ىنتىماقتاستىقتى جانداندىرۋعا نيەتتى

كونفەرەنتسيادا ەو-نىڭ ور­تالىق ازيا بويىنشا جاڭا سترا­تەگياسىنىڭ رەسمي تۇساۋكەسەرى بولدى. جيىن بارىسىندا قا­زاق­ستان سىرتقى ىستەر ءمينيسترى ب.اتامقۇلوۆ ستراتەگيا ماتىنىنە شاعىن جانە ورتا بيزنەستى, كولىك-لوگيستيكالىق ينفراقۇرىلىمدى, ەنەرگيا تيىمدىلىگىن, قورشاعان ورتانى قورعاۋ, كليماتتىڭ ءوز­گە­رۋىنە قارسى كۇرەس, سۋ رەسۋرس­تارىن ءتيىم­دى پايدالانۋ, ءبىلىم بەرۋ, تسيفر­لاندىرۋ بويىنشا جانە ت.ب. قا­زاقستاندىق ۇسىنىستاردى ەنگىزۋدى قۇپتادى.

كەزدەسۋدە قازاقستاندىق دەلەگاتسيا وڭىرلىك جوبالاردى قارجىلاندىرۋ ءۇشىن ەو ين­ۆەس­تيتسيالىق تەتىگىنىڭ (IFCA) الەۋە­تىن جانە ەۋروپالىق ينۆەستي­تسيالىق بانكتىڭ (EIB) مۇمكىن­دىك­تەرىن ىسكە قوسۋدى ۇسىندى. 

تاراپتار وڭىرلىك قاۋىپسىزدىك ماسە­لەلەرىنە, سونىڭ ىشىندە ەۋرو­پالىق وداقپەن بىرلەسكەن شەكا­رالاردى باسقارۋعا جاردەم­دەسۋ باعدارلاماسىن (BOMCA), ەسىرتكى جونىندەگى ءىس-قي­مىل باعدارلاماسىن (CاDاP) جال­عاس­تىرۋعا جانە كەڭەيتۋگە, سونداي-اق ور­تالىق ازيا وڭىرلىك اقپاراتتىق ءۇي­لەستىرۋ ورتالىعى جەلىسى بو­يىنشا ىنتىماقتاستىقتى جاندان­دىرۋعا نازار اۋداردى. ءىس-شارا­نىڭ سوڭىندا سىرتقى ىستەر مي­نيس­ترلەرى جانە ەو جوعارعى وكىلى «ەو جانە ورتالىق ازيا: كۇش­تى سە­رىكتەستىكتى بىرگە قۇرا وتى­رىپ» اتتى قورىتىندى كومميۋ­نيكە قابىلدادى. وندا ەو-نىڭ ورتا­لىق ازيا ەلدەرىنىڭ ۇلت­تىق كۇش­تەرىن قولداۋعا, ءوڭىر­دىڭ الەمدىك ساۋدا جۇيەسىنە تابىس­تى كىرىگۋىنە جانە وڭىرىشىلىك ىنتى­ماق­تاستىقتى ىلگەرىلەتۋ ءۇشىن ءوز ار­سەنالىنداعى بارلىق قۇرال­داردى ىسكە قوسۋعا نيەتتى ەكەنى اي­تىلعان.