«ەگەر دە اكۆاپارككە توقتالساق, بۇل جوبا بويىنشا جۇمىستار باستالدى. ينۆەستورلاردى ىزدەستىرۋ كەزىندە شىمكەنتكە نەپالدان ميللياردەر كەلدى. ول بىزدەگى وسى جوباعا قىزىعۋشىلىق تانىتىپ وتىر. قازىرگى كەزدە ونىڭ كومپانياسى دۋبايداعى اكۆاپاركتىڭ جوبالاۋشىلارىمەن كەلىسسوزدەر جۇرگىزىپ جاتىر. ولار وزدەرىنىڭ كومانداسىمەن 13 شىلدە كۇنى شىمكەنتكە كەلىپ, ءۇش كۇن بويى جوبانى پىسىقتايدى. ءبىز 100 گەكتار جەردى بولدىك, ول جەردە ءتيىستى كوممۋنيكاتسيالار بار», - دەدى اكىم.
ونىڭ سوزىنە قاراعاندا, اتالعان نەپالدىق ازامات تۇركىستان وبلىسى قازىعۇرت اۋدانىندا تاعى ءبىر جوبانى ىسكە اسىرۋعا قاتىسپاق, ياعني ماكارون ءوندىرۋ بويىنشا كاسىپورىندى اشۋ جۇمىستارىنا كىرىسۋگە نيەتتى.
«جالپى, جوبانىڭ قۇنى 100 ملن دوللاردى قۇراپ وتىر. ونى ىسكە قوسۋعا ەكى جىل ۋاقىت كەرەك بولادى», - دەدى ع. ءابدىراحىموۆ.
