41433 اسكەري ءبولىمىنىڭ وفيتسەرى اعا لەيتەنانت سەرگەي سادريەۆ اتىراۋ قالاسىندا وتكەن جاپپاي جۇگىرۋدە ءۇشىنشى ورىنعا يە بولدى. اتالمىش جارىستىڭ ۇزىندىعى 4500 مەتردى قۇراپ, وعان 600-گە جۋىق قالا تۇرعىندارى قاتىستى.
ال ءۇش كۇن وتكەننەن كەيىن, ول AQUATLON بىرىنشىلىگىنىڭ جەڭىمپازى اتاندى. جارىس ەرەجەسى بويىنشا سپورتشىلار 250 مەتردى قۇرايتىن باسسەيندى ءجۇزىپ ءوتىپ, 3000 مەتر اراقاشىقتىقتى جۇگىرىپ ءوتۋ ءتيىس بولدى.
«جارىستىڭ باستى ماقساتى ول سالاۋاتتى ءومىر سالتىن ۇستانۋعا شاقىرۋ, جۇگىرۋدى ناسيحاتتاۋ جانە جاستار مەن ايماق تۇرعىندارىن بۇقارا سپورتپەن اينالىسۋعا شاقىرۋ بولدى» دەيدى ۇيىمداستىرۋشىلار.
بۇل جەڭىس اسكەري قىزمەتشىنىڭ العاشقى جەتىستىگى ەمەس. سوڭعى ءبىر جىلدىڭ ىشىندە, ول اتىراۋ مارافونىنىڭ, «Atyrau Yellow Race», «Atyrau Ice Race», Dala Race جانە استانا مارافون 2019 جارىستارىنىڭ جۇلدەگەرى اتانعان ەدى.
ماڭعىستاۋ وبلىسى
