ال اقتايلاق اۋلىنان وسىندايلىق سەبەپپەن كەلەشەگىنە تىرەك ىزدەپ كەلگەن نادەجدا بوچاروۆا دا ءوزىن باقىتتى جان سانايدى. جۇمىسى دا, باسپاناسى دا بار قازىر.
– «جاڭاارقا-80» اتالاتىن بۇل قالاشىق تۇرعىندارىنىڭ بىرقاتارى ون-ون بەس قانا ءتۇتىن قالعان شالعاي اۋىلداردان امالسىز ەل ءىشى ورتاسىنا قونىس اۋدارۋعا ءماجبۇر بولعاندار. مۇنداي توپتاعىلارعا «جۇمىسپەن قامتۋ-2020» باعدارلاماسىنا سايكەس كومەك-قولداۋ بارىنشا جاسالىپ جاتىر. بىلتىر ەڭبەككە قامتىلعاندار ىشىنەن 104 وتباسى قونىستاندىرىلدى. سونداي-اق, مەملەكەتتىك قىزمەتشىلەردىڭ, ەڭبەك ارداگەرلەرىنىڭ ۇلكەن توبى ولارمەن كورشى اتانىپ, بىرگە شاڭىراق كوتەرۋ شاتتىعىنا بولەندى. اتالعان شاعىن اۋداندا تۇرعىن ءۇي قۇرىلىسىنىڭ قۇلاشى بيىل ودان ءارى كەڭگە سەرمەلەدى, – دەيدى اۋدان اكىمىنىڭ ورىنباسارى, وسىناۋ ءىستىڭ ۇدايى باسى-قاسىنداعى مارات ابدىشەۆ.
ءار جاقسىلىق جاقسىلىققا قوزعاۋ. قىزۋ قۇرىلىس ءبىر جاعىنان جۇمىسسىزدىقتى ازايتۋعا مۇمكىندىك بەرگەن. وعان قولى جەتپەي قينالۋشىلار 5-تەن 3 پايىزعا تومەندەسە, تاياۋ ۋاقىتتا 0,3 پايىزعا ءتۇسىرۋ كوزدەلىپ وتىر.
ءبىر ءوزى ءبىر قالاشىقتاي جاڭا مەكەن كىشكەنە تۇرعىندارىنىڭ دا قۋانىشى بولەك. اۋلادا وزدەرىنە ارنالعان ويىن الاڭى بار. بوي كوتەرمەك الەۋمەتتىك-تۇرمىستىق نىساندار كوركىن ساندەندىرە تۇسپەك. اتاسۋدىڭ ەرتەڭگى كەيپىن كوزگە ەلەستەتەرلىك ادەمى كورىنىسى بولماق.
اۋدان ورتالىعى عانا ەمەس, جالپى ءوڭىر بەينەسىنىڭ كۇننەن-كۇنگە تانىعىسىز قۇلپىرۋى, جەرگىلىكتى جۇرتتىڭ تۇرمىس جاعدايىنىڭ قىزىعارلىقتاي جاقسارۋى, وسكەن ءومىر جارقىن نىشانىنىڭ كىم-كىمنىڭ جۇزىنەن جارقىراۋى شەت جاقتاعى اۋىلدارداعى دا قۇبىلىس. تۇگىسكەننىڭ, ەسكەنەنىڭ, اقتۇبەكتىڭ تۇلەنىپ, تۇرلەنگەن كەلبەتتەرىنە قاراپ-اق جاڭاارقا جەرىندەگى جاڭارۋ لەبىنىڭ قاندايلىعى انىق اڭعارىلادى. مەملەكەتتىك قولداۋمەن بىرگە ءوز كۇشتەرىمەن ءۇي تۇرعىزۋ, ىنتالىلىقپەن تۇرعىلىقتى مەكەندەردى اباتتاندىرۋ, تۇرمىستىق مادەنيەتتى ماۋەلەندىرۋ ەلدىك ورتاق قۇلشىنىس.
ايقىن نەسىپباي,
«ەگەمەن قازاقستان».
قاراعاندى وبلىسى,
جاڭاارقا اۋدانى.
