«بيزنەستىڭ قىر-سىرىنا ابدەن قانىعۋ ءۇشىن مەن الدىمەن «باستاۋ» كۋرسىنا وقىپ الدىم. بيزنەستى جوسپارلاۋدى, باعا ساياساتىن, نارىقتى زەرتتەۋدى ۇيرەندىم. بالالار توسەگىنە كەتەتىن شىعىن مەن باعانى باعامداۋدى بىلمەيدى ەكەنبىز, سونىڭ بارلىعىن ءتۇسىندىم» دەيدى ءامينا ءجانابىلوۆا. جاس وتباسى گرانت ۇتۋعا قاتىسۋ ءۇشىن جولداما الدى. ەرلى-زايىپتىلاردىڭ جوباسى ساراپشىلارعا ۇناپ, ولار 252500 تەڭگەنىڭ گرانتىن ۇتىپ الدى. ول قارجىعا وتباسى رەيسمۋستىق ستانوك ساتىپ الدى.
«ستانوكتى ساتىپ العانعا دەيىن اعاش توسەكتىڭ كەيبىر بولىكتەرىن اقى تولەپ جاساتىپ الىپ جۇردىك, ول ارينە ارزانعا تۇسپەيتىن. ال قازىر كەرەكتى ماتەريالدىڭ بارلىعىن جۇرتقا جالىنباي ءوزىمىز جاسايمىز» دەيدى ءامينا. وتباسىنىڭ العاشقى اعاش توسەگى گاراجدا جاسالىپتى. قازىر ولار تسەح جالدايدى. سوۆەتتىڭ ىسىنە قاراپ, ول بۇرىن تەمىر جول سالاسىندا ىستەگەن, ۇستالىققا ەشقانداي قاتىسى بولمادى دەگەنگە سەنۋ قيىن. سوۆەتتىڭ قولىنا تۇسكەن قاراعاي تۇرلەنىپ, بالالاردىڭ اعاش توسەگىنە اينالادى. ونىڭ قولىنان شىققان اعاش توسەك بالالارعا دا, اتا-انالارعا دا ۇنايدى. كاسىپتى جولعا قويۋ جاس كاسىپكەرگە وڭاي دا بولىپ تۇرعان جوق. كومەكشى جەتىسپەيدى. كاسىبي اعاش ۇستالارىن تابۋ وڭاي ەمەس.
«الداعى ۋاقىتتا كوللەدجدەرمەن بايلانىس ورناتساق دەپ وتىرمىز. كوللەدج ستۋدەنتتەرىن وزىمىزگە الىپ, ۇيرەتەمىز» دەيدى ءامينا.
قوستاناي
