11 شىلدە، 2019

شاڭعىمەن تۇعىردان سەكىرۋدەن FIS كۋبوگى جانە قۇرلىقتىق FIS كۋبوگى باستالدى

199 رەت كورسەتىلدى

بۇگىن ششۋچينسك قالاسىنداعى وليمپيادالىق دايارلاۋ ورتالىعىندا ەرلەر مەن قىزدار اراسىندا شاڭعىمەن تۇعىردان سەكىرۋدەن FIS كۋبوگى جانە قۇرلىقتىق FIS كۋبوگىنىڭ اشىلۋى ءوتتى. شارانىڭ رەسمي اشىلۋىنا مادەنيەت جانە سپورت مينيسترلىگى وكىلى، اقمولا وبلىسىنىڭ باسقارما باسشىسى، قىسقى سپورت تۇرلەرى بويىنشا وليمپيادالىق دايارلاۋ ورتالىعى باسشىسى مەن حالىقارالىق شاڭعى سپورتى فەدەراتسيا وكىلى قاتىستى.

قىسقى سپورت تۇرلەرى بويىنشا وليمپيادالىق دايارلاۋ ورتالىعى باسشىسى سەمبەكوۆ ميرحايات جارىس قاتىسۋشىلارىن جارىستىڭ اشىلۋىمەن قۇتتىقتادى. «قر مادەنيەت جانە سپورت مينيسترلىگى اتىنان حالىقارالىق تۋرنير قاتىسۋشىلارىنا قوش كەلدىڭىزدەر دەيمىن. اتالعان بازادا ءبىز العاش رەت وسىنداي جوعارى دەڭگەيدەگى شارانى العاش رەت قابىلداپ وتىرمىز. اتالعان وبەكت بارلىق حالىقارالىق ستاندارتتارعا ساي كەلەتىنىن ايتقىم كەلەدى. جوسپار بويىنشا ءبىز بۇل بازادا 4 بالالار ءترامپلينى مەن 300 ورىنعا ارنالعان مەكتەپ-ينتەرنات سالامىز. ءبىز شاڭعىمەن جۇگىرۋ، بياتلون، شاڭعىمەن تۇعىردان سەكىرۋ سپورت تۇرلەرى بويىنشا جارىستاردى قابىلداۋعا دايىنبىز. 

بارلىقتارىڭىزدى بازادا كۇتەمىز. جارىسقا قاتىسۋشىلارعا ساتتىلىك!»، دەدى ورتالىق باسشىسى. سونىمەن قاتار، شاڭعىمەن تۇعىردان سەكىرۋ حالىقارالىق فەدەراتسياسىنىڭ ۇيلەستىرۋشىسى حورست تيلمان ءتۋرنيردىڭ ۇيىمداستىرىلۋىن جوعارى باعالادى.

«مەن ورتالىق ازيادا ءدال وسىنداي سپورت وبەكتىسىنىڭ سالىنعانىنا قۋانىپ وتىرمىن. بۇل باسى عانا، ءبىز مۇندا ءالى تالاي الەم كۋبوگى كەزەڭدەرى مەن الەم چەمپيوناتتارىن وتكىزەمىز. وسىنداي نىسانداردا وليمپيادا چەمپيوندارى دايىندالادى. سىزدەردە سپورتتىق الەۋەتى جوعارى بالالار بار، ماسەلەن، جاسوسپىرىمدەر اراسىندا وتكەن الەم چەمپيوناتىنىڭ قولا جۇلدەگەرى سەرگەي تكاچەنكو بولاشاعىنان كوپ ءۇمىت كۇتتىرەتىن جىگىت»، دەدى حالىقارالىق فەدەراتسيا وكىلى. 

شاڭعىمەن تۇعىردان سەكىرۋدەن FIS كۋبوگى – جىل سايىن ۇيىمداستىرىلاتىن حالىقارالىق جارىس. اتالعان تۋرنير  حالىقارالىق شاڭعى سپورتى فەدەراتسياسى (FIS) اياسىندا ۇيىمداستىرىلادى، الەم كۋبوگىنە ىرىكتەۋ كەزەڭىنىڭ العاشقى ساتىسى سانالادى. 

شاڭعىمەن تۇعىردان سەكىرۋدەن قۇرلىقتىق كۋبوك – جىل سايىن ۇيىمداستىرىلاتىن حالىقارالىق جارىس، اتالعان تۋرنير  حالىقارالىق شاڭعى سپورتى فەدەراتسياسى (FIS) اياسىندا ۇيىمداستىرىلادى، تۋرنير جازعى جانە قىسقى مەزگىلدە دە وتە بەرەدى.  بۇل جارىس الەم كۋبوگى كەزەڭىنە ىرىكتەلۋگە مۇمكىندىك بەرەتىن ەكىنشى ساتى سانالادى. قاجەتتى ۇپاي جيناعان سپورتشى الەم كۋبوگىنا قاتىسۋعا مۇمكىندىك الادى. 

ششۋچينسك قالاسى 11-12 شىلدەدە العاش رەت ايەلدەر مەن ەرلەر اراسىنداعى  ەكى FIS كۋبوگىن ك-95 ترامپلينىندە جانە قوس قۇرلىقتىق فيس كۋبوگىن ايەلدەر اراسىندا  ك-95ترامپلينىندە جانە ەرلەر اراسىندا ك-125 ترامپلينىندە 13-14 شىلدەدە قابىلدايدى. 

حالىقارالىق جارىسقا اۋستريا، گەرمانيا، قازاقستان، وڭتۇستىك كورەيا، نورۆەگيا، رەسەي، رۋمىنيا، سلوۆەنيا، ۋكراينا، شۆەيتساريا جانە جاپونيا ەلىنەن كەلگەن 72 سپورتشى قاتىسۋدا.

قازاقستان قۇراماسىن 15 سپورتشى باستايدى. قازاقستاندىق سپورتشىلاردىڭ حالىقارالىق جارىستارداعى ەڭ ۇزدىك ناتيجەلەرى:

تكاچەنكو سەرگەي – FIS كۋبوگى (پلانيتسا) – 1 ورىن
تكاچەنكو سەرگەي (2018 جىلعى قىسقى وليمپيا ويىندارىنىڭ قايىسۋشىسى) – 2019 جىلعى جاسوسپىرىمدەر اراسىنداعى ءاچ (لاحتي) – 3 ورىن
تكاچەنكو سەرگەي – FIS كۋبوگى (ساپپورو) – 3 ورىن
شيشكينا ۆەرونيكا – ازيا بالالارى– 1 ورىن

سدەرجيكوۆا ۆالەنتينا – FIS كۋبوگى (پلانيتسا) – 3 ورىن

جارىس قازاقستان رەسپۋبليكاسىنىڭ مادەنيەت جانە سپورت مينيسترلىگى، اقمولا وبلىسىنىڭ اكىمدىگى، «ۇلتتىق وليمپيادا كوميتەتى»، «ۇلتتىق شاڭعى قاۋىمداستىعى» جانە قىسقى سپورت تۇرلەرى بويىنشا وليمپيادالىق دايارلاۋ ورتالىعىنىڭ قولداۋىمەن ءوتىپ جاتىر.


سوڭعى جاڭالىقتار

اشىقتىق – قوعام دامۋىنىڭ كەپىلى

ايماقتار • بۇگىن، 13:00

دوللار قايتا قىمباتتادى

ەكونوميكا • بۇگىن، 12:18

قايران قالدىرعان قايىڭدى

فوتوگالەرەيا • بۇگىن، 11:56

ۇقساس جاڭالىقتار