قازاقستان • 11 شىلدە، 2019

حالىق ىقىلاسىنا بولەنگەن گاسترول

142 رەت كورسەتىلدى

اباي اتىنداعى قازاق مەملەكەتتىك اكادەميالىق وپەرا جانە بالەت تەاترىنىڭ 85 جىلدىعىنا ارنالعان مەرەيتويلىق گاسترولى قالا كۇنى قارساڭىنا تۇسپا-تۇس كەلىپ، ەلوردا جۇرتشىلىعى شىعارماشىلىق توپتى قۇشاق جايا قارسى الدى. «استانا وپەرانىڭ» ۇلكەن ساحناسىندا ترۋپپا رەپەرتۋارىنىڭ التىن قورىنداعى جانە كورەرمەن كوزايىمىنا اينالعان كلاسسيكا جاۋھارلارى ۇسىنىلدى.

مەرەيتويلىق باعدار­لامانى پ.ماسكانيدىڭ «سەلسكايا چەست» جانە ر.لەون­كوۆاللونىڭ «پايا­تسى» اتتى XIX عاسىر­دىڭ سوڭىندا كومپوز­يتور­لا­ر­دىڭ بايقاۋعا ارناپ جاز­عان ءبىر ءبولىمدى وپەرالارى اشتى. سپەكتاكلدەردى قويۋ ءۇشىن يتاليادان ارنايى شىعارماشىلىق توپ شاقىرىلىپ، قوس وپە­رانىڭ الماتىداعى تۇساۋ­كەسەرى 2018 جىلى وتكەن ەدى. 1890 جىلى ريمدە جا­زىلعان «سەلسكايا چەست» وپەراسىنىڭ ءتىلى حالىق باستاۋىنا، سول ءداۋىر­دىڭ تۇرمىستىق مۋزىكا­سىنا سۇيەنەدى. باستى پار­تيا­لاردى: سانتۋتستسا – قازاقستاننىڭ ەڭبەك ءسىڭىر­گەن قايراتكەرى گۇلزات داۋىرباەۆا، تۋريددۋ – نۇر­جان باجەكەنوۆ، ليۋچيا – ەلەنا نيكونوۆا، الفيو – ەۆ­گەني شاگاروۆ، لولا – وكسانا داۆىدەنكو) ورىندادى. رۋدجەرو لەونكا­ۆاللونىڭ «پاياتسى» وپەراسى شىندىقتان قاشىپ، ءجون-جوسىقسىز رولدەردى سومدايتىن، ال اقيقاتقا تاپ بولعان كەزدە وزدەرىنىڭ مۇساپىرلىگىن بايقاماۋ ءۇشىن ءمان-ماعىناسىز كۇيىن قايتا جالعاستىراتىن كۇلدىرگى كەزبە اكتەرلەردىڭ ءومىرىن كەرەمەت بەينەلەيدى. مۇنداعى كەيىپكەرلەردى كانيو – بالۋان بەركەنوۆ، نەددا – زارينا التىنباەۆا، تو­نيو – الەكساندر سمەتا­نين، بەپپو – دارحان جول­دىباەۆ، سيلۆيو – قازاق­ستاننىڭ ەڭبەك سىڭىرگەن قاي­راتكەرى اندرەي ترە­گۋبەنكو ۇزدىك بەينەلەپ شىقتى. سپەكتاكلدىڭ قويۋشى ديريجەرى – قازاق­ستاننىڭ ەڭبەك سىڭىرگەن قايراتكەرى اسقار ءبورى­باەۆ، باس رەجيسسەرى – لو­رەنتسو مارياني (يتاليا)، رەجيسسەرى – قازاقستاننىڭ ەڭبەك سىڭىرگەن قايراتكەرى ءلايلىم يمانعازينا، حورمەيستەرى – اباي اتىن­داعى ماوبت باس حور­مەيستەرى ءاليا تەمىر­بەكوۆا. بۇدان بولەك پ.ي.چايكوۆسكيدىڭ مۋ­زى­كا­سىنا قويىلعان بو­ريس ەيفماننىڭ «ان­نا كارەنينا» اتتى سپەك­تاك­لىندەگى قازاقستاننىڭ ەڭبەك ءسىڭىر­گەن قايراتكەرى، اباي اتىنداعى قماوبت پريما-بالەريناسى ساۋلە راح­مەدوۆانىڭ بەنەفيسى كورەرمەندەر ءۇشىن ناعىز سىي بولدى. كومەديالىق سپەكتاكلدەر – دج.روس­سينيدىڭ «كۇلبيكە» وپەراسى مەن ل. مينكۋستىڭ «دون كيحوت» بالەتى وتباسىمەن كەلگەن كورەرمەندى قىزىققا تولى وقيعالار ىزىمەن يسپانياعا ساياحاتقا باستاپ اپاردى. وسىلايشا گاسترولدىك ساپار ارقىلى ارتىستەردىڭ كاسىبي شەبەر­لىگىن، رەجيسسۋراسىن، جاس بۋىن وكىلدەرىنىڭ اياق الىسىن كورسەتىپ قايتقان تەات­ر ۇجىمىنىڭ مارتەبەسى مەن ايبارى تاعى ءبىر ءمار­تە اسقاقتاعان كۇن بولدى. اباي اتىنداعى قازاق مەم­­لەكەتتىك اكادەميالىق وپەرا جانە بالەت تەاترى – قازاق حالقىنىڭ رۋحاني سيمۆولى دەۋگە نەگىز بار. ويتكەنى ونىڭ تاريحى ۇلتتىق وپەرا جانە بالەت ونەرىنىڭ قالىپتاسۋىمەن، دامۋىمەن جانە وركەن­دەۋىمەن تىعىز بايلانىس­تى. بۇگىنگە دەيىن تەاتر ساح­ناسىندا تۇڭعىش قازاق وپەرالارى مەن بالەتتەرى، ورىس، باتىس ەۋروپا وپەرا كلاسسيكاسى سىندى 300-دەن استام تۋىندى ساحنالانعان.

 

سوڭعى جاڭالىقتار

11 تامىزعا ارنالعان ۆاليۋتا باعامى

ەكونوميكا • بۇگىن، 09:40

ۇقساس جاڭالىقتار