09 شىلدە، 2019

شقو پروكۋراتۋراسىنىڭ قىزمەتكەرلەرى الەمنىڭ ۇزدىك ۋنيۆەرسيتەتىنە وقۋعا قابىلداندى

231 رەت كورسەتىلدى

شقو پروكۋرورىنىڭ ەكى كومەكشىسى قانات ايكەنوۆ پەن لاۋرا ايكەنوۆا الەمنىڭ ۇزدىك ۋنيۆەرسيتەتتەرىنىڭ بىرىنە ءتۇستى.


شقو پروكۋرورىنىڭ ەكى كومەكشىسى قانات ايكەنوۆ پەن لاۋرا ايكەنوۆا الەمنىڭ ۇزدىك ۋنيۆەرسيتەتتەرىنىڭ بىرىنە ءتۇستى. 2017 جىلى ولارعا «قۇقىقتانۋ» ماماندىعى بويىنشا ماگيستراتۋرادا امەريكا قۇراما شتاتتارىندا وقۋ ءۇشىن قازاقستان رەسپۋبليكاسى پرەزيدەنتىنىڭ «بولاشاق» ستيپەندياسى بەرىلگەن بولاتىن.

وتكەن جىلى ولار قۇجاتتارىن امەريكانىڭ ۇزدىك 4 ۋنيۆەرسيتەتىنە (كاليفورنيا ۋنيۆەرسيتەتى (بەركلي)، نيۋ-يورك ۋنيۆەرسيتەتى، پەنسيلۆانيا ۋنيۆەرسيتەتى جانە كورنەلدىك ۋنيۆەرسيتەت) تاپسىرعان-دى. ولاردىڭ تاڭداۋى كاليفورنيا ۋنيۆەرسيتەتى بولدى. بۇل ۋنيۆەرسيتەت 1866 جىلى قۇرىلعان جانە الەمنىڭ ۇزدىك ۋنيۆەرسيتەتتەرىنىڭ بەستىگىنە كىرەدى. وقۋ ورنىندا 7 نوبەل سىيلىعىنىڭ لاۋرەاتتارى ءدارىس بەرەدى، ال جالپى، ۋنيۆەرسيتەتپەن نوبەل سىيلىعىنىڭ 100 لاۋرەاتىنىڭ ەسىمدەرى بايلانىستى. بۇل ۋنيۆەرسيتەتتەگى قۇقىقتانۋ مەكتەبى الەم بويىنشا قۇقىق مەكتەپتەرىنىڭ ىشىندە 7-ءشى ورىن الادى، سول سەبەپتى بولاشاق ستۋدەنتتەردى دە وتە مۇقيات تاڭدايدى. ماگيستراتۋرادا وقۋ  اكادەميالىق ءبىر جىلعا سوزىلادى جانە 2019 جىلدىڭ تامىز ايىندا باستالادى، دەمەك، 2020 جىلدىڭ مامىر ايىندا پروكۋراتۋرا قىزمەتكەرلەرى قازاقستانعا قايتىپ ورالىپ، العان بىلىمدەرىن جۇمىس بارىسىندا قولدانا باستاۋىنا بولادى» دەلىنگەن شىعىس قازاقستان وبلىستىق پروكۋراتۋراسىنىڭ ءباسپاسوز قىزمەتى تاراتقان مالىمەتتە.

وسكەمەن




سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار