اشىلۋ راسىمىنە ماڭعىستاۋ وبلىستىق سوتىنىڭ توراعاسى ەرجان داۋليەۆ, وبلىس پروكۋرورى ەرلان اباەۆ, ماڭعىستاۋ وبلىسى قازاقستان حالقى اسسامبلەيا حاتشىلىعىنىڭ مەڭگەرۋشىسى گۇلجان يسمۋرزينا جانە سۋديالار مەن قۇقىق قورعاۋ ورگانى وكىلدەرى قاتىستى.
ءىس-شارادا ءسوز العان ەرجان داۋليەۆ بۇل وڭىردە اشىلىپ وتىرعان بەسىنشى تاتۋلاستىرۋ ورتالىعى ەكەندىگىن ايتىپ, قاتىسۋشىلاردى تاتۋلاستىرۋ راسىمدەرى بويىنشا بەلسەندى جۇمىس ىستەۋگە شاقىردى. سونداي-اق, ول كاسىپكەرلەر اراسىنداعى داۋلاردى, ازاماتتىق, ەڭبەك, وتباسى داۋلارىن مەدياتسيا ارقىلى شەشۋدىڭ تىيمدىلىگىن جەتكىزدى.
ودان ءارى ەرلان اباەۆ اتالعان ورتالىقتىڭ ازاماتتارعا قۇقىقتىق كومەك كورسەتىپ وتىرعانىن اتاي كەلە, ەندىگى جەردە مۇندا كەلگەن ازاماتتارعا داۋلاردى شەشۋدىڭ ءتيىمدى جولدارىن ۇسىناتىن تاتۋلاستىرۋ ورتالىعىنىڭ قىزمەت كورسەتۋى ۇلكەن جەتىستىك ەكەنىن ايتتى.
-اتالعان ورتالىق ازاماتتاردى قابىلداۋ جانە ولارمەن جۇمىس ىستەۋگە قاجەتتى بۇكىل ينفراقۇرىلىمدىق قۇرال-جابدىقتارمەن قامتاماسىز ەتىلگەن. ورتالىقتا قۇقىقتىق ماسەلەمەن جۇگىنگەن ازاماتتاردى تاجىريبەلى مەدياتورلار, زاڭگەرلەر, پروكۋرورلار, قۇقىق قورعاۋ ورگاندارىنىڭ وكىلدەرى قابىلدايدى, دەيدى بۇل تۋرالى حابارلاعان ماڭعىستاۋ وبلىستىق سوتىنىڭ ءباسپاسوز مامانى نۇرشات وتەۋليەۆا.
ماڭعىستاۋ وبلىسى
