ەكى كاسىپورىننىڭ تۇساۋى كەسىلدى
جۇما, 18 قاڭتار 2013 7:29
ۇدەمەلى يندۋستريالىق-يننوۆاتسيالىق دامۋ باعدارلاماسى ەل ەكونوميكاسىنىڭ ىلگەرىلەۋىنە سەرپىن بەرەدى. سوندىقتان دا ەلباسى نۇرسۇلتان نازارباەۆ «قازاقستان -2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» اتتى جولداۋىندا ۇدەمەلى يندۋستريالىق-يننوۆاتسيالىق دامۋ باعدارلاماسىن بۇرىنعىدان دا كەڭەيتۋ جانە دامىتۋ ماسەلەسىنە باسا نازار اۋداردى. جولداۋدا مۇناي-گاز قورلارىنا تاۋەلدى ەمەس قۋاتتى يندۋستريا قۇرۋ قاجەتتىگى العا تارتىلدى. وڭىردە مەملەكەت باسشىسى العا قويعان مىندەتتەردى جۇزەگە اسىرۋ بويىنشا سالماقتى جۇمىستار جۇرگىزىلۋدە. جاڭا جىل قارساڭىندا پايدالانۋعا بەرىلگەن ەكى كاسىپورىن وسىنداي ىزدەنىستەردىڭ ناقتى مىسالى.
جۇما, 18 قاڭتار 2013 7:29
ۇدەمەلى يندۋستريالىق-يننوۆاتسيالىق دامۋ باعدارلاماسى ەل ەكونوميكاسىنىڭ ىلگەرىلەۋىنە سەرپىن بەرەدى. سوندىقتان دا ەلباسى نۇرسۇلتان نازارباەۆ «قازاقستان -2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» اتتى جولداۋىندا ۇدەمەلى يندۋستريالىق-يننوۆاتسيالىق دامۋ باعدارلاماسىن بۇرىنعىدان دا كەڭەيتۋ جانە دامىتۋ ماسەلەسىنە باسا نازار اۋداردى. جولداۋدا مۇناي-گاز قورلارىنا تاۋەلدى ەمەس قۋاتتى يندۋستريا قۇرۋ قاجەتتىگى العا تارتىلدى. وڭىردە مەملەكەت باسشىسى العا قويعان مىندەتتەردى جۇزەگە اسىرۋ بويىنشا سالماقتى جۇمىستار جۇرگىزىلۋدە. جاڭا جىل قارساڭىندا پايدالانۋعا بەرىلگەن ەكى كاسىپورىن وسىنداي ىزدەنىستەردىڭ ناقتى مىسالى.
«كوكتاس اقتوبە» اكتسيونەرلىك قوعامى ىسكە قوسقان قاعاز جانە كارتون ءوندىرۋ ءۇشىن قايتالاما شيكىزات وڭدەيتىن تسەحتىڭ جىلدىق قۋاتى 1200,0 توننانى قۇرايدى. جوبا قۇنى 180,0 ميلليون تەڭگە تۇرادى. مۇندا جاڭادان 15 جۇمىس ورنى اشىلدى. وندىرىستە رەسەيدىڭ «يمپۋلس» نپك» كومپانياسىنىڭ وسى زامانعى وزىق تەحنولوگياسى قولدانىلادى. بۇل جوعارى ساپالى ءونىم وندىرۋگە مۇمكىندىك بەرەدى. كاسىپورىننىڭ ارتىقشىلىعى قىمبات ەمەس ءوز شيكىزاتىنىڭ بولۋى, تسەحتىڭ شىعىندىعى جانە ىشكى قاجەتتىلىكتى وتەيتىندىگى دە ورىندى. وڭدەلگەن قاعاز ونىمدەرى اكتسيونەرلىك قوعامنىڭ ءبولىمشەلەرىندە پايدالانىلادى, سونداي-اق, ايماقتىڭ باسقا دا تۇتىنۋشىلارىنىڭ سۇرانىسىن وتەيدى. «بيزنەستىڭ جول كارتاسى-2020» باعدارلاماسى اياسىندا بۇل كاسىپورىنعا 1,7 شاقىرىم كىرمە جولداردى قايتا جاراقتاندىرۋ جانە سالۋعا 58,0 ميلليون تەڭگە مەملەكەتتىك قولداۋ كورسەتىلدى. ەڭ باستىسى, ەندى كەز كەلگەن جەردە شاشىلىپ جاتاتىن قاعاز قالدىقتارى كادەگە اسىرىلادى.
ەكىنشى كاسىپورىن, ول – «بەكارىس» جشس ىسكە قوسقان كۆارتستان جاساندى تاس وندىرەتىن زاۋىت. زاۋىتتىڭ جىلدىق قۋاتى ءارتۇرلى اسسورتيمەنتتەگى 84,0 مىڭ شارشى مەتر جاساندى تاس شىعارۋعا مۇمكىندىك بەرەدى. قۇنى 247,0 ميلليون تەڭگە بولاتىن جوبانى جۇزەگە اسىرۋ 22 جاڭا جۇمىس ورنىنىڭ اشىلۋىنا العىشارت جاسادى. مۇندا يتالياننىڭ «Bretonstone» فيرماسىنىڭ تەحنولوگياسىنا نەگىزدەلگەن قىتايدىڭ «رۋستون» كومپانياسىنىڭ قوندىرعىسى ورناتىلعان. وسى زامانعى زاۋىتتىڭ قازاقستاندا تەڭدەسى جوق. بولاشاقتا زاۋىتتىڭ ونىمدەرىن اتىراۋ, ماڭعىستاۋ جانە باتىس قازاقستان وبلىستارىنا وتكىزۋ كوزدەلۋدە. وندىرىستىك قۋات ارتا كەلە, وتكىزۋ ايماعى دا كەڭەيە تۇسپەك. بۇل كاسىپورىننىڭ اشىلۋىنا دا «بيزنەستىڭ جول كارتاسى-2020» باعدارلاماسى بويىنشا قولداۋ كورسەتىلگەن ەكەن. «بتا بانك» اق 110,0 ميلليون تەڭگە نەسيەنىڭ پروتسەنتتىك ستاۆكاسىن سۋبسيديالايتىن بولىپتى. 27,2 ميلليون تەڭگەگە پودستانساسىمەن 2,4 شاقىرىم ەلەكتر جەلىسى تارتىلىپ بەرىلدى, 32,0 ميلليون تەڭگەگە 1,2 شاقىرىم اۆتوجول قايتا جاراقتاندىرىلدى.
باعدارلاما اياسىندا وسىنداي قولداۋ-كومەك العان جاڭا كاسىپورىنداردىڭ تەز ارادا وندىرىستىك قۋاتىنا شىعۋعا مۇمكىندىگى مول. جالپى, وبلىستا وتكەن جىلى جالپى قۇنى 4,5 ميلليارد تەڭگە بولاتىن ون ءۇش جوبا جۇزەگە اسىرىلىپ, 451 جاڭا جۇمىس ورنى اشىلدى. بۇل وبلىستىڭ ەكونوميكالىق-الەۋمەتتىك دامۋىنا قوسىمشا سەرپىن بەردى, وڭدەۋ سەكتورىندا جوعارى تەحنولوگيالى ءوندىرىس ورىندارىنىڭ قاتارىن كوبەيتە ءتۇستى. سونداي-اق, سۇرانىسقا يە ارزان دايىن ونىمدەرگە قولجەتىلىمدىلىكتى ارتىردى.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.
