زايسان گازى اۋداننىڭ 24 ەلدى مەكەنىنىڭ يگىلىگىنە جاراتىلماق
سارسەنبى, 23 قاڭتار 2013 7:16
وسىدان بىرنەشە جىل بۇرىن قويناۋى مالعا, قازىناسى مۇناي مەن گازعا تولى زايسان وڭىرىندەگى تابيعات بايلىعىن كادەگە جاراتۋ قولعا الىنعان بولاتىن. زايساننىڭ گازىن اۋداننىڭ 24 ەلدى مەكەندەرى تۇتىنىپ قانا قويماي, كەلەشەكتە كورشى تارباعاتاي اۋدانىنىڭ جانە قىتايدىڭ ەلدى مەكەندەرى دە تۇتىنباق.
سارسەنبى, 23 قاڭتار 2013 7:16
وسىدان بىرنەشە جىل بۇرىن قويناۋى مالعا, قازىناسى مۇناي مەن گازعا تولى زايسان وڭىرىندەگى تابيعات بايلىعىن كادەگە جاراتۋ قولعا الىنعان بولاتىن. زايساننىڭ گازىن اۋداننىڭ 24 ەلدى مەكەندەرى تۇتىنىپ قانا قويماي, كەلەشەكتە كورشى تارباعاتاي اۋدانىنىڭ جانە قىتايدىڭ ەلدى مەكەندەرى دە تۇتىنباق.
– گاز قورى الدىن-الا زەرتتەۋلەر بويىنشا ۇزاق جىلدارعا جەتپەك. ال زايساننىڭ مۇنايىن ءتىپتى كەڭەس وداعى كەزىندە باشقۇرتتار يگەرمەكشى بولىپ, قارا التىننىڭ قورى مول ەكەنىنە كوز جەتكىزگەن. الايدا, سوڭىنان نارىق كەلىپ كيلىگىپ, ول جۇزەگە اسپاي قالعان. قازىر مۇنايدى زەرتتەپ جاتىر. ال گازدىڭ ساپاسى جاقسى, امانشىلىق بولسا, ونى يگەرۋگە قىتاي جاعى 210 ميلليون اقش دوللارىن سالماق. ال ب.ەلامانوۆ باسقاراتىن «تارباعاتاي مۇناي» جشس مۇنايدى يگەرە باستاماق. قازىرگى بولجام بويىنشا زايساندا 5 ميلليارد 200 ميلليون تەكشە مەتر گاز قورى انىقتالىپ وتىر. جاقىندا ۇكىمەت باسشىسى سەرىك احمەتوۆ ىسساپارمەن كەندى التايعا كەلگەن كەزدە ءوڭىر باسشىسى ب.ساپارباەۆ «وسكەمەن-زىريان-مايقاپشاعاي» تەمىر جولىن سالۋعا كومەك كورسەتۋ جونىندە ۇسىنىسىن جەتكىزدى. ەگەر بۇل جوبا ىسكە اسا قالسا قىتاي ارقىلى ازيا بارىسى ەلدەرىنە قازاقستاننىڭ ءوز ونىمدەرىن جونەلتۋگە مۇمكىندىك تۋار ەدى, – دەيدى زايسان اۋدانىنىڭ اكىمى سەرىك زاينۋلدين.
سونىمەن زايسان گازىن پايدالانۋ باستالىپ تا كەتتى. وتكەن سارسەنبىدە «تارباعاتاي-مۇناي» كومپانياسىنىڭ ءماجىلىس زالىندا زايسان وڭىرىندە شوعىرلانعان تابيعي گاز قورىن پايداعا جاراتۋ ماقساتىندا ءۇلكەن جيىن ءوتتى. ونى وبلىس اكىمىنىڭ ورىنباسارى ايتقازى شەرۋباەۆ وتكىزدى.
القالى جيىندا مۇناي جانە گاز مينيسترلىگى گاز ونەركاسىبىن دامىتۋ دەپارتامەنتىنىڭ ديرەكتورى س.برەكەشوۆ, «قازترانسگاز» اق-تىڭ تاۋەلسىز ديرەكتورى, «كاتەك» جشس ديرەكتورى, جەرگىلىكتى جەردەگى مۇنايدى ءوندىرەتىن فيرما باسشىلارى, زايسان اۋدانىنىڭ اكىمى ءسوز الىپ, گازدى پايدالانۋدى جەدەلدەتۋ جونىندە پىكىرلەرىن ورتاعا سالدى. مۇنىڭ الدىندا قازاقستان مەن قىتاي شەكاراسىندا گاز قۇبىرىن ءتۇيىستىرۋ جۇزەگە اسقان بولاتىن. ەندىگى ماسەلە گازدى ءوندىرۋ. سونىمەن بىرگە اۋدان ورتالىعى مەن 24 ەلدى مەكەنگە گاز قۇبىرىن تارتۋدى جەدەلدەتۋ قاجەتتىگى دە قوزعالدى.
وڭداسىن ەلۋباي,
«ەگەمەن قازاقستان».
شىعىس قازاقستان وبلىسى,
زايسان اۋدانى.
