قۇرمەتتى قالا تۇرعىندارى مەن قوناقتارى!
سىزدەردى ەلوردا كۇنىمەن شىن جۇرەكتەن قۇتتىقتايمىن!
قازاقستاننىڭ استاناسى – نۇر-سۇلتان قالاسى – تاۋەلسىزدىك جىلدارىنداعى مەملەكەتىمىزدىڭ الەۋمەتتىك-ەكونوميكالىق جانە ساياسي جەتىستىكتەرىنىڭ بەينەسى, ەلىمىزدىڭ ءوسىپ كەلە جاتقان قۋاتىن جانە ونىڭ ودان ءارى دامۋىنىڭ جوعارى الەۋەتىن كورسەتەدى.
ەلوردانىڭ تاعدىرى ەلباسى نۇرسۇلتان ءابىش ۇلى نازارباەۆتىڭ قىزمەتىمەن تىعىز بايلانىستى. ول ەلىمىزدىڭ باس قالاسى اۋماعىنداعى بارلىق ساۋلەت نىسانىن سالۋعا باستاماشى بولدى.
نۇر-سۇلتان قالاسى قازاقستاننىڭ حالىقارالىق بەدەلىن نىعايتا تۇسەدى جانە مەملەكەت دامۋىنىڭ لوكوموتيۆىنە اينالدى, ونىڭ بولاشاق ەكونوميكالىق تۇرعىداعى كورىنىسى بولىپ سانالادى. بۇل الەمنىڭ جەتەكشى مەگاپوليستەرىمەن سەنىمدى تۇردە باسەكەگە تۇسەتىن قالا, 21 جىل ىشىندە الەمدىك قاۋىمداستىقتاردى دامۋ قارقىنىمەن جانە جىلدامدىعىمەن تاڭقالدىرا وتىرىپ, ۇلكەن سەرپىلىس جاساي الدى.
استانامىزدىڭ قارقىندى دامۋى مەن وركەندەۋىنىڭ باستى كۇشى شىعارماشىلىق جانە كاسىبي داعدىلارىمەن ۇلكەن جەتىستىكتەرگە جەتىپ جۇرگەن قالانىڭ تۇرعىندارى دەپ بىلەمىن.
نۇر-سۇلتان – ءبىزدىڭ ماقتانىشىمىز, ورتاق ءۇيىمىز. وسىناۋ مەرەيلى مەرەكەدە دەندەرىڭىزگە ساۋلىق, وتباسىلارىڭىزعا اماندىق, يگىلىك پەن ساتتىلىك تىلەيمىن!
